bota

Rusia: Ushtarët francezë, shënjestër legjitime

Postuar në 05 Qershor, 2024 12:00

Pasi SHBA-të kanë autorizuar përdorimin e raketave të saj me rreze të mesme veprimi në territorin aktual të Rusisë, paralajmërimet, për të mos përmendur kërcënimet, po shumohen.

Belgjika propozon që Hungarisë t’i hiqet e drejta e votës në BE

Postuar në 04 Qershor, 2024 14:33

Hungaria do të marrë presidencën e radhës të Këshillit të BE-së në korrik të këtij viti. Megjithatë, shtetet anëtare kanë nisur të diskutojnë mundësinë e heqjes së të drejtës së votës.

Ministrja e Jashtme belge, Hadja Lahbib, tha se BE-ja duhet t'i heqë Hungarisë të drejtën e votës për të mbrojtur të ardhmen e unionit.

Belgjika, e cila ka aktualisht presidencën e BE-së, është njëra prej vendeve anëtare që shprehin zhgënjim për kundërshtimin e Hungarisë ndaj planeve kyçe të BE-së – duke përfshirë mbështetjen për Ukrainën në konfliktin me Rusinë.

Parlamenti zviceran hedh poshtë ndihmën për Ukrainën

Postuar në 03 Qershor, 2024 22:21

Dhoma e Lartë e Parlamentit të Zvicrës hodhi poshtë një kontribut prej 5 miliardë frangash zvicerane (5.58 miliardë dollarë) për Ukrainën, të përfshirë në një paketë më të gjerë financiare, me arsyetimin se plani shkel kufizimet e huamarrjes në vendin neutral.

Me 28 vota kundër dhe 15 pro, ligjvënësit votuan kundër paketës prej 15 miliardë frangash, e cila përfshinte gjithashtu 10.1 miliardë franga financime shtesë për forcat e armatosura të vendit.

Sulmi i parë me armët amerikane godet sistemet ajrore ruse në Belgorod

Postuar në 03 Qershor, 2024 17:21

Rajoni i Belgorodit në Rusi është objektivi i parë drejt të cilit janë lëshuar nga Ukraina armë perëndimore. Sulmi i parë (ose të paktën: sulmi i parë zyrtar) me Himars - raketa me rreze të gjatë - që kur SHBA dha autorizimin (bashkë me të edhe Britania e Madhe, Franca dhe Gjermania) është kryer ndaj një bateri të sistemeve ruse të mbrojtjes ajrore S-300/S-400.

Pentagoni konfirmon: Ukraina do t’i përdorë armët amerikane në territorin rus

Postuar në 31 Maj, 2024 18:12

Administrata e presidentit Biden i ka dhënë leje Ukrainës të përdorë armët amerikane kundër objektivave në tokën ruse. Lajmin e konfirmoi një zyrtar i Departamentit Amerikan të Mbrojtje, për agjencinë ruse të lajmeve, TASS.

"Llafazanëria është punë grash”

Postuar në 31 Maj, 2024 14:54

Një shprehje e Papa Françeskut, gjatë një takimi me dyer të mbyllura me priftërinjtë e rinj të Romës, po qarkullon në mediat italiane sot.  

Sipas faqes “Silere non possum”, ndërsa u këshillonte priftërinjve rishtarë të shmangin thashethemet në famulli dhe në kongregacione, papa është shprehur se “thashethemi është punë grash”.

Franca përjashton Rusinë nga eventi përkujtimor i zbarkimit në Normandi

Postuar në 31 Maj, 2024 10:18

Franca nuk e ka ftuar Rusinë në eventin që përkujton zbarkimin e forcave aleate në Normandi, një operacion që do të shënonte kthesën finale të Luftës së Dytë Botërore.

6 qershori shënon 80-vjetorin e Operacionit Overlord, i njohur ndryshe si Dita D, por autoritetet franceze duket se këtë vit do të përjashtojnë nga ky aktivitet përfaqësuesit e Rusisë.

Lajmin e bën të ditur Reuters, duke iu referuar Presidencës Franceze. 

Edhe Gjermania mbështet sulmet e Ukrainës në brendësi të Rusisë

Postuar në 30 Maj, 2024 21:52

Kancelari gjerman, Olaf Scholz, mbështeti sulmet e Ukrainës në brendësi të Rusisë, pavarësisht shqetësimeve të tij të mëparshme për përshkallëzimin e tensioneve me Moskën.

Gjatë një takimi me presidentin francez Emmanuel Macron, Scholz tha se "nëse Ukraina sulmohet, ajo mund të mbrohet" sipas ligjit ndërkombëtar.

Ai shtoi se nuk kishte kundërshtime ligjore ndaj Macron, i cili argumentoi se Perëndimi “duhet të lejojë Kievin të neutralizojë vendet ushtarake… nga ku… sulmohet Ukraina”.

Erdogan: Bota islame duhet të bëhet bashkë kundër Izraelit

Postuar në 30 Maj, 2024 16:21

Presidenti turk, Rexhep Tajip Erdogan, i bëri thirrje botës islame të marrë një “vendim të përbashkët” për të kundërshtuar Izraelin, duke e quajtur shtetin hebre një kërcënim për “të gjithë njerëzimin”.

"Unë kam disa fjalë për t'i thënë botës islame: Çfarë prisni për të marrë një vendim të përbashkët?", tha ai.

Ish-shefi i inteligjencës, në krye të qeverisë holandeze

Postuar në 28 Maj, 2024 17:12

Pasi fitoi zgjedhjet, e djathta në Holandë pritet t’ia japë drejtimin e qeverisë ish-shefit të inteligjencës. Dick Schoof pritet të bëhet kryeministri i vendit dhe do të drejtojë një koalicion të dominuar nga Partia e Lirisë (PVV) e Geert Wilders, e cila fitoi zgjedhjet në nëntor të vitit të kaluar.

Wilders-it i është bashkuar në koalicion partia liberale e qendrës së djathtë të kryeministrit Mark Rutte, VVD, Kontrata e Re Sociale (NSC) centriste dhe Lëvizja Fermer-Qytetar (BBB).

Pages

Subscribe to RSS - bota