Arkiv-Lajme të përditësuara

Një i vdekur dhe një i plagosur është bilanci i një aksidenti të ndodhur në orët e para të mëngjesit në aksin rrugor të superstradës Laç-Fushë Krujë,  në vendin e quajtur rrethrrotullimi i Patokut. 

19 vjeçari Anton Lleshi, banues në Laç të rrethit Kurbin, humbi jetën si rezultat i daljes se makines nga rruga. Në momentin e aksidentit, 19 vjeçari ka qenë duke drejtuar një autoveturë tip Pezho, me targë LA 2781A, ku pasi ka dalë nga rruga është përplasur me një shtyllë.

- Një 40-vjeçare e aksidentuar në Gjirokastër ka ndërruar jetë sapo ka mbërritur me helikopter në Spitalin e Traumës në Tiranë.  

Në aksin Kakavijë- Gjirokastër në vendin e quajtur Sofratik mjeti tip “OPEL” me targa greke YNP ka përplasur këmbësoren me iniciale M.B, 40 vjeçe nga Libohova.

Sipas policisë 40-vjeçarja ka tentuar të kalojë rrugën nga njëri krah në tjetrin duke i ndërprerë rrugën automjetit të drejtuar nga Grigor Magllara, 51 vjeç nga Vrisera Gjirokastër.

Një fëmijë 8 vjeç është mbytur në plazhin e Shëngjinit. Ngjarja ka ndodhur pasditen e sotme, ku 8 vjeçarja Gabriela Çeta nga Kosova, është shpëkutur për një moment dhe është futur në det, çka ka rezultuar fatale për të.
 
Sapo e kanë pikasur, pushues dhe të afërmit e saj nuk kanë arritur ta shpëtojnë pavarësisht përpjekjes së tyre. Edhe pse autoambulanca mbërriti menjëherë në vendngjarje për të dhënë ndihmën e parë, ajo sërish nuk ka arritur të mbijetojë dhe është dërguar e pajetë në spital.
 

Tridhjetë e tetë klandestinë afrikanë të ardhur nga Eritrea dhe Siria janë ndaluar në Vlorë. Pas ndalimit,  pesë prej tyre u janë ushtruar edhe kontrollle mjekësore, pasi kanë shfaqur simptoma, si diarre dhe dehidratim, duke i bërë specialistët të dyshojnë edhe për virusin Ebola. 

Ministrja e Mbrojtjes, znj. Mimi Kodheli, ka dekoruar atasheun ushtarak italian në Tiranë Gjeneral brigade Vitto Dell’ Ederi, gjatë një ceremonie të organizuar sot paradite në Ministrinë e Mbrojtjes.
 
Ushtaraku italian Vitto Dell’ Ederi, ka përfundoi misionin e tij në këtë detyrë.
 
Ministrja Kodheli i ka dorëzuar ushtarakut të lartë italian Medaljen e Mirënjohjes me motivacionin për kontributin e dhënë në punën si atashe ushtarak në Shqipëri për forcimin e marrëdhënieve bilaterale në fushën e mbrojtjes midis dy vendeve.
 

 Në orë të ndryshme të mbrëmjes së kaluar u janë drejtuar Policisë së Durrësit tre qytetarë të ndryshëm për të kallëzuar grabitjet e banesave të tyre nga persona ende të pa identifikuar. Shtetasja A.M., 37 vjeçe, banuese në Durrës, ka qenë e para që ka deklaruar në polici se i kanë vjedhur banesën duke i marrë një sasi parash prej 5000 eurosh dhe disa bizhuteri. Në orët në vazhdim ata që i’u drejtuan Policisë së Durrësit ishin dy turistë nga Kosova.

Nga Strukturat e Komisariatit të Policisë Korçë, ditën e sotme u bë e mundur kapja dhe arrestimi në flagrancë i shtetasit, Klajdi Ago, 25 vjeç, banues ne Libonik, Korçë, pasi akuzohet për armëmbajtje pa leje. Policia e qytetit juglindorë njofton se arrestimi u bë pas një kontrolli të ushtruar në banesën e  Agos, ku gjet dhe u sekuestrua në cilësinë e provës materiale, një pushkë model 56, kalibër 7.62 mm, së bashku me 13 (trembëdhjetë) fishekë model 56. Po punohet per dokumentimin e plotë të ngjarjes, ndërsa materialet do ti referohen Prokurorisë Korçë.

Dy vatra zjarri në qytetin e Elbasanit, kanë shkaktuar në orët e para të mëngjesit të sotëm, djegien e një mjeti si edhe të një banese.
Burime nga efektiva të Repartit të Zjarrëfikëses bëjnë të ditur se “ zjarri i parë është konstatuar në lagjen “ Luigj Gurakuqi”, ku një mjet tip Golf 4 me targë CE 095 YX në pronësi të shtetasit F.M, është djegur tërësisht.

Gjashtë persona, pesë prej të cilëve me detyrë pranë kompanisë CEZ, janë arrestuar nga ana e Sektorit kundër krimit ekonomik në Drejtorinë e Policisë së Qarkut të Elbasanit.

Policia e Tepelenës ka arrestuar në orët e para të mëngjesit të sotëm shtetasin Artur Haxhiaj, pasi akuzohet se ka ushtruar sistematikisht dhunë mbi prindërit e tij, duke shkaktuar së fundmi edhe plagosjen e tyre.

Sipas burimeve policore nga Drejtoria e Policisë së Qarkut Gjirokastër mësohet se uniformat blu të Tepelenës kanë intensifikuar punën për parandalimin e dhunës në familje dhe si rrjedhojë në orët e para të mëngjesit të së martës është arrestuar në flagrancë shtetasi Haxhiaj, i datëlindjes 1981, banues në Memaliaj.