Arkiv-Lajme të përditësuara

Kryeministri Antonis Samaras dhe liderët e partive politike që mbështesin qeverinë kanë rënë dakort se nuk duhet të ketë masa të reja në vitin 2012, dhe as shkurtime horizontale në rrogat dhe pensionet, por se duhet të vazhdojnë privatizimet dhe të hartohet një program i ri afatmesëm, në mënyrë që qeveria të paraqesë tek partnerët evropianë, kërkesën për zgjatjen e rregullimit fiskal. 

Zëdhënësi i qeverisë vuri në dukje se qeveria kujdeset që të fillojë rritja, forcimi i punësimit dhe kohezionit social, por edhe të fuqizohet pozita e vendit. 

E gjithë Spanja sot përfshihet nga protestat masive anti krizë, të cilat kanë lindur si reagim ndaj masave shtrënguese të qeverise Rahoy. Demostratat zhvillohen në 80 qytete duke bërë që të shtohen forcat e sigurisë përreth ndërtesave qeveritare. 

Spanja është duke kaluar në një recesion të dytë me papunësinë që kalon shifrën 24 përqind. Kritikët shprehen se masat e reja qeveritare vetëm sa do ta thellojnë krizën ekonomike për njerëzit e thjeshtë.

Ballkanweb.com

“Presioni i Qeverisë Rumune ndaj sistemit gjyqësor është duke vendosur në rrezik të gjithë kuadrin e reformave që ka realizuar dhe duhet të realizojë vendi”, lexohej në dokumentin kritik të KE-së.

Gjithashtu, Bukureshti zyrtar dënohej me tone të ashpra edhe për luftën politike midis dy burrave më të rëndësishëm të shtetit, kryeministri Victor Ponta dhe presidenti Traian Besescu.

Në vazhdim, vlerësohej se korrupsioni dhe krimi i organizuar janë një plagë edhe për Bullgarinë, vendin tjetër ballkanas të anëtarësuar në vitin 2007.

 Presidenti i Serbisë, Tomislav Nikoliç, ka deklaruar se do t’i mbledh të gjithë ata serbë që mund të kontribuojnë në hartimin e një platforme për bisedime me Kosovën. Ai ka thënë se në këto bisedime do të ftojë edhe Kombet e Bashkuara. 

“Me padurim pres formimin e qeverisë së re dhe nëse ajo dëshiron të më ngarkojë me çështjen e Kosovës, do ta marr mbi supe. Do t’i mbledh politikanët, intelektualët, përfaqësuesit e Kishës, biznesmenët, që të hartojmë një platëforëmë të përbashkët në përputhje me Kushtetutën dhe në interes të qytetarëve të Serbisë”, ka thënë Nikoliç. 

Këshilli Kombëtar i Sirisë, grupi kryesor që mbështet opozitën në vend, i ka bërë thirrje OKB-së të vazhdojë të kërcënojë me sanksione qeverinë e Assad. Thirrja vjen pasi takimi mes presidentit rus, Vladimir Putin dhe të dërguarit të OKB-së dhe Ligës Arabe, Kofi Annan, nuk dha asnjë rezultat mbi një rezolutë të Këshillit të Sigurisë për Sirinë. Rusia ka mbështetur regjimin e Assad që nga fillimi i dhunës dhe kundërshton çdo masë që nënkupton ndërhyrjen e huaj në vend.

Mbi 38 përqind e të rinjvë shqiptarë rezultojnë të papunë dhe 62 përqind e atyrë që kërkojnë një vend pune janë të papunë afatgjatë. Të dhënat alarmante janë bërë publike nga Lëvizja Europiane gjatë një tyreze ku u diskutuan programet e nxitjes së punësimit. Zvëndësministria e punës Filorëta Kodra ka pohuar të dhënat e publikuara nga kjo lëvizje. Ajo tha se për zbutjen e papunësinsë me mbështetjen e Organzitës Ndërkombëtare të Punës, nëpërmjet projektit, Mbështetje për punësimin e të rinjve, i cili u zbatua në qarqet Kukës dhe Shkodër përfituan rreth 3 mijë të rinj dhe gra.

Mijëra shqiptarë çdo ditë e kalojnë kufirin në doganën e Qafë-Thanës dhe atë të Tushemishtit për të shkuar në Maqedoni, kryesisht në Ohër, Strugë dhe Manastir. Por, gjithësecili është befasuar kur sapo kalon kufirin shqiptar në doganën e Tushemishtit, pikërisht tek degëzimi në rajonin e Ohrit dhe Manastirit të Shën Naumit, turistët e huaj dhe shqiptarët njëkohësisht nuk u zënë besë syve kur lexojnë "Republika Popullore e Shqipërisë" (në maqedonisht N.R.Albania). Një banor i fshatit Frëngovë, Hajrush Gega, na thotë se maqedonasve u ka ngelur ora që nga koha e Titos. 

Rezultatet nga zgjedhjet në Libi, të parat pas përmbysjes së Kolonel Gadafit, kanë treguar fitoren aleancës së liberalëve. 

Aleanca e Forcave Kombëtare, e udhëhequr nga kryeministri i përkoshëm Mahmoud Jibril, ka fituar 39 nga 80 vende të rezervuara për partitë politike, raportojnë mediat lokale.

Ndërsa Partia e Vëllazërisë Myslimane ka fituar 17 vende.

Asambleja Kombëtare që përbëhet prej 200 anëtarësh, do të përfshijë edhe dhjetëra kandidatë të pavarur.

Orientimi i përgjithshëm që kuvendi do të ketë është i paqartë.

Edhe pse sezoni turistik tashmë është në pikun e tij sërish problemet nuk kanë të mbaruar për të gjithë ata qytetarë që kanë vendosur t'i kalojnë pushimet në Sarandë. 

Pavaresisht faktit se bashkia e ketij qyteti ka celur 3 plazhe publike serish menaxhimi i tyre behet nga subjektet private pasi bashkia e Sarandes nuk ka mundur dot te mbuloje me cadra dhe shezlonge te gjitha ato hapesira qe ajo ka vene ne dispozicion te pushuesve.