Arkiv-Lajme të përditësuara

Sektori industrial në Eurozonë regjistroi rënie për muajin e gjashtë radhazi. 

Megjithatë, raporti zyrtar i publikuar të mërkurën tregoi se ritmi i prapësimit është ulur dhe se sektori mund të rikthehet në stanjacion ose një rritje të ulët së shpejti.

Studimi i “Markit” e vlerësoi prodhimin industrial në vendet që përdorin monedhën e përbashkët me koefiçentin 48,8. Çdo koefiçent nën 50 tregon për një rënie, por në muajin dhjetor ai kishte qenë prej 46,9.

 Llogariten në mbi 4.6 miliardë lekë detyrimet të papaguara të mjetëve, të falura në kuadër të amnistisë fiskale. Pjesa dërrmuese e kësaj shumë i përket makinave të crrecstruara. Shifrat u bënë publike gjatë analizës së punës për vitin 2011 të Drejtorisë së Shërbimit të Transportit Rrugor.

Ulja e menjëhershme e temperaturave ka sjellë mjaft probleme edhe në qarkun e Korçës. Në qytet temperaturat kanë shkuar deri në minus 9 gradë Celcius, dhe rrugët janë të gjitha të mbuluara nga akulli. Mos hedhja e kripës dhe skorjes ka sjellë mjaft probleme në qarkullimin e njerëzve. Persona të shumtë janë paraqitur në urgjencat e qytetit për shkak të frakturave nga rrëshkitjet. 

Korporata Elektroenergjitike është zhytur në vështirësi financiare. Ajo është detyruar t'i kërkojë ndihmë urgjente qeverisë. 

Ndryshime drastike në regjimin tatimor propozon Fondi Monetar Ndërkombëtar (FMN), në një raport që i ka paraqitur qeverisë greke. 

Ndërmjet të tjerash, raporti përmban propozime për ndryshimin e tatimit të vlerës së shtuar (TVSH), me vendosjen e një koeficenti unik 19% ose 21%, rritje të taksave të posaçme të konsumit dhe reduktime në privilegjet tatimore. 

Dhjetra persona, shumica gra e fëmijë të mitur nga komuniteti rom kane ngritur cadrat ne ambientet e institucionit të Avokatit të Popullit. Qëllimi eshte gjetja e një mënyre për strehimin e tyre sepse që nga djegia e barakave të tyre tek Stacioni i Trenit e kanë të pamundur të ngrejnë cadra diku tjetër pasi tokave u ka dalë pronari.

Mungesa e ujit të pishëm mbetet një fenomen shqetësues jo vetëm në stinën e verës por dhe aktualisht në mes të dimrit.

7 fshatra me rreth 6 mijë banorë në komunën Shkrel të Malësisë së Madhe raportojnë për mungesë të ujit të pijshëm ku ka zona që uji mungon prej 7 vitesh.

Mungesa e ujit po nxit banorët të braktisin edhe shtëpitë e tyre. Bëhet fjalë për fshatrat malore të Razmës, Vrithit, Zagorës, Bzhetës, Goraj-Budish, Lohaj dhe Dedaj.

Zonë kjo e rrethuar nga burime ujore. E gjithë zona furnizohet ose me puse ose me transport me anë të kafshëve.

Lagunat zënë rreth 3.2 % të sipërfaqes së vendit tonë, duke u cilësuar thesaret më të mëdha të biodiversitetit. 

Ne shume vende te botes, lagunat jane tejet te frekuentuara nga turistet dhe kjo vertetohet edhe permes shifrave nderkombetare te turizmit ne bote. Gjate vitit 2010 jane regjistruar 950 milionë turiste dhe me shume se gjysma kane frekuentuar zonat ligatinore.

Shqiperia ka shume zona te tilla, si Prespa, Narta, Karavastaja dhe Butrinti, te cilat sipas zevendesministrit te Mjedisit, Taulant Bino, duhet te ruhen dhe te shfrytezohen sa me mire.

Fondi Monetar Ndërkombëtar (FMN) redukton parashikimin për rritjen ekonomike të Shqipërisë. Sipas FMN, ekonomia shqiptare gjatë këtij viti do të rritet me vetëm 0.5 për qind ndërkohë që parashikimi i bërë nga misioni i fundit i FMN në Shqipëri ishte një rritje ekonomike në masën ekonomike 1.5 për qind. 

Nëse nuk do të gjejnë një zgjidhje për kërkesat e tyre, personat me aftësi të kufizuar do të nisin protestat duke filluar nga Tirana. Kështu u shpreh kryetari i Këshillit Kombëtar që përfaqëson këtë kategori, Sinan Tafaj i cili i ka kërkuar dhe njëherë strukturave të qeverisë që të rishikojnë vendimet më të fundit që lidhen me pagesën e energjisë eletrike, transportit dhe asaj të telefonit.