Arkiv-Lajme

“Ata të dy, të shpejtë, të pambulueshëm, të përsosur përpara portës, bëjnë që të rrijnë tok aritmetika e poezia” – kështu e niste shkrimin e vet në la Repubblica gazetari sportiv Mario Crosetti. Ata të dy? Cilët? O, kjo merret me mend. Ata të dy janë Leonel Messi dhe Cristiano Ronaldo. I pari me Barcelonën e i dyti me Realin e kanë shndërruar kampionatin spanjoll më të bukurin. Argjentinasi e portugezi janë padyshim më të mirët në botë.

Martin Camaj nuk e ka përmendur arratinë e Ismail Kadaresë dhe as e ka mbështetur atë. Deklarata i përket albanologut Hans Joachim Lanksch, i cili ka reaguar sot ndaj një paragrafi të librit me kujtime të Helena Kadaresë, që ka gjetur jehonë të madhe në shtypin e Tiranës. Lanksch, i cili nuk njihet si ndonjë dashamirës i shkrimtarit të shquar shqiptar, ka reaguar në numrin e sotëm (e enjte) të Gazetës Shqiptare duke sqaruar, se Camaj ka qenë indiferent ndaj kërkesës për azil politik të Kadaresë në Francë në vitin 1990.

Një shkrim i shkurtër në Shekull-in e sotëm përcillte një shqetësim të ARA-s (Animal Rights Albania), një shoqatë për mbrojtjen e të drejtave të kafshëve. Sipas Peziana Rexhës, një përfaqësuese e kësaj shoqate, ata janë të shqetësuar mbi ngritjen e një task-force që do të merret me eleminimin e qenve të rrugës. Rexha i ka thënë së përditshmes se janë parë kamionë me qen të braktisur të futur nëpër arka.

Italia dhe Greqia janë dy të sëmurat e Europës në këtë moment. Berlusconi-t po i ikin dhe të vetët (dy deputetë kaluan dje me Casini-n), gjë që s’mund të përfytyrohej deri disa javë më parë. Një numër deputetësh të tjerë që e kanë mbështetur gjithë kohën i kërkojnë përgjigje mbi pyetjen: “Çfarë mund të bësh me këtë maxhorancë të dobët? I bën dot reformat që të kërkohen nga Brukseli e që mund ta nxjerrin Italinë nga kjo gropë?” Përgjigjja dihet, që jo. Por Berlusconi po bën një provë me një paketë reformash, e cila do duhet të kalojë në harkun e 15 ditëve në të dy dhomat e parlamentit.

Rexhep Mediani, ish President i Republikës dhe ish Sekretar i Përgjigthshëm i PS-së, ka kritikuar ashpër në gazetën Panorama premtimin për 300 mijë vende, që përfshihet në draft-programin e ish partisë së tij.  Ai e konsideron atë, një mashtrim të ngjashëm me premtimet 7-vjeçare të Berishës në pushtet. Duke analizuar me shifra mundësinë e punësimit në sektorin privat, Meidani thotë se duhen të paktën 3 deri në 4 miliardë euro për të arritur një nivel të tillë punësimi, çka përfshin një buxhet të tërë vjetor të qeverisë.

Të gjithë mediat kanë filluar të japin lajmin e ndërhyrjes së kryeministrit në Parlament në debatin mbi ligjin që lejon importimin e phehrave. “Ishte një fjalim i ashpër”, kështu e nisin formulimin e këtij lajmi, të cilin nuk dihet nëse u ka shkuar ndonjëherë në mendje që t’mos e japin fare. Më poshtë keni fjalimin e tij; më saktë, esencën e fjalimit:

Kryeministri grek nuk i ka punët mirë. Nuk dihet saktësisht – përtej hamendësimeve e spekullimeve – se çfarë hesapesh ka bërë ai, kur hodhi idenë e një referendumi mbi ndihmën që Greqia do duhet të marrë nga BE-FMN, por kjo lëvizje po rezulton një harakiri. Zemërimi i leader-ëve europianë është njëra gjë, por gjëja tjetër, më e rëndësishme sigurisht, ka të bëjë me atë që po ndodh në Athinë, ku po i ngrihen kundër të vetët duke e rrezikuar seriozisht maxhorancën fare të brishtë (është një maxhorancë që mbahet me dy vota më tepër).

Ndërsa një grup qytetarësh e të rinjsh ishin mbledhur për të protestuar jashtë Kuvendit, në sallën e këtij të fundit opozita ngrinte zërin kundër ligjit që lejon importimin e plehrave. Ja disa nga ndërhyrjet e tyre, të alternuara me ndërhyrje të maxhorancës:

Pasi siluroi programin e PS-së si marksist, Berisha deklaroi në mbledhjen e qeveirsë se modeli ekonomik i kësaj të fundit ka bërë që pagat të dyfishohen gjatë këtyre 6 vjetëve. Rama iu përgjigj me një Tweeter të shpejtë: “Doktori paguan më pak taksa se në opozitë, kurse një infermiere paguan 30 herë më shumë taksa se ditën kur Doktori u bë i pari i vendit.”

Është bërë gati projektbuxheti për vitin tjetër, por nuk është ky lajmi. Lajmi është që – na bëjnë me dije gazetarët e Shqipit  – projektbuxheti në fjalë është qartësisht më i vogël në të ardhura e shpenzime se sa buxheti i rishikuar i këtij viti. Konkretisht, të ardhurat parashikohen të jenë 2.3% më të ulta se sa ato të këtij viti; me fjalë të tjera, parashikohet së pari një rënie konsumi, gjë që automatikisht ul të ardhurat prej TVSH-së, akcizës, etj, dhe së dyti një rritje e papunësisë, gjë që automatikisht ul të ardhurat prej tatimit mbi të ardhurat personale.