Politikë

Presidenti, Bujar Nishani anuloi dje takimin e planfikuar me ambasadorët shqiptarët nëpër botë. Në momentin që ministri i Jashtëm, Ditmir Bushati, zv/ministrat dhe trupa e ambasadorëve hynë në ambjentet e Presidencës në pritje të takimit me kreun e shtetit, u njoftuan pas disa minutash nga Drejtori i Kabinetit, Olsi Lase se takimi anulohej.

Carlo Bollino, botues i “shqiptarja.com”, administrator i “Report Tv” dhe një njeri i afërt me kryeministrin Edi Rama, ka publikuar sot një opinion situatën ekrijuar nga përplasja për reformën në drejtësi. Bollino sjell si krahasim rastin e “jo” së së Ramës për armët kimike, e cila nuk prodhoi kosto për të, pasi “amerikanët e mirëkuptuan dhe dipomacia shpjegoi pjesën tjetër”. Mirëpo Bollino ndan një tjetër mendim kur vjen puna për “Jo” e kësaj radhe ndaj ndërkombëtarëve. Teksa i cilëson si tradhëtarë të interesave kombëtare ata që janë kundër reformës, Bollino bën një analizë të tillë:

Nuk ka më asnjë dilemë, LSI dhe PD janë me një plan thuajse të përbashkët për formën në drejtësi. Pas disa ditësh heshtje LSI vendosi të sqarojë pozicionin e saj pas propozimit amerikan për reformën në drejtësi. Nënkryetari Petrit Vasili e bëri të qartë se "Lëvizja Socialiste për Integrim ka vetëm një plan, që nga fillimi i Reformës, Planin A, me konsensus dhe sipas Komisionit të Venecias". Vasili u deklarua kundër një drafti ekspertësh duke sjellë si shembull përvojën me kompaninë britanike Crown Agents.

Ministri i Brendshëm, Sajmir Tahiri do të pyetet të premten në Prokurori lidhur me akuzat që ka bërë pak javë më parë ndaj gjyqtarit Arjan Aliaj. Burime nga organi i akuzës bëjnë ditur për panorama.al se gjatë paradites së nesërme, ministri do të japë shpjegime lidhur me akuzat e ngritura në media.

Ka kohë që qarkullon se Shqipëria mund të hyjë në zgjedhje të parakohshme,por këtë skenar e përforcon më shumë edhe gazeta amerikanen Washington Post. Shtetet e Bashkuara të Amerikës nuk kanë arritur të bindin Partinë Demokratike, forca kryesore e opozitës në Shqipëri, për të pranuar një paketë të reformës në drejtësi, e cila konsiderohet themelore për të siguruar nisjen e negociatave për anëtarësim me Bashkimin Europian.

Ndonëse delegacioni i BE u shpreh i keqardhur për përgjigjen e PD ndaj propozimit amerikan, madje duke shpallur hapur ambicjen për të marrë në dorë procesin e vetingut të prokurorëve dhe gjyqtarëve, Italia duket më e moderuar në raport me qëndrimet e palëve.

Bashkimi Europian ka dale me një deklaratë të fortë kundër Partisë Demokratike dhe qëndrimit të saj për propozimin e fundit amerikan për reformën në drejtësi. Në një deklaratë me shkrim ku shpreh keqardhjen që lidershipi i Partisë Demokratike e refuzoi propozimin për kompromis, BE thotë se besueshmëria e reformës në drejtësi varet përgjithësisht nga besueshmëria e vetingut të gjyqtarëve dhe prokurorëve. Sipas saj për ta garantuar këtë, një rol i kufizuar specifik i komunitetit ndërkombëtar përmes Operacionit Ndërkombëtar Monitorues është thelbësor.

Partia Demokratike e refuzoi propozimin hibrid të hedhur nga Victoria Nuland, në një lëvizje që përcakton ecurinë e mëtejshme të zhvillimeve politike. Kryeministri Edi Rama e ka cilësuar refuzimin si tallje me shqiptarët dhe goditje të marrëdhënieve me partnerët stratgjikë. “Nuk më vjen i papritur ky refuzim i radhës për propozimin e ardhur nga SHBA dhe BE, nga Victoria Nuland, sepse përgjatë një viti e gjysëm të procesit të hartimit të draftit të reformës në drejtësi, PD i ka dhënë me të gjitha mënyrat sinjalet, se nuk e do reformën në drejtësi.

Propozimi i PD-së kërkon përjashtimin e ndërkombëtarëve nga vetingu i gjyqtarëve dhe prokurorëve. Komisioni i përbërë nga tre kategori pozicionesh në strukturat e Vetting–ut: a) Komisionerët, b) Komisionerët Publikë dhe c) gjyqtarët e Dhomës së Apelit zgjidhet politikisht dhe është ai që përjashton kandidatët. Amerikanët propozuan që të marrin ata dhe jo europianët në dorë drejtimin e Komisionit Ndërkombëtar të Vetingut. Propozimi i PD-së është bërë dje. Por ai bie në kundërshtim me atë që kërkojnë ndërkombëtarët dhe draftin aktual në tryezën e komisionit të reformës.

Kur u duk se ishte gjetur formula e artë për konsensusin e reformës në drejtësi dhe pritej fjala e fundit nga Partis Demokratike, amerikanët të angazhuar fort në negociata duket se kanë marrë një tjetër zhgënjim. Të paktën ambasadori amerikan Donald Lu që në një reagim ka shprehur zhgënjimin për përgjigjen e marrë nga PD lidhur me propozimin e Nuland.