Sulmohet në rrugë kryeministrja daneze

Kryeministrja daneze, Mette Frederiksen, u sulmua fizikisht nga një burrë në një rrugë në Kopenhagë të premten, vetëm dy ditë para zgjedhjeve evropiane.

Policia daneze nuk ka dhënë detaje për sulmin, por njoftoi se ka arrestuar një burrë 39-vjeçar, i cili del sot para gjykatës së kryeqytetit.

Sulmi vjen përpara se danezët të shkojnë në kutitë e votimit në zgjedhjet e Parlamentit Evropian.

Incidenti u dënua menjëherë nga politika europiane.

“Sulmi sotëm ndaj kryeministres daneze është i tmerrshëm,” postoi Roberta Metsola, presidente e Parlamentit Europian, në X. “Dhuna nuk ka vend në politikë. Qëndro e fortë, Mette!”

Edhe Ursula von der Leyen, presidentja e Komisionit Evropian, shprehu tronditjen për ngjarjen.

“E dënoj këtë akt të neveritshëm që bie ndesh me gjithçka që ne besojmë dhe luftojmë në Evropë”, tha ajo.

Presidenti i Këshillit Evropian, Charles Michel, tha se ngjarja është një akt frikacak agresioni.

Frederiksen, e cili ka udhëhequr Danimarkën që nga viti 2019, është një figurë dominuese në skenën politike daneze. Ajo ka krijuar një reputacion si një operatore e shkathët që mund të ndërtojë aleanca përtej ndarjeve politike. Emri i saj është përfolur disa herë si kandidate e mundshme e ardhshme për postin e presidentes së Këshillit Evropian.

Tensioni parazgjedhor ka sjellë një valë sulmesh ndaj politikanëve në të gjithë Evropën.

Muajin e kaluar, në drejtim të kryeministrit të Sllovakisë, Robert Fico, u qëllua disa herë në një tentativë për vrasje. Eurodeputeti socialdemokrat, Matthias Ecke, u rrah gjatë fushatës në Gjermani.

Sipas policisë, një politikan nga partia e ekstremit të djathtë Alternativa për Gjermaninë u godit me thikë këtë javë nga person në Manheim në jugperëndim të vendit.