Arkiv-Lajme

Të zgjuar këta tregtarët e karburanteve, duan të nxjerrin fitime nga çdo situatë në treg. Përpos rritjes së çmimeve (e ndikuar nga ecuria e karburanteve në tregjet ndërkombëtare) dhe cilësisë së dobët në mjaft raste, përfitojnë duke bërë edhe disa marifete të tjera.

Vendimi i Hashim Thaçit dhe i maxhorancës së kryesuar prej tij për t’iu bindur presionit të diplomacisë perëndimore e për t’u prezantuar me emërtimin ‘Kosovo’ e jo me emërtimin ‘Republic of Kosovo’ në veprimtari shumëpalëshe në rajon nuk është pritur mirë nga opinioni publik në Kosovë. Ky vendim është interpretuar nga shumica e komentatorëve politikë të atjeshëm si një rikthim tek rezoluta antike me numër 1244, dhe si një kthim prapa në procesin e afirmimit të pavarësisë.

Largimi i Gazmend Oketës nga PD-ja ka sjellë, gjë që pritej, reagimet e para. Përveç Mark Markut, që duket se gjeti një rast për t’u demonstruar të vetëve se dallon disi nga ata (“Po, mbledhjet e grupit tonë parlamentar ngjajnë pak me mbledhjet e Byrosë politike të PPSH-së”, tha Marku në thelb duke i bërë jehonë një qëndrimi të ish-ministrit të mbrojtjes, por duke mos duartrokitur vendimin e këtij të fundit për t’u larguar), të tjerët nuk janë marrë me kritikat e Oketës. Deputeti Fatos Hoxha thotë se “iku një njeri që ka marrë detyra ta pamerituara nga PD-ja”.

Në numrin e madh të titujve të shtypit në një të dielë gri si kjo, nuk kishte se si të shpëtonte nga vëmendja një shkrim mbi abuzimet e kryera gjatë periudhës së emergjencës civile të shkaktuar nga reshjet e mëdha të borës e publikuar nga “Shqip”. Korrespondenti i Kukësit raporton për “raste flagrante te abuzimit me emergjencën civile”, të cilat fillojnë nga thirrja e ndihmës për të hequr “fiksimin” e të fluturuarit me helikopter e deri tek përdorimi i tij si mjet transporti për të takuar të afërmit.

Është më se e kuptueshme që një parti e re, sidomos në kushtet e Shqipërisë, ta fillojë rrugën e zyrtarizimit të saj në kryeqytet.

Fenomeni ku ekzekutivi hap qesen në periudha paraelektorale duke investuar shuma të mëdha, është vërtetuar këtë vit, por në kah të kundërt. Qeveria uli në mënyrë drastike shpenzimet gjatë janarit të këtij viti, por zëri kryesor i cili pësoi edhe shkurtimet më të mëdha është ai i shpenzimeve kapitale, të cilat janë shkurtuar me 3.6 herë krahasuar me janarin 2011. Shpenzimet kapitale janë investimet direkte që bën qeveria.

U bë kohë që Besnik Mustafaj ka rritur progresivisht nivelin e kritikës ndaj kryetarit të PD-së e kryeministrit Sali Berisha, por në intervistën që ka dhënë për revistën Java (numri i sotëm) është më i qartë e më i troçtë se të gjitha herët e tjera. Dhe kjo duhet të shihet nga Berisha e të vetët si intervista e divorcit përfundimtar me PD-në.

Numërohen me gishtat e dorës deputetët e PD-së, të cilët nuk janë nxjerrë nga Berisha në foltoret e konferencave të shtypit për të lexuar deklarata marroke të përgatitura nga ai vetë apo për ta mbajtur qëndrime në favor të Berishës në situata të vështira për këtë të fundit. Gazmend Oketa përmendi në programin e Ilva Tares një rrethanë të tillë, në të cilën ai ish ndjerë keqaz i përdorur, dhe kish vuajtur për këtë fakt, por si zor të gjesh të tjerë që të jetojnë me ndërgjegjen të lënduar bash për këtë arsye.

Buxheti i shtetit e ka nisur me tregues negativ që në muajin e parë të zbatimit të tij realizimin e të ardhurave dhe shpenzimeve. Ministria e Financave ka publikuar sëfundmi treguesit fiskal për muajin janar 2012, në të cilat vërehet një ulje e të ardhurave si edhe shpenzimeve krahasuar me të njëjtën periudhë të një viti më parë.

Për Dritëro Agollin si shkrimtar ka një konsensus të shtrirë, ndërsa për të si ish-kryetar i Lidhjes së shkrimtarëve opinionet kanë qenë të ndara. Një pjesë kanë dashur të nënvizojnë rolin negativ të tij, e një pjesë tjetër japin dëshmira, të cilat nxjerrin në dritë një Dritëro jo dogmatik, të hapur, empathik, nxitës e zbulues talentesh, etj. Duhet thënë se të dytët kanë qenë më të shumtë në numër, dhe sot atyre “u shtohet” dhe shkrimtari Visar Zhiti, i cili sapo ka nxjerrë në treg librin e tij me titull Rrugët e Ferrit, ku rrëfen jetën e tij në burgjet e regjimit komunist.