Arkiv-Lajme

Në një intervistë për Gazetën Shqiptare, regjizori Vladimir Prifti rrëfen disa detaje anektodike që kanë lidhje me procesin e xhirimit të filmit ‘Udha e Shkronjave’ që, siç dihet, është ngritur mbi një tregim të Dhimitër Shuteriqit me titull ‘Buka dhe thika’ dhe vërtitet rreth jetës së personazhit historik Dhaskal Todri.

Dashamir Shehi bën pjesë tek ata shqiptarë, që nuk kanë mendim të mirë për Frymën e Re Demokratike. Më saktë, nuk ndihet i frymëzuar prej saj.”Kjo parti është në hapat e parë, e do ta shohim vitin e ardhshëm se sa vlen. Por më çudit një gjë. Kanë 5 ditë që janë krijuar, dhe sillen sikur shqiptarët po u shkojnë nga pas prej 15 vitesh”, thotë ai në një intervistë për GSH-në, duke saktësuar më poshtë për të disatën herë se “nuk ka asnjë shans që LZHK-ja të bëjë aleancë me këtë forcë politike”.

Zgjedhjet në Greqi kanë tronditur skenën politike dhe kanë bërë të afirmohen frikshëm forca të reja. Sondazhet thonë se votuesit kanë penalizuar fort partitë e mëdha, të cilat janë gjykuar si përgjegjëse e fajtore për krizën që ka pllakosur atje e për reformat e austeritetit që po kryhen. Nea Dimokratia e Antonio Samarasit ka marrë 17-20% të votave (e të mendosh se në zgjedhjet e shkuara kish afro 34%). Socialistët e PASOK-ut dalin edhe më keq; ata marrin 14-17%, pavarësisht se në krye kanë patur një lider me kredenciale të mira, që quhet Evangjelos Venizellos.

Agjencia France Presse e lëshoi lajmin: Garën në balotazh e ka fituar Hollande. Sondazhet e publikuara në Belgjikë thonë se ai ka fituar 53%, ndërsa Sarkozy-ka ka marrë 47%. Ky lajm në fakt është dhënë qysh në orët e pasdites nga gazeta belge "Le Soir", e cila është informuar nga burime të afërta me Hollande-in. Madje, kjo gazetë është dukur bindëse në momentin që ka publikuar dhe një informacion të rezervuar: Sarkozy kish anuluar festimet e përgatitura në rast të fitores së vet.

Socialistët kanë reaguar lidhur me ngjarjen që kanë raportuar gazetat në ditën e sotme, në qendër të së cilës është Dashnor Sula, deputeti i PD-së, që ka qëlluar me armë si kanosje ndaj gjyqtarëve të ndeshjes. Ka qenë Fidel Ylli ai që ka dalë në një konferencë për shtypin në emër të socialistëve.

Në ndjekje të lajmit mbi diplomën e Kristalit tone në duart e italianit Renzo Bossi, Eugjen Merlika ka gjetur e ka nënvizuar një si paradoks, të cilin ai na e bën me dije qysh në krye të shkrimit të vet me titull Oktavian Augusti dhe Renzo Bossi , të publikuar në Mapo:“Më shumë se dymijë vjet më parë, në Akademinë e qytetit shtet të Apollonisë, në atë “magna urbs et gravis”, siç e quante Ciceroni në Filipiket, studionin filozofinë, retorikën e artet e bukura bijtë e patricëve të Romës. Historia, thoshte Marksi, përsëritet e kthehet në farsë.

Ka qysh dje që përcillet lajmi se një deputet i PD-së, Dashnor Sula, njëherazi dhe drejtues i lartë i skuadrës së futbollit Shkumbini, ka qëlluar me armë në dhomat e zhveshjes, pranë dhomës së gjyqtarëve të ndeshjes, në shenjë presioni ndaj këtyre të fundit.

Forumi për Mbrojtjen e Trashëgimisë Kulturore ka qenë dje në Lezhë. Artan Lame, Artan Shkreli, Lorenc Bejko, Auron Tare, Salvator Gjeçi, etj, i kanë hipur një mikrobuzi, dhe e kanë mbajtur frymën në kalá së pari për të vijuar me protestën kundër “projektit të rijetësimit të kalasë”, dhe së dyti për të rritur ndjeshmërinë e institucioneve ndaj rrëzimit të një pjese të murit të kësaj kalaje.

Banka e Shqipërisë e ka ulur katër herë normën bazë të interesit gjatë vitit të fundit. Ajo tani është plot 1 pikë përqindje më e ulët se para një viti, duke qëndruar në minimumin historik prej 4.25 për qind. Në kushte normale, kjo ulje e fortë e normës bazë të interesit do të sillte uljen e interesave të kredive private dhe huadhënies publike të bankave. Por asnjëra prej të dyjave s’po ndodh.

Pas Berishës, reagoi dhe PS-ja lidhur me ngjarjet në Preshevë, ku vetë shqiptarët kanë dalë në sheshe me mijra për të protestuar kundër arrestimeve e dhunës arbitrare të forcave serbe të sigurisë (shihni foton që shoqëron këtë shënim).