Arkiv-Lajme të përditësuara

Tregjet e Bursave Europiane pësuan rënie drastike gjatë të mërkurës, si rrjedhojë e protestave të përgjithshme të mbajtura në Spanjë dhe në Greqi. 

Bursa “Ibex” e Madridit regjistroi një rënie prej 3,5%, ndërsa tregjet në Londër, Paris dhe Frankfurt humbën mbi 1% të vlerës së tyre.

Më parë gjatë ditës, Banka e Spanjës publikoi një raport të ri për gjendjen e ekonomisë në vend, duke konfirmuar se recesioni është duke vazhduar edhe në tremujorin e tretë të vitit.

Mijëra qytetarë grekë u mblodhën në qendër të Athinës për të protestuar kundër masave shtrënguese ekonomike, të përgatitura nga qeveria Samaras me kërkesë të Trojkës. 

Një gazetë egjiptiane ka gjetur një përgjigje origjinale duke nisur një fushatë kundër karikaturave të turpshme të Profetit Muhamed të publikuara nga revista franceze Charlie Hebdo. 

Al-Watan, një e përditshme laike, botoi 13 karikatura të hënën nën sloganin "luftoi karikaturat me karikatura".

Një prej tyre tregon një palë syze përmes të cilave digjen kullat e World Trade Center, me titullin: "Syze perëndimore për botën islame". 

Reshjet e pakta nuk e ndalojnë dot tatëpjetën e nivelit të Fierzës, liqenit më të madh në vend, nga ku sigurohet energjia elektrike. Thatësira e tejzgjatur, bashkë me shfrytëzimin maksimal të hidrocentraleve në Veri, kanë shkaktuar zbrazjen e liqenit, niveli i të cilit ka arritur në kuotën e 267 metrave mbi nivelin e detit, ose afro 25 metra më pak nga fillimi i muajit korrik. 

Megjithëse sezoni turistik i këtij viti ka shënuar një rritje të numrit të turistëve në Sarandë me rreth 15 % më shumë se viti i kaluar problemet që u lidhën me furnizimin me ujë të pijshëm, energjinë elektrike dhe infrastrukturën rrugore hyrëse në Sarandë, por edhe mospërfundimi i punimeve në portin e Sarandës kanë qene prezente edhe këtë sezon veror. 

Rikthehen sulmet me motive ndëretnike ndaj shqiptarëve në veri të Mitrovicës. Këtë herë bëhet fjalë për një sulm fizik ndaj një të riu, që është sulmuar nga persona ende të paidentifikuar. 

Ngjarja ndodhi të hënën në mbrëmje në rrugën “Mbreti Peter”, teksa viktima, i identifikuar me inicialet E.D, ishte në shoqërinë e tre personave të tjerë, të gjithë të përkatësisë entike shqiptare.