Arkiv-Lajme të përditësuara

Televizionet kineze dhe transmetuesit satelitorë kanë reduktuar me dy të tretat programet e tyre argëtuese në Kinë, pas një fushate të fundit qeveritare, lajmëroi gjatë së mërkurës Agjensia e Lajmeve “Xinhua”. 

Pas një urdhëri të lëshuar nga Administrata Shtetërore e Radios, Televizionit dhe Filmit, ishte e domodoshme të “reduktohej argëtimi i tepruar” duke nisur nga data 1 janar.

Greqia ka paralajmëruar se mund të heqë dorë nga përdorimi i euros, nëse nuk ia del që të finalizojë pjesën e dytë të pakos financiare ndërkombëtare prej rreth 130 miliardë eurosh, për të cilën u vendos në tetor të 2011-ës. 

Zëdhënësi i qeverisë, Pandelis Kapsis ka thënë se bisedimet me agjencitë financiare ndërkombëtare në 3-4 muajt e ardhshëm do të “përcaktojnë gjithçka”, përfshirë edhe atë, nëse Greqia do ta shmangë falimentimin.

Një taksë e re nga 80 deri në 200 euro. Kjo është dhurata e qeverisë italiane për të gjithë të huajt që jetojnë në Itali, e cila prek edhe shumë emigrantë shqiptarë që punojnë e jetojnë përtej Adriatikut.

Të gjithë emigrantët, përvec shpenzimit që deri tani arrinte deri në 70 euro, do të duhet të derdhin edhe 80 deri në 200 euro shtesë për ripërtëritjen e lejeve të qendrimit.

Viti i ri ka nisur me një surprizë të hidhur për konsumatorët të cilët po përballen me një valë të re rritje në çmimet e karburanteve.

Aktualisht në pikat me pakicë të kryeqytetit nafta po shitet me cmime rekord që luhaten nga 182 deri në 186 lekë për litër.

Krahasuar me javën e fundit të 2011-ës, çmimi naftës në disa pika me pakicë është rritur dri në 5 lekë për litër.Tregtarët thonë se shkaqet e kësaj rritje janë të lidhura me taksën e re që qeveria vendosi mbi karburantet, e quajtur taksa e qarkullimit.

Talebanët lajmëruan të martën për arritjen e një marrëveshje politike për krijimin e një zyre politike, mundësisht në Katar, si pjesë e planeve perëndimore për t’i dhënë fund luftës.

Lajmi u konfirmua në një komunikatë zyrtare, të mbështetur fuqimisht edhe nga Presidenti i Afganistanit, Hamid Karzai.

Shtetet e Bashkuara të Amerikës dhe Gjermania kanë këmbëngulur vazhdimisht më parë për krijimin e një përfaqësie të tillë, e cila do të lehtësonte negociatat me talebanët.

Papunësia në Gjermania regjistroi shkallën e saj më të ulët që prej dhjetorit të vitit 1991, lajmëroi Agjensia Federale Gjermane e Punësimit.

Niveli i papunësisë ra në 6,8% në dhjetor 2011, 0,1% më pak se muaji paraardhës. Ky është parametri më i mirë i papunësisë që prej bashkimit të Gjermanisë dhe fillimit të studimit të tregut të përbashkët, në vitin 1991.

Vijon prej 2 ditësh fluksi i qarkullimit të udhëtarëve në pikën doganore të Kapshticës. 

Papunësia në Spanjë për muajin dhjetor ka arritur e nivelin ri rekord 7.86 përqind. 4.4 milionë të papunë, numri më i lartë që nga viti 1996.  "Në këtë moment duket se kryeministri është në kontradiktë me veten. Ai tha se nuk do të rriste taksat, por në fakt e ka bërë këtë. Megjithatë, e përsëris se ai ka pak ditë që ka marrë detyrën dhe duhet t'i japim kohë",-ka thënë Alvaro Fernandez, një i papunë. Ndërsa, Oskari, një tjetër i papunë në Madrid, tha se nuk besonte se qeveria do të arrinte që me kursimet e saj të hapte vende të reja pune.

Italia është një prej vendeve me borxhin më të madh publik në Evropë dhe që prej muajsh trondit bursat evropiane me pasigurinë e saj, por kjo nuk i pengon deputetët italianë që të jenë më të paguarit në Evropë. 

Epidemia e grumbullimit të hekurit për skrap po nxjerr jashtë funksionit veprat ujitëse në qarkun e Korçës dhe po kërcënon seriozisht të ardhmen e prodhimit bujqësor. Hekurmbledhësit po dëmtojnë rëndë veprat ujitëse dhe kulluese. Ky është shqetësimi që përcillet jashtë mikrofonit nga drejtuesit e Bordit të Kullimit në këtë qark. Nuk ka vepër të tillë që nuk është masakruar nga këta njerëz duke sjellë dëme prej  miliona lekësh në veprat ujitëse.