Arkiv-Lajme të përditësuara

Tatimi mbi Vlerën e Shtuar mbi ilaçet pritet të bëhet zero në fillim të janarit të vitit që vjen. Ky është premtimi i vetëm në lidhje me uljen e taksave që qeveria socialiste do të aplikojë në këtë paketë fiskale për TVSH-në, porse pritet të ketë rritje të ndjeshme në taksën e makinave dhe të karburanteve.

TVSH-ja për ilaçet, zero

Qeveria do të shlyejë brenda muajit dhjetor detyrimet e prapambetura për personat me aftësi të kufizuara. Premtimi ka ardhur nga kryeministri Edi Rama gjatë një aktiviteti të zhvilluar me rastin e ditës ndërkombëtare të Personave me Aftësi të Kufizuar.

Në fjalën e tij, Rama ka fajësuar qeverinë e kaluar për situatën në të cilën përballen kjo kategori shoqërore.

Në Komisionin e Ligjeve, opozita këmbënguli që Qeveria të tërhiqet nga Paketa Antikorrupsion, përsa kohë ndryshimet në ligj janë kundërshtuar nga OPDAT, misioni amerikan për drejtesinë penale dhe OSBE-ja, si të papërshtatshme, jo efektive dhe që përbëjnë hapa prapa.

TIRANË- Avokati i Popullit duke pranuar se një numër i madh fëmijësh në vendin tonë shfrytëzohen në punë, madje edhe shumë të rënda për moshën ka theksuar se duhet hartuar plani kombëtar i eliminimit të punës së fëmijëve. Ai ka kerkuar edhe nje zgjidhje alternative per te shmangur burgimin e femijeve. “Asnje femije ne burg, jam i mendimit qe duhet gjetur nje zgjidhje alterantive per kete problem”- ka thene AP.

Tiranë – Ferdinand Poni “viziton” policinë ku pyetet për tenderin e pasaportave të vitit 2008 dhe abuzimet me ndarjen e granteve për pushtetin vendor. Ish-zv.ministri i Brendshëm i Qeverisë “Berisha” dhe njëherësh kryetar i grupit të këshilltarëve të djathtë në Këshillin Bashkiak të kryeqytetit, Ferdinand Poni, është shoqëruar dje në policinë e Tiranës. Poni është mbajtur në ambientet e sektorit të antikrimit ekonomik ku është marrë në pyetje në lidhje me dy raste abuzimesh që janë duke u hetuar, thanë burimet e policisë.

Organizata Transparency International ka publikuar raportin vjetor për perceptimin e korrupsionit. Në raport vihet re rënia e Shqipërisë me tre pozicione, çka tregon rritje të perceptimit të korrupsionit krahasuar me një vit më parë.

Në listën prej 177 shtetesh, Shqipëria renditet e 116-a, ndërsa një vit më parë gjendej në vendin e 113. Edhe Kosova ka shënuar një rënie me pesë pozicione, duke zbritur nga vendi i 106 në vendin e 111.

Seanca në Komisionin e Integrimit. Qeveria paralajmëron stuhinë në KLD dhe Gjykatën e Lartë

Akuza ndaj KLD-së - “Mund t’ju them që vetëm në mbledhjen e fundit për 4 vende vakante në Gjykatën e Apelit në Durrës ishin 61 kandidatura dhe vetëm 4 kandidatë morën nga 11 vota, nuk mori asnjë tjetër. Besoj se kaq flet qartë se mbledhja ishte bërë diku tjetër”, tha Naço.
Herion Mesi

Kryeministri Edi Rama deklaroi se Qeveria do ta bëjë çmos që të mundësohet shpërndarja e pagesës për muajin dhjetor përpara festave të fundvitit, për personat me aftësi të kufizuar.

Zëdhënësi i komisionerit Stefan Fyle, Peter Stano deklaroi në një intervistë për ATSH-në, se Shqipëria i ka përmbushur kushtet e vendosura nga BE-ja për të marrë statusin e vendit kandidat në muajin dhjetor.

“Shqipëria ka përmbushur kushtet që kanë të bëjnë me marrjen e statusit të vendit kandidat. Po kështu, zgjedhjet parlamentare u zhvilluan me sukses dhe kalimi i pushtetit pas zgjedhjeve u realizua në mënyrë konstruktive.

Me ftesë të homologut gjerman, kryetari i Kuvendit, Ilir Meta po zhvillon një vizitë zyrtare në Gjermani.