Visar Zhiti: Agolli do t’i ndalonte t’më burgosnin; nëse do të mundte

Për Dritëro Agollin si shkrimtar ka një konsensus të shtrirë, ndërsa për të si ish-kryetar i Lidhjes së shkrimtarëve opinionet kanë qenë të ndara. Një pjesë kanë dashur të nënvizojnë rolin negativ të tij, e një pjesë tjetër japin dëshmira, të cilat nxjerrin në dritë një Dritëro jo dogmatik, të hapur, empathik, nxitës e zbulues talentesh, etj. Duhet thënë se të dytët kanë qenë më të shumtë në numër, dhe sot atyre “u shtohet” dhe shkrimtari Visar Zhiti, i cili sapo ka nxjerrë në treg librin e tij me titull Rrugët e Ferrit, ku rrëfen jetën e tij në burgjet e regjimit komunist. Zhiti ka dhënë një intervistë për Gazetën Shqiptare, dhe aty, i ngacmuar prej gazetares Fatmira Nikolli, flet dhe për Lidhjen e (Sh)krimtarëve (‘sh’-ja në kllapa është e tij) dhe për kryetarin e saj Dritëro Agolli. “Marrëdhëniet e mija me Dritëro Agollin, në paradoks me atë që më ndodhi, ishin ndryshe.... Para se t’më burgosnin, kur unë isha një mësues i gjorë fshati, [Agolli] i është përgjigjur me ngrohtësi një letrës sime, [ku] më jepte kurajë e shpresë. I shpreh mirënjohjen time, dhe besoj se nëse do të mundte ta ndalonte burgosjen time, do ta kish bërë”, thotë Zhiti në këtë intervistë.

E.G.