Politikë

Lulzim Basha i ndodhur në Gjermani për disa takime me grupin parlamentar të CDU-CSU të kancelares Merkel reagoi për vendimin e Komisionit Europian për t’i dhënë Shqipërisë rekomandimin për hapjen e negociatave. Basha thotë në deklaratën e tij se vendimi i Komisionit është  është shprehje e vullnetit politik të BE-së për të mbështetur aspiratën europiane të Shqipërisë dhe se ka vende si Gjermania që janë skeptike për të dhënë në takimin e Këshillit Europian në 28-29 qershor votën pro hapjes së negociatave.

Nuk ka vonuar dhe kryeministri Rama  i ka dhënë merita vetes dhe qeverisë që drejton për rekomandimin e hapjes së negociatave me Bashkimin Europian, duke përmbledhur në një monolog eklektik kontributin që sipas tij ai dhe Partia Socialiste kanë dhënë në këtë drejtim.

Shqipëria mori më në fund rekomandimin pa kushte të Komisionit për hapjen e negociatave të anëtarësimit në Bashkimin Europian, një vendim me rëndësi simbolike për momentin pasi procesi do të duhet të marrë miratimin e vendeve anëtare në mënyrë që Shqipëria të hedhë hapin e radhës. Bonusi politik i shkon qeverisë që tashmë ka një argument më shumë për të thënë se po udhëheq vendin në drejtimin e duhur për aq kohë sa ka plotësuar prioritetet e integrimit.

Ballkani ka bërë mbrapa në gjendjen e demokracisë. Ky është mendimi i Joan Hoey, drejtuesja Rajonale për Europën në Njësinë e Inteligjencës pjesë e grupit që publikon edhe revistën e njohur “The Economist”.

Në një intervistë për “European Western Balkans”, Hoey thotë se se situata demokratike në Ballkan është shqetësuese dhe ajo ka shënuar një rënie me 9% mes viteve 2006-2017 që është më e lartë se rënia në mbarë Europën.

Ballkani nuk zhgënjen sidomos me prodhimin e ngjarjeve politike dhe personazheve që janë produkt i elitës postkomuniste. Shembujt tregojnë për kallëpe të ngjashme sidomos të Shqipërisë me Maqedoninë dhe të një lidershipi që premton gjithshka, por në fund rezultati është ai që duket.

 “Këtë herë nuk janë parakushtet për një takim me kryeministrin grek, Aleksis Tsipras”. Kështu u shpreh  kryeministri i Maqedonisë Zoran Zaev, në një deklaratë për mediat e vendit të tij. 

Pas Adriatik Llallës është radha e deputetit Tom Doshi që të marrë vizën e kuqe nga ShBA. Sot Departamenti Amerikan i Shtetit njofton se Doshit dhe familjes së tij i është ndaluar hyrja në ShBA nën dispozitat e ligjit që ndëshkoj korrupsionin e zyrtarëve të huaj. 
DASh njofton zyrtarisht se referenca ligjore që zbatohet për Doshin është pikërisht ajo që ka të bëjë me përfshirjen në akte domethënëse korrupsioni, për të cilat sekretari i Shtetit ka informacione të besushme. 

Shqiptarët kontrollojnë stabilitetin e tre apo katër shteteve në Ballkan dhe mund të afektojnë klimën e sigurisë më gjerë, por sërish ata po humbasin terren në planin gjeopolitik. Kjo mund të shihet fare qartë në raportet bilaterale me vende të Perëndimit dhe sidomos në mënyrën sesi loja diplomatike kurdiset në shetetet në fjalë jo duke kërkuar bisedimin e drejtpërdrejtë, por duke përdorur të ashtuquajturit liderë shqiptarë si postierë të Brukselit apo Uashingtonit për Rusinë dhe për bashkëqytetarët sllavë.

Ish-kryeministri Sali Berisha ka deklaruar dje gjatë një interviste në ABC News se ambasadorja e BE-së në Tiranë, Romana Vlahutin, i ka kërkuar ish-prokurorit të Përgjithshëm, Adriatik Llalla arrestimin e tij. Berisha ka shtuar se Llalla i ka referuar këtë kërkesë ish-presidentit Bujar Nishani që mesa duket është burimi i informacionit. Ky deklarim pason provokimin ndaj Presidentit të Republikës, i cili përfshihej si figurë e korruptuar në një përmbledhje të raportit të Freedom House publikuar nga Zëri i Amerikës.

Seanca e kësaj të enjte në parlament u shoqërua me tension pas vendimit të PD-LSI për të përshkallëzuar qëndrimet ndaj kryeministrit.

Deputetë të opozitës bllokuan foltoren e kuvendit me kërkesën për lirimin e 11 protestuesve kuksiane që mbahen të arrestuar  si dhe përjashtimin e Edi Ramës nga seanca për fyerje të deputetëve në kuvend. Pas disa ndërprerjesh dhe përjashtimin e tre deputetëve të opozitës, Flamur Noka, Klevis Balliu dhe Ervin Salianji që hodhën miell dhe shishe me ujë ndaj kryeministrit kuvendi mbylli punimet.

Raporti i fundit i Freedom House për Shqipërinë vendos disa pika të rëndësishme për të kuptuar se vendi ynë në sytë e perëndimit, sa i përket politikës dhe demokracisë ka imazh të njollosur keqas.

Presidenti i Republikës është cilësuar si symbol i korrupsionit, zgjedhja e tij si goditje për luftën ndaj korrupsionit. Raporti nuk harron të kujtojë se Ilir Meta është cilësuar nga kryeministri aktual si përfaqësues i çdo gjëje të kalbur, por kjo nuk e pengoi që ai të jepte votat për ta zgjedhur president.