bota

Emri i kryeministrit grek po përflitet si pasardhës i mundshëm i Ursula von der Leyen në krye të Komisionit Europian. Sugjerimi vjen nga një rival i ashpër i presidentes ende në detyrë. Kreu i Këshillit Europian, Charles Michel, është njeriu pas këtij propozimi ende jozyrtar, pavarësisht se një mandat i dytë për Von der Leyen është pothuajse i garantuar.

Hungaria nuk do të marrë pjesë në misionin e NATO-s në Ukrainë, por nuk do të pengojë as themelimin e saj nga vendet e tjera të aleancës, tha kryeministri hungarez Viktor Orban për Radion Kossuth.

Ai kujtoi se gjatë bisedimeve në Budapest më 12 qershor, Hungaria mori garanci nga Sekretari i Përgjithshëm i NATO-s, Jens Stoltenberg se pjesëmarrja e anëtarëve të aleancës në operacionet ushtarake jashtë territorit të tyre, përfshirë në Ukrainë, është vetëm në baza vullnetare.

Gjenerali në pension, Wesley Clark, e cilëson tradhti ndaj Amerikës projektin e Jared Kushner për të ndërtuar një kompleks të ri në qendër të Beogradit.

Projekti i dhëndrit të ish-presidentit amerikan, Donald Trump, është pjesë e një prej tre investimeve të mëdha të kompanisë së tij “Affinity Partners” në zhvillimin e pronave në Ballkan. Dy të tjerat janë në Shqipëri: në Sazan dhe Zvërnec.

Të dhënat e 6.9 milionë përdoruesve kanadezë dhe britanikë janë hakeruar vitin e kaluar.

Rasti u bë publik pasi autoritetet në të dy vendet njoftuan nisjen e hetimeve.

Të dhënat janë marrë përmes kompanisë së testimit gjenetik 23andMe dhe përfshijnë pemët familjare, vitet e lindjes dhe vendndodhjet gjeografike.

Grupi i përbashkët i punës, që është ngritur për hetimin e rastit, do të analizojë nëse kompania i kishte marrë masat mbrojtëse adekuate.

Presidenti francez, Emmanuel Macron, nuk do të tërhiqet nga mandati, pavarësisht rezultatit të zgjedhjeve parlamentare që do të mbahen brenda këtij muaji.

Macron njoftoi shpërndarjen e parlamentit francez të dielën në mbrëmje, pas fitores së partisë së rivales Marine Le Pen, në zgjedhjet europiane.

Fitorja e thellë Bashkimit Kombëtar, partia e ekstremit të djathtë në Francë, e ka vënë nën presion administratën e Macron. Por Macron nuk ka ndërmend të largohet.

Çdo vit, Evropa eksporton miliona tonë mbeturina në vendet në zhvillim, dhe jo të gjitha në mënyrë legale. Kjo sjell ndikime potencialisht negative në shumë prej vendeve pritëse.

Në këtë biznes shumë fitimprurës, vlerësohet se një e treta e dërgesave janë të paligjshme dhe organizatat kriminale përfitojnë miliarda euro. Prandaj, Bashkimi Evropian ka vendosur të kufizojë eksportet e mbetjeve dhe të inkurajojë riciklimin në të gjithë Evropën.

Sekretari i Përgjithshëm i NATO-s, Jens Stoltenberg, ka hequr dorë nga një plan pesë-vjeçar për t'i ofruar Ukrainës 100 miliardë euro (108 miliardë dollarë) ndihmë ushtarake pas kundërshtimit nga anëtarët e bllokut, raporton Bloomberg, duke cituar njerëz që kanë dijeni mbi këtë çështje.

Kryeministrja daneze, Mette Frederiksen, u sulmua fizikisht nga një burrë në një rrugë në Kopenhagë të premten, vetëm dy ditë para zgjedhjeve evropiane.

Policia daneze nuk ka dhënë detaje për sulmin, por njoftoi se ka arrestuar një burrë 39-vjeçar, i cili del sot para gjykatës së kryeqytetit.

Sulmi vjen përpara se danezët të shkojnë në kutitë e votimit në zgjedhjet e Parlamentit Evropian.

Incidenti u dënua menjëherë nga politika europiane.

Shanset e Ursula von der Leyen për një mandat të dytë si presidente e Komisionit Evropian janë në dyshim për shkak të fërkimeve mes peshave të rënda të BE-së. Zgjedhjet e Parlamentit Evropian këtë fundjavë do të jenë preludi i një periudhe intensive të diskutimi mbi postet kryesore të BE-së për pesë vitet e ardhshme dhe se si ato ndahen mes familjeve politike të bllokut.

Njerëz pranë presidentit amerikan flasin për përkeqësimin e gjendjes mendore të tij. Wall Street Journal, duke iu referuar burimeve pranë Joe Biden, shkruan se kreu i Shtëpisë së Bardhë tregon herë pas here "shenja rrëshqitjeje". Gazeta amerikane ka intervistuar 45 persona që kanë punuar në rrethin e Biden gjatë shtatë muajve të fundit.