Nuk kemi të bëjmë me gazetarë!
Në një shkrim "investigativ" gazeta në pronësi të Carlo Bollino, shqiptarja.com, shkruan se përgjimet e SPAK për Veliajn shtrojnë për diskutim origjinën e tyre dhe përdorimin politik. Gazeta bën çështje faktin se këto përgjime përfunduan te portali syri.net, pa vënë në diskutim saktësinë e tyre.
Mbërrijmë pra kështu në një gjendje klinike: gazeta që ka ngritur shikueshmërinë e vet me dosje prokurorie, të cilat i ka nxjerrë përherë ndër vite, kërkon që të hapet hetim për rastin në fjalë.
Ne mund të pyesim z. Bollino këtu: nëse ato përgjime do të të binin në dorë, do i publikoje?!
Nuk ka kush iluzione se çfarë përfaqëson Carlo Bollino, por drita e provës që hedhin këto përgjime - ende të papërgënjeshtruara - vendos vulën mbi hamendësimet dhe interpretimet. Nuk kemi të bëjmë me gazetarë, por me mazhordomë të tellallërisë zyrtare deri në shndërrimin e një mjeti shantazhi. Këtë e kupton kushdo që lexon ato që kanë dalë deri më tani.
Një gazetar nuk do fshihej pas gishtit, minimumi do kërkonte ndjesë. Ose do heshtte. Por nuk kemi të bëjmë me gazetarë, as me gazetari të keqe. Kemi të bëjmë me një skalion pushteti, mercenarë hibridë që veprojnë në "izopoliti" interesash me qeverinë duke deformuar, presuar, ndikuar dhe shkurajuar çdo gjë pozitive në këtë vend.
Si të tillë edhe duhen trajtuar.
s.zaimi
Comments
Karlo ky "gazetar"
Njeriu besoj se duhet te thirret me profesionin qe ushtron aktualisht, me ate qe ha buke, jo me ate qe mund te kete ngrene dikur. Ne kete aspekt termi gazetar i bie pak ngusht karlo bolinos. Mund ti thuash biznesmen se ben biznes me tendera qeveritate, mund ti thuash bos i artit dhe kultures sepse ka ndertuar muzeumin nder me te shtrenjtet ne Shqiperi me leke qeverie dhe strukture qeverie e ka dorezuar produktin me te varfer dhe me keqinformues ne historine evketij vendi. Megjithate vjel cdo dite nga ajo kontrate e grupet gjermane italiane e angleze te turistave e shohin shqiperine nga syri cakerr i karlos, ne saje te kesaj qeverie.
Po mund ti thuash edhe mjeshtri i shitblerjeve te mediave. Shiti nje tv (shiti licensen e shtetit dmth) e beri allishverish me ca media te tjeta.
Po mund ti thuasht edhe mjeshtri i pokerit. Kur ke shume neper duar qe nuk i ke vene me djerse, te tavolina do perfundosh. Here ne avujt e alkolit perzier me tym purosh ne shoqeri te cuditshme, ku shalgjata, ku ndonje koleg, ku ndonje tregtaruc, dhe ti qe e flet italishten me rrjedhshen se te tjeret, sepse linde e u rrite diku nga rrezat e italise se jugut.
Mbase ka dhe te tjera po kaq di une i varfri.
Po qe te kete punuar ndonjehere gazetar ne Shqiperi ky njeri, kete as ky vete bile as mero baze me gjithe malinjitetin e tij nuk e thote.
Pranda ju bej rixha, termin gazetar, sado qe eshte holluar e i kane dale kockat, prape mos e perdorni per keto lloj qeniesh
Add new comment