A do triumfojë Partia e Kriminelëve më 11 maj?!

Në një dalje publike sot kryeministri në detyrë Edi Rama ndër të tjera tha: 

Prandaj nuk duhet thjesht një fitore e PS, por një triumf e PS. Një fuqi e investuar me votën e shqiptarëve që në 11 maj nuk duhet të mendojnë të parën partinë me logon që do të zgjedhin, por të mendojnë Shqipërinë në tryezën e negociatave që duhet t’i mbyllin brenda 2027

Është gjuha e njohur e dikujt që ka dy dekada që gënjen dhe dështon të ardhmen e vendit. 

Ta nisim nga fundi: çdo qeveri që do vijë do mbyllë negociatat e anëtarësimit me BE-në. Ky është një vendim politik që lidhet me konsiderata të tjera. Jo me standardet. Zoti Rama po do të vjedhë historinë  duke shitur një politikë të jashtme të Unionit si sukses historik të qeverisjes së tij. 

Më keq: ai do të hipotekojë anëtarësimin eventual duke injoruar faktin se marrëdhënia me Europën nis shumë para tij. Dhe ai është një vazhdues statistikor i kësaj politike. 

Më tej kryeministri në detyrë thotë se: 

Futja në BE është ngritja e dytë e flamurit shqiptar që i jep sovranitetit tre vlera të sigurta njëherë e mirë: lirinë individuale, barazinë para ligjit dhe standardet evropiane të bashkëjetesës demokratike

Në fakt ne na mungon llogaridhënia, kontrolli mbi qeverisjen dhe transparenca në vendimmarrje. Të tjerat i kemi. Na mungojnë këto sepse në krye janë njerëz si ky Edi Rama që i drejtohet popullit për ta gënjyer dhe fshihet kur firmos 17 VKM në një ditë apo kur ndan pasurinë. 

Ne nuk dimë dhe nuk mund ta besojmë se z. Rama ka aq pasuri sa deklaron në ILDKPI. Dhe kjo ka të bëjë me një "sistem që ka korruptuar tē gjithë" dhe ndaj ka asgjësuar besimin tonë. Ne duhet të dimë nga vijnē miliardat e kullave, çfarë ekonomie kemi dhe kush e kontrollon atë. Përrallat me flamuj janë nga ato që kënaqin vanitetin e këtik dështaku që ka vite që çirret si gllarot në vapë. Ndaj pyetja shtrohet ndryshe: a do triumfojë krimi dhe hajdutëria më 11 maj?! A do certifikojë triumv real, jo matematikor Partia e Krimimelëve dhe Hajdutëve?! Jo për të fyer, por për të qenë të vërtetë me veten dhe fēmijët tanë duhet të pyesim me zë të lartë pikërisht këtë gjë.

s.zaimi