Arkiv-Lajme të përditësuara

Me flamuj kombëtarë në duar e këngë patriotike në sfond mijëra shqiptarë të Luginës së Preshevës u tubuan mesditen e së shtunës për të protestuar kundër arrestimeve të ndërmarra nga policia serbe. 

Manifestimi u mbajt nën moton "Edhe unë jam terrorist" dhe protestuesit mbanin në duar pankarta ku kërkonin ndaljen e arrestimeve, gjoja për “terrorizëm” apo “krime lufte”. 

“Politika e ditës në Beograd është që cdo shqiptar është terrorist, prandaj ne u themi se të gjithë jemi terroristë”, deklaruan organizatorët e protestës. 

Ditet e fundit ka nisur në Durrës veprimtaria e misionit arkeologjik shqiptaro-francez, i cili për të dhjetin vit radhazi do të punojë për kompletimin e studimeve mbi zbulimet e vitit 1970-1971 në kodrën e Dautes, në perëndim të qytetit antik. Prof. Fatos Tartari, bashkëdrejtor i këtij misioni, tha për "Gazetën e Durrësit" se ekipi me 10 specialistë shqiptarë dhe francezë të fushave të ndryshme do të ndalet kryesisht në përfundimet mbi hyjneshën Artemisë, e cila është identifikuar në më shumë se 1.8 ton materiale qeramike të zbuluara 40 vjet më parë nga arkeologu Vangjel Toçi. 

Komuniteti LGBT (lesbike, gay, biseksual e transeksual) ka lajmëruar se në datën 14 maj do të zhvillohet një pedalim me biçikleta në kuadër të luftës kundër homofobisë. 

Gjithashtu, ky komunitet bën me dije se ‘Ekovolis’ do të mbështesë këtë event duke vënë në dispozicion të organizatave LGBT, 100 biçikleta me të cilat është planifikuar të bëhet një xhiro përgjatë bulevardit “Dëshmorët e Kombit” në Tiranë. 

Japonia po fik reaktorin e fundit bërthamor që është në funksion, si pjesë e planit të sigurisë të hartuar pas tsunamit të marsit të vitit të kaluar, që dëmtoi rëndë impiantin e Fukushimës. 

Reaktori i tretë tek impianti Tomari, në prefekturën e Hokaidos, po fiket për disa punime rutinë që kanë të bëjnë me mirëmbajtjen. 

Fikja e reaktorit të fundit e lë Japoninë pa energji nga impiantet atomike, për herë të parë në më shumë se 40 vjet. Deri vitin e kaluar, Japonia siguronte 30 për qind të energjisë elektrike nga energjia bërthamore. 

Sot në Greqi është heshtje zgjedhore, disa orë përpara fillimit të votimeve të rëndësishme për vendin, kur në fakt askush nuk e di të thotë as me përafërsi, se çfarë mund të vendosin votat e qytetarëve, derisa kutitë e votimit të jenë ende të mbyllura. 

 Deputeti shqipar në Kuvendin e Serbisë, Riza Halimi, tha sot se arrestimi i pesë shqiptarëve të dyshuar për krime lufte në vitin 2001 është “vazhdim i terrorit shtetëror” kundër komunitetit shqiptar. 

Halimi tha se terrori "filloi në mënyrë agresive në dhjetor të 2008-ës, për të vazhduar në korrik të 2009-ës dhe se kjo është arsyeja pse qindra familje shqiptare kanë emigruar nga Lugina e Preshevës. 

Në një lëvizje, e cila përshkruhet si një goditje më tepër për Sarkozi, politikani i qëndrës Fransua Bajrou ka bërë të ditur se do të mbështesë në balotazhin e së dielës, kandidatin socialist Fransua Holond. 

Sipas Bayron, Sarkozi “ka ndjekur një rrugë drejt të djathtës ekstreme që bie ndesh me vlerat tona” mesohet te kete thene politikani francez. 

“Facebook” e ka caktuar vlerën e aksioneve të tij në ofertën e re publike në listimin e parë në bursë midis 28-35 dollarëve për aksion, duke e vlerësuar në total vlerën e kompanisë në 85-95 miliardë dollarë. 

Kjo e shndërron “Facebook” në firmën më të madhe në historinë e internetit, më e madhe edhe se “Google”, që në vlerësimin e fundit në vitin 2004 kishte një vlerë prej 23 miliardë dollarësh.

“Facebook”, që ka vendosur të listohet për herë të parë në bursë, do të nisë operacionet e para në “Nasdaq” nën emrin “FB”, në datën 18 maj.

Vetëm pak minuta para se të niste fjalën e tij në seancën parlamentare Komisioneri për Zgjerimin Shtefan Fyle, personat me aftësi të kufizuara kanë protestuar para Parlamentit duke u shprehur për shkelje të të drejtave të njeriut nga qeveria shqiptare.