Arkiv-Lajme të përditësuara

Reformat dhe nismat për zgjidhjen e problemeve të pronësisë në Shqipëri nuk kanë munguar dhe në shumë raste, nismat kanë qenë të ideuara mirë, por paaftësia e qeverisë si dhe korrupsioni në qeverisje kanë qenë dy faktorët që kanë dështuar shumë nisma. 

Sipas raportit të Bankës Botërore, të përcjellë nga e përditshmja “Shqip”, reformat e ndërmarra nga qeveria janë pa koherencë.

Një këngë me përmbajtje me nota antishqiptare e mbushur plot vrer dhe parrulla cnjerëzore po qarkullon këto ditë në forume të ndryshme maqedonase.

Me vargjet “bisha të zeza dykokëshe, po na nxijnë Maqedoninë, dënoj o Zot, as në tokë, as në qiellë për shqiptarët vend nuk ka”, kënga është shkarkuar dhe në faqen sociale youtube duke përhapur edhe më shumë rrezikun e shpërndarjes dhe qarkullimit të saj në forume të tjera nacionaliste. 

Presidenti i Dhomës së Tregtisë së Athinës, Constantine Michalos thotë se Trojka mund të bëjë të njëjtin gabim, që bëri, sipas tij, kur nisi kriza greke e borxheve dhe vendit iu imponuan masa drastike kursimi dhe refoma të ashpra. "Ne mund ta shihnim që në maj 2010 se paketa e kursimeve do të çonte në një pikë të vdekur dhe jo vetëm që e shohim sot këtë rezultat, por edhe partnerët tanë europianë, e pranojnë se ka qenë një përzierje e gabuar politikash ekonomike"- tha ai.

 Mijëra persona të pastrehë janë të kërcënuar nga vala e të ftohtit që ka përfshirë Evropën, theksoi sot Federata Ndërkombëtare e Kryqit të Kuq duke shtuar se 80 persona kanë humbur jetën nga i ftohti në Poloni dhe Ukrainë. 
"Edhe pse ne jemi mësuar me dimër të ashpër në këtë pjesë të botës, kjo valë e të ftohtit erdhi pas një dimri të butë. Të pastrehët nuk kanë qenë të përgatitur. At nuk janë të informuar me parashikimet e motit'', theksoi përfaqësuesi i Federatës për Bjellorusinë dhe Ukrainën, Zlatko Kovac, cituar në një komunikatë. 

Duket se do të marrë zgjidhje strehimi i 52 romëve, të cilët prej dy ditësh po rrinë në ambientet e institucionit të Avokatit të Popullit. 
Bëhet fjalë për familjet rome, cadrat dhe barakat e të cilëve u dogjën tek zona e Stacionit të Trenit, disa muaj më parë duke i lënë në qiell të hapur dhe në pamundësi për të ngritur cadrat diku tjetër ata u vendosën pranë Avokatit të Popullit.

Por sot, Bashkia e Tiranës deklaron se ata do të strehohen përkohësisht në palestrën e shkollës “1 Maji”.

Mbrojtja e gjuhës angleze si një kusht për të përfunduar studimet master, ka filluar të kundërshtohet nga pedagogët e universitetit të Tiranës, ndërkohë që në universitetet shqiptare kanë filluar protestat nga studentët, pasi mbeten vetëm pak muaj nga diplomimi i të parëve, pas ndryshimeve që ju bënë ligjit të arsimit të lartë. Gjatë një interviste për AS, arsimtarët thonë se ka kohë për ndryshime, edhe pse tashmë është zyrtarizuar mbrojtja e gjuhës angleze sipas Toeflit. Ata shprehen se janë për diversitet të gjuhëve.

Dhjetëra palestinezë të irrituar zhvilluan një protestë të dhunshme, ndërsa kryetari i Organizatës së Bashkuara, Ban Ki-moon, kaloi në Gaza në rrugën e tij drejt Izraelit. 

Shumë prej demonstruesve ishin të afërm të të burgosurve palestinezë që mbahen në burgjet izraelite dhe ata shprehën në këtë formë zemërimin e tyre pas refuzimit nga ana e Ki-moon për t’u takuar me një përfaqësi palestineze, për të diskutuar çështjen e të burgosurve.

 Pedofilia është kthyer në një problem shqetësues në shoqërinë shqiptare. Shifrat tregojnë se ka një numër të madh autorësh të këtyre krimeve seksuale me të mitur nën 14 vjeç, për të mos llogaritur numrin e viktimave që është shumë herë më i lartë. 

Pas dy vjetësh e gjysmë në krye të “CEZ Albania”, Josef Hejsek është i detyruar të pranojë largimin nga posti, për shkak të mosrealizimit të objektivave të vendosura nga grupi i Pragës në Çeki. 

Vendimi është marrë në mbrëmjen e datës 31 janar, kur bordi drejtues ishte mbledhur për të parë gjendjen e kompanisë pas vendimit të ERE-s me tarifat, nivelin e investimeve, arkëtimet dhe humbjet, të cilat kanë rezultuar negative dhe njëkohësisht fatale për kreun e CEZ-it. 

Boshllëqet dhe ngërçet ligjore, vetëm muajt e fundit kanë detyruar rreth 450 biznese që të largohen nga Shqipëria. Numri i rasteve dhe problemet me ligjin jepen nga drejtues të Qendrës Kombëtare të Regjistrimit, institucion që është në kontakt të përditshëm me investitorët dhe dhomat e avokatisë.