Arkiv-Lajme të përditësuara

Tre milionë sirianë kanë nevojë urgjente për ushqim dhe ndihma për drithëra dhe blegtori, njoftoi sot Organizata e OKB-së për ushqimin dhe bujqësinë (FAO), që bazohet në një studim të realizuar nga OKB dhe regjimi sirian. 

''Nga këta tre milionë persona, gjysma kanë nevojë për një ndihmë ushqimore të menjëhershme dhe urgjente gjatë gjashtë muajve të ardhshëm, veçanërisht në zonat që janë bërë skenë e konflikteve dhe zhvendosjes së popullsisë'', sipas FAO-s. 

Tregjet europiane pësuan rënie pasi guvernatori i Bankës Qëndrore Europiane, Mario Draghi, deklaroi gjatë ditës se BQE do të gjejë mënyra për t’i ardhur në ndihmë vendeve në vështirësi financiare “brenda disa javësh”. 

Analistët shpresonin se Draghi mund të shpallte një veprim konkret dhe të menjëhershëm për ndreqjen e situatës.

Njëkohësisht, kreu i BQE-së nuk dha garanci të plota për vendet në vështirësi, duke thënë se “ndihma e bankës nuk do të jetë pa kushte dhe se çdo vend që do të ketë nevojë për një dorë, duhet më parë të plotësojë disa kritere”. 

Trupat ushtarake në Siri kanë vrarë të paktën 70 persona në afërsi të Damaskut, shumica e të cilëve civilë të çarmatosur. 

Ata kanë humbur jetën pasi trupat qeveritare bombarduan dhe më pas bastisën lagjen Jdeidet Artouz, në jug-perëndim të kryeqytetit gjatë së mërkurës, kanë bërë të ditur aktivistët për të drejtat e njeriut. 

Sipas burimeve, trupat qeveritare janë paraqitur nëpër banesa duke kërkuar fillimisht dokumentat, por më pas kanë hapur zjarr duke masakruar popullsinë. 

Muaji gusht është shoqëruar me rritjen e fluksit në pikat e kalimit kufitar me Greqinë. Sipas të dhënave të policive kufitare në Kakavijë kanë hyrë 4442 shtetas, shqiptar dhe të huaj, ndërkohë që në pikën e Kapshticës kanë hyrë gjithsej 5212 persona. Automjetet që kanë hyrë në territorin shqiptar nga Kakavija kapin shifrën e 1117 mjete ndërsa në Kapshticë, 1876.

307 milionë lekë ka vendosur qeveria për shpërblimin e pronarëve të prekur nga ndërtimet informale. Vendimi i miratuar në mbledhjen e një ditë më parë, bën fjalë për 34 mijë metra katrorë në Tiranë, Durrës, Dibër, Vlorë dhe Elbasan. Vlera e përgjithshme për shpërblimin do të përballohet nga fondi i kompensimit të pronave. Do të jetë ZRPP ajo që do të merret me ndryshimet përkatëse në regjistrat e saj. Institucione të tjera zbatuese janë Ministria e Financave, Agjencia e Legalizimeve dhe ajo e Kthimit dhe Kompensimit të Pronave. 

Albanian Screen

Qyteti i San Bernardinos në Kaliforni ka bërë kërkesë për ndihmë pas falimentimit për shkak të defiçitit buxhetor prej 46 milionë dollarësh dhe vazhdimit të hetimeve të vështira kriminale. 

Qyteti listoi asetet dhe borxhet e tij që shkojnë mbi 1 miliard dollarë, tregojnë dokumentat, duke u bërë qyteti i tretë i shtetit që falimenton brenda një muaji. 

Kryetari i bashkisë, Patrick Morris deklaroi se San Bernardino ka kërkuar që ndaj tij të shmangen aksionet ligjore nga ana e kreditorëve. 

Presidenti amerikan, Barak Obama, autorizoi mbështetjen e shërbimeve sekrete për rebelët sirianë, bën të ditur agjencia e lajmeve DPA.

Vendimi ishte nënshkruar gjatë muajve të kaluar dhe i lejon CIA-s dhe agjencitë e tjera t’u ofrojnë forcave opozitare mbështetje të fshehtë, raportoi të mërkurën mbrëma CNN, duke cituar zyrtarë anonim të Shteteve të Bashkuara. 

Natyra e ndihmës nuk specifikohej, por raporti citoi burimet diplomatike të kenë thënë se Shtetet e Bashkuara po e vinin në dispozicion inteligjencën e tyre për veprimet e trupave siriane. 

Presidenti amerikan, Barack Obama arriti të tejkalojë nivelin prej 50 për qind të votave në tre shtete kyçe për zgjedhjet amerikane të 6 nëntorit, Florida, Pensilvani, Ohio, sipas një sondazhi të Universitetit Quinnipiac/CBS News/New York, publikuar sot. 

Të paktën 100 ditë nga zgjedhjet presidenciale, Barack Obama ka marrë 51 për qind të votave në Florida, kundër 45 për qind për kundërshtarin e tij republikan, Mitt Romney, 53 për qind në Pensilavani kundër 42 për qind dhe 50 për qind në Ohaio kundër 44 për qind për Romneyn. 

Sektori I prodhimit industrial në Eurozonë pësoi rënien më të madhe në tre vjet në korrik, në bazë të një studimi nga kompania e specializuar “Markit”. 

Indeksi për prodhimin ra në 44, nga 45,1 që ishte në muajin qershor. 50 është kufiri ndarës midis rritjes dhe kontraktimit, me çdo të dhënë më të ulët që flet për një rënie të qartë të sektorit.

Si rrjedhojë e problemeve ekonomike, shumë kompani janë përqendruar në politikat e kursimit, duke bërë që edhe më shumë vende pune të humben.

Prej 4 muajsh, të verbër e paraplegjikë nuk marrin kompensimin për energjinë elektrike dhe telefoninë celulare, ndonëse masa e përfitimit është përcaktuar me vendim të Këshillit të Ministrave.