Arkiv-Lajme të përditësuara

Ekonomia e Kinës është rritur me hapin më të ngadaltë në tre vjet me investimet që kanë rënë dhe po ashtu edhe kërkesa në tregjet kyçe, si ai i Shteteve të Bashkuara dhe Bashkimit Evropian. 

Prodhimi i brendshëm bruto u rrit me 7.6 për qind në tremujorin e dytë, krahasuar me të njëjtën periudhë të një viti më parë, nivel ky më poshtë se 8.1 për qind që u regjistrua në tremujorin e mëparshëm. 

Deri në 2014 grupi Peugeot Citroen do të suprimojë tetë mijë vende pune në Francë. Prodhuesi numër një i automobilave në vend ka lajmëruar mbylljen e një dege prodhimi, atë në Aulnay sous Bois, ku aktualisht prodhohet Citroen C3.
Uzina pranë Parisit, punëson më shumë se 3.000 punëtorë. 

uftë kundër pornografisë apo opozitës ngrenë pyetjen aktivistët e të drejtave të njeriut në Rusi pas miratimit të ligjit që mbështet kufizimin e qasjes në internet.  Rusia është e ndarë dhe nuk mungojnë përplasjet në interpretimin e ligjit të ri që autorizon paraqitjen e "listave të zeza" të faqeve të internetit.

Kryeministri Dmitri Medvedev tenton të distancohet  nga polemika, duke thënë se ëebi duhet të jetë i  lirë, por  njëheresh dhe "subjekt në një numri të caktuar rregullash." 

Dhoma e Përfaqësuesve e Kongresit Amerikan e kontrolluar nga republikanet votoi per te 33-en here rresht per shfuqizimin e reformes shendetesore të Presidentit Barak Obama. 

Gjak grek dhe vetëm për grekët”, kërkon Agimi i Artë në spitalet publike, dhe ka njoftuar se është duke krijuar një bankë të gjakut ekskluzivisht për grekët. Me një poster të veçantë anëtarët e Agimit të Artë iu bëjnë thirrje njerëzve, për të dhuruar gjak vetëm për grekët. 

24 orët e fundit, anëtarët e partisë neonaziste u përpoqën për të dhuruar gjak në spital, duke thënë se ai duhet të përdoret vetëm për të shpëtuar pacientët greke. 

Organizata Ndërkombëtare e Punësimit paralajmëroi se vendet e Eurozonës mund të humbasin deri në 4.5 milion vende pune në katër vitet e ardhshme. 

Kjo organizatë publikoi raportin e saj mbi papunësinë në Eurozonë. Vendet më të goditura janë Greqia, Spanja, Portugalia, Irlanda dhe Italia. Të gjitha qeveritë e këtyre vendeve kanë marrë masa drastike për shkurtimin e borxhit, shkurtime këto që kanë prekur sektorët jetikë në hapjen e vendeve të reja të punës.

U mbushën 60 vjet që nga hapja e dyerve të Kinostudios “Shqipëria e Re”, i pari institucion shqiptar i prodhimit të filmit. 

Kisha Peshkopale në Shtetet e Bashkuara është bërë institucioni më i madh i bekimit të marrëdhënieve mes personave të të njëjtit seks. 80% e Dhomës së Delegatëve të kësaj kishe votoi për zbatimin e politikës së re për një periudhë prove 3- vjeçare. Megjithatë zyrtarë të Kishës theksuan se ceremonia e re, e cila përfshin lutje dhe shkëmbime betimesh e unazash, nuk ishte një martesë mes personave të të njëjtit seks. 

Ligjvënësit rusë ratifikuan hyrjen e vendit në Organizatën Botërore të Tregtisë, duke konfirmuar pjesëmarrjen në grupin e vendeve që vendosin rrezullat globale të tregtisë. Negociatat për këtë pranim kanë qenë të gjata, një maratonë 18- vjeçare. Dhoma e ulët vulosi vendimin e marrë në dhjetor, sipas një marrëveshjeje e cila e detyron Moskën të ulë tarifat e importit dhe të hapë sektorët kyçë të ekonomisë së saj ndaj investimeve të huaja.