Arkiv-Lajme të përditësuara

Një aksident është shënuar mesditën e sotme në kryeqytet, ku protagonist është bërë autobusi i linjës së Kamzës, i cili ka dalë jashtë kontrolli dhe për pasojë ka përplasur 5 automjete.
 
Ngjarja ka ndodhur tek rruga e Durrësit, pranë shkollës së mesme “Qemal Stafa”, ku mësohet se urbanit të linjës së Kamzës, i është kamio, ndërsa ka qenë shoferi i cili për të shmangur këmbësorët ka goditur automjetet.
 
Nga të dhënat e para, nuk raportohen të lënduar, por vetëm dëme materiale.
 

Presidenti Bujar Nishani ka dekretuar emërimin e dy anëtarëve të Gjykatës së Lartë. Zyra për shtyp e kreut të shtetit njofton se janë dekretuar emrat e  gjyqtarëve Sokol Ngresi dhe Elona Stavri.

Në arsyetimin e tij për gjyqtarin  Sokol Ngresi, presidenti Nishani thekson se është jurist me një eksperiencë rreth 20 vjeçare ndër të cilat ka ushtruar  detyrën e gjyqtarit shkallës së parë, gjyqtarit të apelit dhe ndihmësit ligjor të anëtarit të Gjykatës së Lartë.

Kryeministri Rama ka reaguar për herë të parë për skandalin e Sarandës në rrjetin social "Twitter" ku Agron Cane kërkonte favor seksual me një të mitur.

Rama ndërsa shprehet se e keqja s’ka parti dhe s’ka vend mes nesh. Tregon edhe për masat e marra menjëherë pas ngjarjes ndaj Agron Canes.
 
“Policia e arreston Zyra e deputetit distancohet preraz. PS e përjashton. E gjitha brenda ditës!”-shkruan Rama.

Ministria e Punëve të Jashtme e Republikës së Shqipërisë dënon me forcë masakrën me baza fetare të rreth 80 burrave të besimit yazidi dhe rrëmbimin e grave dhe vajzave të të njëjtit besim në fshatin Kochos, në veri të Irakut nga luftëtaret e organizatës së Shtetit Islamik të Irakut dhe Levantit (ISIS), bënë me dije Ministria e Jashtme në faqen zyrtare të saj.
 

Në aksin rrugor kombëtar Elbasan-Librazhd raportohet të jetë përplasur një autoveturë me autobusin e linjës Elbasan-Xibrakë. Gjatë aksidentit ka mbetur e plagosur dhe një grua.

Autovetura e tipit Benz, me targa AA335GC dhe e drejtuar nga shtetasi Dilaver Shehi është përplasur në nënkalimin e Xibrakës me autobuzin e linjës Elbasan-Xibrakë që drejtohej nga Agron Zeneli.

Si pasojë ka mbetur e plagosur Renata Shehi e cila ishte dhe pasagjerë në Benz. E dëmtuara ka pësuar disa fraktura, por nuk ndodhet në rrezik për jetën.

 Gjatë pasdites së sotme në Durrës, policia kufitare është njoftuar se 6 persona kishin mbetur të bllokuar në det pasi mjetit me të cilin ata po lundronin është përmbysur.
 
Shpëtimi është bërë nga ekuipazhi i një prej mjeteve lundruese të stacionit të policisë kufitare Durrës, që vijon patrullimin e vijës bregdetare me qellim ndihmën ndaj pushuesve qe mund të kenë probleme ne det.
 

Roli i Policisë së Shtetit në hetimin e çështjes së vjedhjes së 713 milionë lekë nga thesari i Bankës së Shqipërisë, është thjeshtë mbështetëse e prokurorisë. Është vetë kreu i Policisë së Shtetit, Artan Didi i cili ka deklaruar se, policia është veçuar nga kjo çështje për shkak se denoncimi fillimisht është bërë në institucionin e akuzës dhe dosja nuk ka shkuar ndonjëherë në polici.

Shërbimet e Policisë Kufitare në Durrës kanë ndaluar, ditën e sotme, tre shtetas të huaj Kurdë, të cilët po tentonin të kalonin matanë Adriatikut, drejt Italisë në formë klandestine.
 
Gjithashtu, po ditën e sotme, Policia Kufitare ka bërë të mundur arrestimin edhe të dy shtetasve të tjerë që po përpiqeshin të udhëtonin drejt vendeve Shengen me dokumenta false. Motivi i këtij akti mësohet të jetë tentative për të marrë Azil në një nga vendet europiane.

Kryeministri Rama ka përshëndetur pjesëmarrësit shqiptarë në Olimpiadën Ballkanike të Informatikës. Nëpërmjet një postimi në rrjetin social “Twitter”, kreu i qeverisë uroj protagonistët shqiptarë në këtë olimpiadë për marrjen e medaljes së bronzit.

Në Olimpiadën Ballkanike të Informatikës konkurrentët shqiptarë fituan medaljen e bronzit.

Dy persona janë shpëtuar pas ndërhyrjes nga ana e policisë kufitare në detin Jon. Rastet e ndryshme ka ndodhur në Vlorë dhe Sarandë, ku përkatësisht janë shpëtuar një vajzë dhe një djalë.
 
Rreth orës 12:20, në plazhin e Zvërnecit  në Vlorë, patrulla e Stacionit të Policisë Kufitare Triport ka marrë njoftim nga pushues të ndryshëm se një person po mbytej në det.