Arkiv-Lajme të përditësuara

Rumunët votojnë sot në një referendum për qëndrimin ose jo në postin presidencial të Traian Baseskut. Deri në orën 10:00, me orën lokale, 9,05 për qind e qytetarëve rumunë me të drejtë vote kanë votuar në referendiumin presidencial, njoftoi agjencia rumune e lajmeve, AGERPRES, bazuar në të dhënat e Zyrës Qendrore të Zgjedhjeve. Qendrat e votimit mbyllen në orën 23:00.

Më poshtë vijojnë të dhëna për referendumin: 
- Numri i qendrave të votimit 18 548 
- Numri i qendrave të votimit në Rumani 18 242 
- Numri i qendrave të votimit jashtë Rumanisë 306 

Banorët e fshatit Vojnik në Peshkopi kanë protestuar sot pranë nënstacionit elektrik, për kthimin e energjisë elektrike. 

Ndërkohë që CEZ Shpërndarje deklaron se energjia për këta banorë është ndërprerë për shkak se janë debitorë. Sipas CEZ, prej 20 vitesh në këtë fshat nuk paguhet energjia që harxhohet. 

Mësohet se pranë nënstacionit ka edhe forca të shumta policie, ndërsa banorët e irrituar kanë paralajmëruar se do të bllokojnë nënstacionin nëse nuk iu kthehet energjia për një orë.

Ballkanweb.com

Një sasi predhash që i përkasin Luftës së Dytë Botërore janë gjetur në fshatin Shet të Durrësit. Sipas banorëve të zonës predhat jane gjetur në mometin që ata po punonin për hapjen e themeleve te nje banese në fshatin e tyre. 

Predhat mendohen se i ka lëne ushtria gjermane në momentin e tërheqjes saj nga Shqipëria, te cilat shërbenin për asgjesimin e anijeve të cilët i afroheshin brigjeve shqiptare. 

 Kryeministri i ri i Serbisë është betuar dje se Kosova duhet të mbetet brenda kufijve të shtetit të tij, ndërsa tha se është i gatshëm të zbatojë marrëveshjet dhe të vazhdojë dialogun. 

Parlamenti i Serbisë të premten në mesditë ka votuar kabinetin e ri qeveritar në krye me Ivica Dacic, lider i Partisë Socialiste dhe dikur bashkëpunëtor i afërt i Sllobodan Milloshevic.Në ekspozenë e tij, para votimit Dacic ka përmendur edhe Kosovën duke thënë se vendi i tij nuk do ta njohë asnjëherë pavarësinë. 

 Prokuroria e Tiranës ka hedhur poshtë akuzat e ngritura ndaj kreut të Partisë Lëvizja e Legalitetit, Ekrem Spahia nga dy organizatat LGBT në vendin tonë. 

Administrata e presidentit të Shteteve të Bashkuara, Barak Obama, ka zvogëluar parashikimet e saj për rritjen ekonomike të SHBA-së më 2012 dhe 2013. 

Në rishikimin gjysmëvjetor të buxhetit, Shtëpia e Bardhë ka thënë se pret rritje të bruto prodhimit të brendshëm në 2.3 për qind këtë vit dhe 2.7 për qind vitin tjetër, çfarë është më pak se parashikimet prej  2.7% dhe 3.0%, të bëra në muajin shkurt.

Shifrat e fundit nga Shtëpia e Bardhë po ashtu parashikojnë se defiçiti i buxhetit federal të këtij viti do të përfundojë në 1.2 trilionë dollarë.

Papunësia shënon një rekord të ri në Spanjë në tremujorin e dytë të vitit duke shënuar nivelin më të lartë që nga rrëzimi i diktaturës ushtarake në vitet 1970, ndërsa firmat  suprimojnë edhe më shumë vende pune të nxitura nga frika e recesionit dhe një krizë e besimit në mesin e konsumatorëve.

Norma e papunësisë u rrit në 24.6 për qind nga 24.4 për qind në tremujorin e parë, bëri të ditur Instituti Kombëtar Statistikor. Numri i spanjollëve të papunë u rrit në 5.7 milionë.

Ekonomia më e madhe në botë, ajo e Shteteve të Bashkuara të Amerikës ngadalësoi ritmin e rritjes së saj në 1,5% në periudhën midis prillit dhe qershorit 2012. 

Në tre muajt e parë të vitit, sipas të dhënave të publikuara të premten nga Departamenti i Tregëtisë, ekonomia u rrit me 2%.

Ndërkohë, një shifër e re më e saktë u publikua për krizën e viteve 2007-2010, periudhë gjatë së cilës Prodhimi i Brendshëm Bruto amerikan ra me 4,7% dhe jo me 5,1% siç ishte vlerësuar më parë. 

Qeveria e re e Serbisë që u inaugurua dje ka shfaqur shqetësimet për kthimin e këtij vendi tek politikat nacionaliste të viteve të 90-ta. 

Kjo shkruhet sot nga agjencia e lajmeve Associated Press, e cila nënvizon se "Ivica Daçiq, zëdhënës i luftës së ish-presidentit së Jugosllavisë së mbetur dhe më pas Serbisë, Sllobodan Millosheviq sot zyrtarisht do të bëhet kryeministër serb, ashtu që tek një pjesë e opinionit serb ka nxitur pakënaqësi dhe frikë se mund të rikthehet politika nacionaliste e viteve të 1990-ta. 

 Japonia është gati për luftë në mbrojtje të  ishujve të saj . Kryeministri japonez Yoshihiko Noda ka deklaruar se Japonia është e gatshme të dislokojë ushtrinë nëse është e nevojshme për të mbrojtur ishujt e kontestuar Senkaku,  që quhen nga Kina dhe Taivani Diaoyu.

"Nëse një vend fqinj bën diçka të paligjshme në afërsi të ishujve Senkaku ne do të dërgojmë forcat e mbrojtjes  për të trajtuar situatën në mënyrë të vendosur. Por masat parandaluese për menaxhimin e krizës, duke përfshirë edhe zgjidhjen diplomatike, janë në tryezë  për të  parandaluar skenarë të tillë"- tha Noda.