Arkiv-Lajme

Në një intervistë për Panoramën, ish-presidenti Meidani flet dhe njëherë për emërimin jo kushtetues të komandantit të Flotës Detare. “Kur e dëgjova për herë të parë [këtë që ndodhi], mbeta i shokuar; madje, u dhashë të drejtë edhe miqve të mi, që e quajtën këtë veprim një rënie shteti”, shpjegon ai gjendjen emocionale në momentin e parë. Pak më poshtë ai shtron një pyetje, por përpara saj sqaron kontekstin kushtetues: “Kushtetuta nuk lejon asnjë lloj ambiguiteti në procedurën e emërimit të komandantëve të forcave tokësore, detare dhe ajrore.

Sali Berisha ka mbajtur pardje një takim me Task-Forcën e Shëndetësisë. Që në fillim të fjalës së tij, Berisha u shpreh se "në disa ndër treguesit me themelore të shëndetit të një vendi, ne renditemi në grupin e vendeve të zhvilluara". Për këtë kryeministri iu referua treguesve për vdekshmërinë e popullatës dhe vdekshmërinë foshnjore. Në mënyrë të vecantë Berisha trumbetoi treguesin e vdekshmërisë foshnjore. "Shqipëria sot arriti të ketë vdekshmëri foshnjore një shifrore," tha ai.

Sali Berisha ka mbajtur dje një takim me Task-Forcën e Shëndetësisë. Që në fillim të fjalës së tij, Berisha u shpreh se "në disa ndër treguesit me themelore të shëndetit të një vendi, ne renditemi në grupin e vendeve të zhvilluara". Për këtë kryeministri iu referua treguesve për vdekshmërinë e popullatës dhe vdekshmërinë foshnjore. Në mënyrë të vecantë Berisha trumbetoi treguesin e vdekshmërisë foshnjore. "Shqipëria sot arriti të ketë vdekshmëri foshnjore një shifrore," tha ai.

Në programet informative të televizionit Top-channel flitet për një disko në katin e parë të një pallati në Tiranë, për shkak të së cilës banorët e pallatit kanë nxjerrë shtëpitë në shitje. Nuk jepet emri i diskos, vendndodhja e emri i të zotit të saj (duhet të jetë e ndonjë ‘të forti’?), por shqetësimet e banorëve janë të qarta. “Nuk fle dot në shtëpi. Një fqinji im u largua sepse nuk rrinte dot më. Disa janë të moshuar, disa kanë fëmijë të vegjël dhe nuk mund të vësh për të fjetur fëmijën kur dhoma tronditet nga zhurma”, shprehet një nga banorët.

Do duhen ende prova për të arritur në përfundimin se Ilir Meta ka rekuperuar pavarësinë e humbur në gjykim e veprim, por ditët e fundit duket sikur po e synon këtë. Sot, në një veprimtari partiake në Durrës, ai i shty dhe ca më tutje në këto përpjekje. Tha fillimisht atë që e ka thënë më se njëherë lidhur me presidentin e ardhshëm, dmth që “na duhet një president që të jetë simbol i unitetit kombëtar, që të garantojë punën e institucioneve të pavarura, e që të jetë funksional”, dhe me këtë thekson ndarjen me PD-në e Berishës.

Avokati i Popullit, Igli Totozani, ka bërë një provokim dhe ka kërkuar që vjersha e himnit tonë kombëtar ‘të çpatriarkalizohet’. “Teksti i saj nuk shkon në kontekstin e sotëm të lirive civile e të barazisë gjinore”, ka thënë në thelb ai, duke iu referuar shembullit të Austrisë, ku kanë bërë të njëjtën gjë. Në terma konkretë, do duhej, sipas tij, që fjala ‘burrë’ të zëvendësohej me fjalën ‘burrë dhe grua’.

Kryeministri shqiptar ka këputur një tjetër mufkë. “Çdo turk ka gjak shqiptar!!!”, i tha ai Erdoganit. Gazeta Shqiptare ka kërkuar komente lidhur me këtë pohim, dhe ja ç’kanë thënë në thelb katër protagonistë të jetës publike shqiptare:

Paskal Milo: Po ta merrnim për të vërtetë, atëherë historia do duhej të bëhej nga gjenetistët, antropologët, mjekët… [Pastaj] kjo deklaratë i bëhet krah tezës jo shkencore të mbështetur sidomos nga serbët, se shqiptarët e kanë origjinën nga disa fise të Kaukazit.

Qysh pas përfundimit të luftës, klasa politike serbe nuk ka mundur t’u thotë qytetarëve të vet se Kosova është tanimë një gjë që s’u përket. Kjo është lënë të kuptohet, por në të njëjtën kohë janë ndërmarrë dhe veprime, që kanë synuar të përcjellin mesazhin se Kosova mund të rekuperohet në një farë mënyre. Arsyeja dihet. E vërteta ka një kosto elektorale e politike, dhe pakkush ka marrë përsipër ta paguajë këtë kosto. Një nga këta është Vuk Drashkoviçi, lideri i Partisë së Përtëritjes Serbe.

Politikani, historiani dhe publicisti austriak Jakob Philipp Fallmerayer ka jetuar në pjesën më të madhe të shekullit të XIX, dhe është shquar, përveç të tjerash, për interesin e tij mbi Lindjen në përgjithësi e mbi Ballkanin në veçanti. Në disa teza të tij dikush s’e ka pasur për gjë të lexojë përçmim e racizëm, e s’mund të mohohet, sidoqoftë, që ishin teza bajagi provokative.