Politikë

Kryeministri Edi Rama ka deklaruar dje në emisionin “Top-Show” se ajo që po ndodh në sistemin e drejtësisë është një revolucion. I pyetur për kolapsin që ka prodhuar vetting në Gjykatën Kushtetuese dhe për bllokimin e punës në Gjykatën e Lartë, Rama tha se kjo është një situatë e përkohshme  por e pashmangshme.

Është një revolucion brutal

tha Rama, sipas të cilit në situatën ku kishte hyrë vendi nuk kishte rrugë tjetër.

Arben Duka publikon sot në gazetën “Dita” një letër për kryeministrin Edi Rama që ka të bëjë me dhunën e ushtruar ndaj disa veteranëve në varrezat e dëshmorëve në datën 5 maj. Sipas Dukës, të vetmet ide që sot ndalohen nga Kushtetuta e Shqipërisë janë ato fashiste që sipas tij mëkohen nga PD-ja.

Sot gazeta “Panorama” ka zbardhur një debat të zhvilluar në mbledhjen e Grupit Parlamentar të Partisë Demokratike mes deputetëve Sali Berisha dhe Myslim Murrizi. Berisha ka kërkuar që deputetët të denoncojnë koncesionet korruptive të qeverisë duke u përqendruar tek ai për monitorimin online të lojërave të fatit që sipas tij kontrollohet nga vëllai i kryeministrit aktual, Olsi Rama dhe djali i ish-kryeministrit, Aleksandër Meksi, Endri Meksi.

Pasi i mbajtën qëndrim njëri – tjetrit për gati një vit, pasi deri para pak javësh askush nuk dinte të thoshte ndonjë gjë me sigur, kryebashkiaku i Tiranës, Erjon Veliaj duket se është miqësuar sërish me kryeministrin Edi Rama. Ky i fundit ka nisur ta begenisë sërish Veliajn, me të cilin pret shirita përurimesh të punëve që ndonëse pasurojnë atë që z. Veliaj e quan Histori të Tiranës, pak thonë për përmirësimin e gjendjes në vend.

Përplasja ka ndodhur mes një grupi veteranësh që kanë shfaqur sërish imazhin e Enver Hoxhës dhe një grupi militant të PD-së.

Sajmir Tahiri dorëzoi mandatin e deputetit. Është një akt dinjitoz tha me këtë rast kryeministri Edi Rama. 
Sajmir është djalë i mirë, tregoi shembull, është model, ia mbajtën këngën të tjerët në media. 

Është paradoksale të shohësh sesi një mazhorancë që entuziazmohet nga ky akt, kur është po kjo mazhorancë që përjetonte dramën e përfshirjes së ministrit të vet të Brendshëm në trafiqe pak muaj më parë. 

Ish-ministri i Brendshëm, Saimir Tahiri ka dorëzuar zyrtarisht mandatin e deputetit përmes një letre drejtuar kryetarit të Kuvendit Gramoz Ruçi. Ai kaë kërkuar nisjen e procedurave për këtë çështje që duket se përdoret nga shumica në pushtet për të çliruar diskutimet me partnerët ndërkombëtarë. 

Adriatik Llallës, ish-prokuror i Përgjithshëm, iu ndalua pak javë më parë hyrja në ShBA. Vendimi u mor nga Departamenti Amerikan i Shtetit dhe pas tij, ambasada amerikane në Tiranë, ambasadori Donald Lu personalisht ishin shumë aktiv në theksimin e këtij akti duke e deklaruar Llallën të korruptuar. Z. Lllalla madje kaloi në hetim penal çka na dëshmon se kundrejt tij ka edhe një llogari personal të Lu dhe të një pjese të politikës në Tiranë. 

Sot ambasadori amerikan Donald Lu ka marrë pjesë në një aktivitet të shoqërisë civile ku ka folur  për çështjen “Tahiri”. Ai ka përmendur  sukseset e dekriminalizimit duke renditur emrat e personave që sipas tij tani janë jashtë jetës publike. Por z. Lu ka “harruar” të përmendë Tom Doshin, deputeti të cilit pak ditëm më parë Departamenti Amerikan i Shtetit i ndaloi hyrjen në ShBA. Më poshtë deklarata e Lu: