Arkiv-Lajme

Presidentët e Gjermanisë, Austrisë, Italisë, Kroacisë, Estonisë, Slovenisë, Bulgarisë, Republikës çeke, etj, kanë njoftuar se nuk do të jenë në summit-in e Europës Qendrore e Juglindore në Kiev më 11-12 maj. Dhe ky gjest, me siguri i koordinuar, është bërë për t’i dhënë një sinjal presidentit ukrainas, Viktor Janukoviç, i cili mban të burgosur prej kohësh, dhe keqtrajton, kundërshtaren e vet politike, Julia Timoshenko. Ky summit u mbajt vjet në Poloni, dhe aty morën pjesë 20 krerë shtetesh të rëndësishëm, përfshirë dhe Barack Obama-n. Ndërsa këtë vit, Janukoviçi ka rrezik të mbetet ligsht.

Përplasja e mëngjesit të djeshëm në Kamzë midis forcave të FNSH-së dhe një grupi civilësh u raportua gjerësisht në faqet e kronikës së shtypit si një konflikt i nisur për konkurrencën midis furgonëve dhe autobusëve për disa pasagjerë më shumë. Në fakt ishte më shumë se kaq. Nga shtypi sot, mësohet se pronarët e linjës së autobusit kanë qenë të licencuar për të bërë linjën Tiranë-Kamzë me autobus duke shlyer detyrimet në shtet. Por në këtë marrëdhënie shtet-privat kishin hyrë në mes furgonët duke iu pakësuar klientelën autobusëve.

Përplasja e mëngjesit të djeshëm në Kamzë midis forcave të FNSH-së dhe një grupi civilësh u raportua gjerësisht në faqet e kronikës së shtypit si një konflikt i nisur për konkurrencën midis furgonëve dhe autobusëve për disa pasagjerë më shumë. Në fakt ishte më shumë se kaq. Nga shtypi sot, mësohet se pronarët e linjës së autobusit kanë qenë të licencuar për të bërë linjën Tiranë-Kamzë me autobus duke shlyer detyrimet në shtet. Por në këtë marrëdhënie shtet-privat kishin hyrë në mes furgonët duke iu pakësuar klientelën autobusëve.

Pas vizitës triumfaliste në Ankara, ku shpalli se Turqia është ALEATI STRATEGJIK i Shqipërisë (vini re: aleati është në njëjës) dhe se shqipëtarët janë “vëllezër” me turqit, Berisha deklaroi me forcë se kandidatura për President Republike do të vinte nga rrethi drejtues i PD-së dhe do të zgjidhej me aq vota sa parashikon Kushtetuta. Pra, me të paktën 71 vota.  

Dje Fatos Nano mori ok-in e PDIU-së lidhur me kandidaturën e tij për postin e Presidentit. Ka mjaftuar një takim me Shpëtim Idrizin dhe Dashamir Tahirin, që të dy anëtarë të parlamentit, rrjedhimisht “zgjedhës në vetë të parë” në votimin presidencial. “Vlerësojmë faktin që kandidati Nano ka një platformë dhe profil të qartë”, tha Idrizi pas takimit.

Komisioneri i BE-së, Stefan Fule ka mbërritur në Tiranë, dhe ka filluar takimet me personalitetet politike e shtetërore të Tiranës. Por përpara se të mbërrinte ai vetë, ka mbërritur një artikull i tij, i cili është publikuar nga të gjitha të përditshmet e rëndësishme të vendit. Titulli është i njëjtë kudo: Viti 2012, mundësi europiane për Shqipërinë. Artikulli, si çdo artikull që ka për synim inkurajimin, është i mërzitshëm.

Aleksandër Meksi nuk ka folur lidhur me mungesën e tij në veprimtarinë e prezantimit të Frymës së Re Demokratike. Ka qenë një nga personat e përfshirë në të gjitha bisedat e negociatat paraprake, dhe krejt papritur mungon në momentin e duhur. Po kështu dhe Blerim Çela, i cili thotë sot për Gazetën Shqiptare se nuk është ftuar në përurimin e partisë. “Prisja që të më ftonin, por nuk më erdhi asnjë ftesë”, thotë ai, që më shumë se me injorimin që i kanë bërë atij, e ka me injorimin që i kanë bërë Aleksandër Meksit. Ky i fundit, sipas Çelës, ka bërë dhe programin e FRD-së.

Secili u paraqit me gruan e vet në studion televizive, ku do zhvillohej debati. Ora 21.00 fiks, dhe debati filloi. Të ulur përballë sho-shoqit. Në të djathtë Nicholas Sarkozy e në të majtë François Hollande. Radhën për të folur i pari e pati, për shkak të shortit, i dyti. Programi i drejtuar nga dy gazetarë, e që zgjati dy orë e gjysmë, u transmetua nga televizioni publik France 2 e nga ai privat Tf1. “Ju jeni një figurë esenciale e Francës, por nëse mendoni se nuk e keni përçarë këtë vend, jeni gjithë ditën gabim”, i tha Hollande mes të tjerash.

Në Temën online është publikuar një shkrim i Mero Bazes me rastin e 3 majit, ditës ndërkombëtare të lirisë së shtypit. Shkrimi publikohet nesër në versionin  print. Baze, pasi nënvizon një numër problemesh të gazetarisë së sotme në Shqipëri, përfundon duke thënë sa më poshtë:

Gjyqtari është britanik. Quhet Jonathan Ëelford-Carroll. Prokurori është italian. Quhet Maurizio Salustro. Gjykimi bëhet në Prishtinë, ku sundon administrata multi etnike Eulex. Dhe të akuzuarit janë shqiptarë; janw shqiptarë të famshëm për më shumë se një arsye. Janë ish-luftëtarë të UÇK-së. Njëri syresh, Fatmir Limaj, është dhe politikan i rëndësishëm i Kosovës. Tre të tjerët janë Naser Krasniqi, Nexhmi Krasniqi dhe Naser Shala. Pritej me interes ky gjyq, pasi për shumëkënd po merrte formën e një gjykimi që i bëhej Luftës së shqiptarëve kundër okupacionit serb.