Kryeministri në parlament lakon emrin ‘pleh’ në të gjitha rasat

Të gjithë mediat kanë filluar të japin lajmin e ndërhyrjes së kryeministrit në Parlament në debatin mbi ligjin që lejon importimin e phehrave. “Ishte një fjalim i ashpër”, kështu e nisin formulimin e këtij lajmi, të cilin nuk dihet nëse u ka shkuar ndonjëherë në mendje që t’mos e japin fare. Më poshtë keni fjalimin e tij; më saktë, esencën e fjalimit:

“Sot shënohet de facto lindja e Partisë së Plehut, pas krijimit të Aleancës së Plehut. Pasi u themelua Aleanca e plehut shpërtheu epidemia. O burra të gjejmë vota në plehra... po rrëmohet, po kërkohet që në plehra të mbinë particka. Këta që përpiqen që të ndërtojnë partiçka mbi plehrat, janë të pashpresë. Ky do të bëjë parti plehu se nuk vjen dot në pushtet. Por e pyes, a nuk more mësim nga dështimi i G 99-ave? Pastaj nxorri faqezinjtë, që u kërkuan shqiptarëve që mos të regjistroheshin. Por shqiptarët janë të mençur dhe u treguan atyre që të hyjnë në partinë e plehrave, se në vend tjetër nuk kanë pjesë. Ju dështuat me Fiksin e Çakallit dhe tani thoni që të krijojmë një Parti Plehu. Por ju siguroj që në zgjedhjet e 2013-s do të dilni me 300 mijë vota më pak. Sa më shumë të shpifin dhe shajnë këta njerëz për ligjin, aq më lartë do të ngjiten në shtyllën e turpit. Këta që i kanë varur shpresat tek plehu për të ardhur në pushtet, nuk do ta shohin pushtetin as për 20 vjet.”

Çfarë mund të thuhet pas këtij fjalimi?

M.N.