Me idenë për referendum, Papandreu po bën harakiri
Kryeministri grek nuk i ka punët mirë. Nuk dihet saktësisht – përtej hamendësimeve e spekullimeve – se çfarë hesapesh ka bërë ai, kur hodhi idenë e një referendumi mbi ndihmën që Greqia do duhet të marrë nga BE-FMN, por kjo lëvizje po rezulton një harakiri. Zemërimi i leader-ëve europianë është njëra gjë, por gjëja tjetër, më e rëndësishme sigurisht, ka të bëjë me atë që po ndodh në Athinë, ku po i ngrihen kundër të vetët duke e rrezikuar seriozisht maxhorancën fare të brishtë (është një maxhorancë që mbahet me dy vota më tepër). Zëri më i rëndësishëm në këtë mes është ai i ministrit të financave Evangelos Venizellos, i cili është shprehur sot, se “fati i monedhës Euro në Greqi nuk mund të lihet në dorë të një referendumi; euro është një arritje e madhe historike e nuk mund të vihet në dyshim kaq lehtë”.
Të premten është votëbesimi në parlament, dhe shenjat janë që Papandreu është duke rënë. Një deputete e majtë, Eva Kaili, e ka deklaruar tanimë votën e saj kundër, dhe kështu numri ka shkuar në 151. Një deputet tjetër i maxhorancës, Dimitris Lintzeris, e ka quajtur Papandreun si pjesë të historisë, raporton nga Athina the Associated Press, dhe kështu numri shkon 150. Por janë të tjerë që mund të mblidhen rrotull Venizellosit, i cili edhe pse nuk ka deklaruar votën kundër, nuk është çudi që të organizojë një “putsch”. Kjo është arsyeja që Papandreu ka mbledhur urgjentisht Këshillin e Ministrave. Me sa duket, don të masë pulsin e qeverisë pas mbledhjes së G20, ku atij i hoqën veshin. Do të bjerë? Do merret vesh shumë shpejt.
M.N.
Comments
Te gjitheve levizja e
Te gjitheve levizja e Papandreut iu duket nonsens. A mund te imagjinoni se cmund te besh ne burse duke e ditur qe marrezia e Papandreut do shkaktonte nje black tuesday? Mjafton te besh nje short sell te aksioneve te nje banke te lidhur fort me borxhin grek.
Think aboud it.....
Add new comment