bota

Presidenti Putin i dërgoi një paralajmërim të qartë Perëndimit lidhur me përdorimin e raketave me rreze të gjatë veprimi. Përdorimi i këtyre të fundit nga Ukraina, e cila nuk e ka një teknologji të tillë ushtarake, do të konsiderohet nga Rusia si "pjesëmarrje e drejtpërdrejtë" e vendeve të NATO-s në luftën në Ukrainë.

Turqia ka kërkuar zyrtarisht të bashkohet me bllokun ekonomik BRICS, pasi kërkon të krijojë lidhje të reja përtej aleatëve të saj tradicionalë perëndimorë. Lajmin e bëri të ditur Bloomberg, duke cituar persona që kanë dijeni mbi kërkesën.

Tre kompani të trajtimit të ujërave në Britani do të gjobiten me 168 milionë paund për shkarkimin e ujërave të zeza në lumenj dhe dete.

Thames, Yorkshire dhe Northumbrian Water janë gjetur në shkelje të rënda pas hetimit më të madh të rregullatorit të industrisë së ujit, Ofwat.

Gjoba ndahet në: 104 milion £ për Thames, 47 milion £ për Yorkshire dhe 17 milion £ për Northumbrian, raporton The Guardian.

Turistët britanikë duket se do të braktisin një prej ishujve më të frekuentuar të Greqisë, për shkak të mbipopullimit gjatë sezonit. Në mediat britanike, ata raportojnë përvoja aspak të këndshme nga pushimet në Santorini.

Ata thonë se mijëra turistë zbarkojnë njëherësh në ishull dhe më pas turma të mëdha ngjiten drejt majës, nëpër rrugët e ngushta për të shijuar perëndimin. Rrugët e ishullit tejmbushen në ngjitje dhe në zbritje duke shkaktuar vonesa edhe në nisjen e anijeve turistike që i sjellin njerëzit aty.

Kreu i Autoritetit Palestinez, Mahmud Abbas, do të vizitojë Turqinë. Lajmi u bë i ditur nga Partia për Drejtësi dhe Zhvillim e presidentit Erdogan.

Zëdhënësi i AKP-së, Ömer Çelik, tha gjatë një konference për shtyp se Abbas nuk ka përcaktuar datë për shkak të problemeve shëndetësore.

Deklarata erdhi pasi presidenti turk, Rexhep Tajip, u shpreh se priste ndjesën e Abass pasi ai refuzoi një ftesë për të vizituar Turqinë.

Ministri i Brendshëm i Francës nuk e përjashton përfshirjen e një fuqie të huaj në një sulm që sabotoi stacionet e sinjalit dhe kabllot në rrjetin hekurudhor të shpejtësisë së lartë të vendit, duke shkaktuar kaos udhëtimesh në ditën e hapjes së Lojërave Olimpike.

Sulmet e së premtes dëmtuan infrastrukturën përgjatë linjave që lidhin Parisin me qytete të tilla si Lille në veri, Bordeaux në perëndim dhe Strasburg në lindje. Një tjetër sulm në linjën Paris-Marsejë dështoi.

Kievi është gati për bisedime paqeje me Moskën për t'i dhënë fund konfliktit, i ka thënë ministri i Jashtëm ukrainas Dmitry Kuleba homologut të tij kinez, Wang Yi.

Shefi i diplomacisë ukrainase ka bërë një vizitë zyrtare në Kinë – e para që nga fillimi i konfliktit të Ukrainës në shkurt 2022.

Kuleba është shprehur gjatë takimit me homologun kinez se "Ukraina është e gatshme të angazhohet në dialog dhe negociata me Rusinë".

Gjykata Ndërkombëtare e Drejtësisë (GJND) ka konfirmuar ligjërisht se Izraeli po zbaton politikat e okupimit dhe shtypjes kundër palestinezëve.

Lajmin e bëri të ditur Ministria e Jashtme turke.

"Izraeli duhet t’i japë fund pranisë së tij në territoret palestineze sa më shpejt të jetë e mundur dhe të kompensojë dëmin që ka shkaktuar", citon ministria opinionin këshillues të GJND-së.

Partia e Emmanuel Macron-it mund të ketë një rol më të madh sesa pritej në qeverinë e re. Kjo falë një marrëveshjeje të minutës së fundit të arritur me deputetët francezë me prirje të djathtë.

Dy grupet politike krijuan një aleancë ad-hoc për të rizgjedhur Yawl Braun-Pivet si kreun e Asamblesë Kombëtare Franceze, zyrtari i katërt më i lartë në Francë.

Në bashkimin e forcave, centristët dhe qendra e djathtë kapën momentin politik, duke i dhënë njëkohësisht një goditje të papritur rivalëve të tyre më në të majtë.

Vendimi për të dislokuar raketat amerikane me rreze të gjatë veprimi në Gjermani nga viti 2026 është një përgjigje ndaj dislokimit të sistemeve raketore taktike Iskander në Rajonin e Kaliningradit të Rusisë.

Ministri gjerman i Mbrojtjes, Boris Pistorius, në një intervistë për Tageblatt, me qendër në Luksemburg, thotë se “ajo që Shtetet e Bashkuara do të bëjnë në Gjermani nga viti 2026 nuk është gjë tjetër veçse një përgjigje ndaj kërcënimit të Rusisë të përfaqësuar nga dislokimi i raketave Iskander në Kaliningrad".