Arkiv-Lajme

Në një intervistë të gjatë dy faqëshe në gazetën Mapo, të lajmëruar në faqe të parë me titullin “Kabllot për mua, thashetheme pazari”, Ylli Pango i rikthehet ngjarjes, që i dha një kthesë të fortë jetës e karrierës së tij, dmth përgjimit që Top-channel-i (Top Kanal, e quan ai) i ka bërë kohë më parë bisedës që ka bërë nga pozicioni i ministrit të Republikës me një vajzë të porositur për të bërë rolin e hallexheshës. Shkak është një përcaktor që diplomatët amerikanë (më saktë, ambasadori Withers) ia japin në një prej kabllogrameve.

Ambasada amerikane nuk ka munguar të regjistrojë faktin që, pas anëtarësimit të Shqipërisë në NATO, kryeministri Berisha nisi “një sulm të përqëndruar kundër institucioneve të shtetit shqiptar”. Dhe e ka shpjeguar këtë fakt në mënyrë analitike. Ish-ambasadori Withers ka rreshtuar më shumë se një arsye në këtë mes. “E para lidhet me zërat, se hetimet mbi ngjarjen e Gërdecit do të implikojnë djalin e tij”, thotë ai. Vini re: është momenti, kur përfshirjen e  djalit të kryeministrit në tragjedinë e Gërdecit e bazon tek zëra që flasin.

Pasi kabllogramet e ambasadës amerikane në Tiranë për Departamentin e Shtetit ‘rrodhën’ drejt publikut në sajë të Wikileaks-it, një prej pyetjeve të shumta, me siguri ka qenë: si do të reagojnë personazhet e tyre, domethënë politikanët shqiptarë. I pari ka qenë Sokol Olldashi i përmendur si ministër i lidhur me trafiqet në një telegram të ambasadës amerikane. Olldashi ka kërkuar verifikimin e autenticitetit të kabllogrameve të rrjedhura nga Wikielaks duke shtuar se ato nuk i ngjajnë me stilin shtetëror, sidomos të një shteti serioz si SHBA.

Publikimi i kabllogrameve ose më saktë përkthimi i tyre dhe botimi në të përditshmet shqiptare është në ditën e tretë. Nga ai pus i errët shqiptarët kanë nxjerrë të etur kova plot me informacione që…i kanë ditur. Disa gjëra nuk i kanë ditur megjithatë: Kush janë informatorët ose, ashtu siç të përditshmet i kanë cilësua, duke i futur në thonjëza natyrisht, “spiunët”.

Gazeta “Los Angeles Times” njofton se filmi shqiptar “Falja e Gjakut”, me regji të Joshua Marston-iv dhe skenar të Andamion Murataj/Joshua Marston, do të shfaqet së shpejti në rrjetin amerikan të kinemave “IFC Films”. Pasi fitoi çmimin e parë për skenarin në Festivalin e Filmit të Berlinit, ky film u shfaq dje në festivalin e Telluride-s, në Kolorado. Pikërisht pas debutimit në këtë festival, u njoftua dhe shfaqja komerciale e filmit në rrjetin e kinemave “IFC Films”. Filmi do shfaqet në origjinal (shqip), me titra në anglisht.

Një ekspozitë e titulluar  “L’âge d’or de la photographie albanaise: La dynastie Marubi et les rhapsodes de lumière 1858-1945” (Epoka e Artë e fotografisë shqiptare: Dinastia Marubi dhe rapsodët e dritës 1858-1945) do të hapet në Shtëpinë Europianë të Fotografisë nga data 5 tetor deri më 8 janar 2012. 

Zyrtari i parë shqiptar, që merr mundimin të komentojë materialet e WikiLeaks-it lidhur me Shqipërinë, është Sokol Olldashi, për të cilin në një nga këto kabllograme thuhet se “është i dyshuar për kontrabandë droge”.  Nuk duhet shumë mend për të besuar që e ka urdhëruar Berisha ta bëjë këtë. Dhe e ka urdhëruar, me sa duket, të flasë për një çështje tjetër, ku ai vetë preket më shumë politikisht se sa personalisht, e jo për dyshimet e amerikanëve për përfshirje të tij në kontrabandën e drogës.

Kabllogrami sekret i Ambasadës Amerikane të Tiranës i datës 20 qershor 2008, i bërë publik së fundit nga WikiLeaks, përcjell detaje të rëndësishme për tragjedinë e Gërdecit, të cilat ajo i ka siguruar pas një takimi që ambasadori Withers ka zhvilluar me Shefin e Shtabit, Luan Hoxha me kërkesë të këtij të fundit. “Në një klimë politike të nxehtë, shefi i Ushtrisë, Luan Hoxha kërkoi të takohej me ambasadorin për të folur rreth shkarkimit nga detyra, bashkëpunimit me Prokurorinë e Përgjithshme, përfshi pikëpamjet dhe faktet rreth Gërdecit”, shkruhet në hyrje të kabllogramit.

Një kabllogram i “rrjedhur” në publik përmes Wikileaks-it informon rreth një takimi të kryetarit të Partisë Socilasite Edi Rama dhe ambasadorit amerikan John Withers në zyrën e këtij të fundit. “Rama ishte në pikun e tij aktoresk gjatë takimit – gjestet, shprehjet e fytyrës, interpretimet dramatike vokale”, shkruan Withers në kabllogramin për Departamentin e Shtetit.

250 mijë dokumentat e Departamentit Amerikan të Shtetit, që kanë qenë prej kohësh në duart e botuesit e gazetarit australian, Julian Assange, tani janë në duart e gjithkujt. Assange ka marrë vendimin pas një “tradhëtie të gazetës the Guardian” të pretenduar nga ana e WikiLeaks-it. Sipas këtij site-i, një file që përmbante të gjithë database-in ishte bërë i aksesueshëm nga një gazetar i gazetës londineze, i cili ka bërë publik password-in në një libër të publikuar ca muaj më parë.