Politikë

Mazhoranca ka përqendruar shpresat te karta “Nuland” për reformën në drejtësi. Apo më saktë: për kalimin të pandryshuar të variantit të saj më datë 21 korrik.

Në ditën e dytë të Samitit të NATO-s në Varshavë, Kryeministri Edi Rama mori pjesë në sesionin e punës së kryetarëve të shteteve dhe qeverive lidhur me Misionin Mbështetës në Afganistan. Shqipëria, tha Kryeministri, është e angazhuar prej vitesh me trupa në kuadër të NATO-s në Afganistan dhe së bashku jemi duke investuar që Afganistani të jetë një vend i sigurt për qytetarët e tij dhe jo vetëm.

Në debatin publik për demarkacionin mes Kosovës dhe Malit të Zi është përfshirë edhe ambasadori i Shqipërisë në Prishtinë, Qemal Minxhozi. Përmes një interviste për gazetën “Zëri” Minxhozi bën thirrje për dialog dhe mirëkputim. “Çështja e demarkacionit nuk zgjidhet duke vendosur flamuj, por duke dialoguar”, citohet të ketë thënë Minxhozi që përfaqëson një vend ku dialogu pa mbikëqyrjen e të huajve dështon rregullisht.
Ndërkohë vetë Shqipëria ka të pazgjidhur kufirin me Kosovën, Malin e Zi dhe me Maqedoninë(kufijtë ujorë).

Ambasada ruse në Tiranë ka shpërndarë sot një material video-dokumentar i cili rrëfen versionin rus të ngjarjeve të Ukrainës dhe të Krimesë. Me interes është se dokumentari është titruar në shqip dhe është mbi dy orë(postuar në youtube që në mars të këtij viti). Në të flet presidenti rus, Vladimir Putin, apo edhe dëshmitarë të ndryshëm. Përveç aspektit gazetaresk dhe politik, dokumentari ka rëndësi pse ilustron një qasje të re të selisë diplomatike ruse në raport me opinionin shqiptar dhe mediat.

Për hir të kryeministrit në Europë na identifikojnë si euroeuforikët, në kundërpeshë të euroskeptikëve që bënë realitet edhe shkëputjen e Britanisë nga Bashkimi Europian. Flamurtar i europianizmit po shfaqet kryeministri ynë Edi Rama në çdo mundësi që ka për të folur para gazetarëve europianë. Kështu të paktën i kanë përcjellë mediat e huaja deklaratat e kryeministrit shqiptar një ditë para samitit të Varshavës.

Pas një takimi të zhvilluar sot me ambasadorin amerikan, Donald Lu, kreu socialist i Komisionit për Reformën në Drejtësi, Fatnmir Xhafa, ka deklaruar se nuk ka ende një propozim nga Partia Demokratike. Janë ditët e fundit të  negociatave dhe pika kritike është vetingu. Nuk është e qartë si qëndron puna dhe ndoshta PD-ja po kërkon zvarritjen, por sot, Oerd Bylykbashi, njeriu i Lulzim Bashës për reformën ka publikuar këtë formulë:

“Presidenti i Republikës, ose Avokati i Popullit shpall 12 vakancat dhe pret brenda afateve aplikimet e lira.

Partia Demokratike njofton sot për një takim të kreut të saj, Lulzim Basha, me kreun e Partisë Demokracia e re në Greqi, Kyriakos Mitsotakis, një politikan i ri, por që po imponohet mirë në sondazhe, Mitsotakis ishte pjesë edhe e takimit të fundit të Grupit Bilderberg, që organizon takime i

Një ditë pasi Lulzim Basha bëri publik propozimin e PD-së pë formulën e zgjedhjes së anëtarëve të organeve të reja të drejtësisë, ambasadori amerikan Donald, Lu u është drejtuar me një letër deputetëve të kuvendit ku u kërkon të japin votën pro draftit të reformës në drejtësi.

Qeveria shqiptare ka vendosur zgjerimin e shërbimit diplomatik në Republikën Federale të Gjermanisë. Në mbledhjen e datës 6 korrik, qeveria miratoi hapjen e Konsullatës së Përgjithshme të Shqipërisë në Mynih. Propozimi është bërë nga ministri i Jashtëm. Misioni diplomatik shqiptar në Berlin u vu në provë gjatë krizës së azilkërkuesve vitin e kaluar, por nga të gjitha raportimet, ambasada shqiptare thjesht u transformua në një shtojcë informative të Ministrisë të Brendshme gjermane për të dhënat e kërkuara për azilkërkuesit, për të mos dhënë asnjë ndihmë tjetër.