Politikë

LSI në emër të Monika Kryemadhit i ofroi publikisht pazar Erion Veliajt për zgjedhjet e ardhshme lokale. Teksa në media qarkullojnë hamëndesimet për një çarje me PD-në, të shoqëruara këto me largime të këshilltarëve të LSI-së, nga selia e partisë së Ilir Metës operohet me një formulë që zoti Veliaj e njeh mirë, dhe që mesa duket tashmë nuk i mbahet më e fshehur as publikut.   Mbështetje në zgjedhje lokale në emër të interesave që do të kënaqin të dyja palët. Dhe nuk është çudi që kjo të konsumohet me një darkë të tipit Pazari i Ri.

E enjtja e kësaj jave ishte një nga ditët që kryeministri nuk u shfaq në media, përveç urimit për ditën e Sulltan Novruzit dhe fotografi nga përmbytjet në Shkodër që sipas tij tregojnë se shteti është në krye të detyrës.

Lodhja e rrugës së kthimit nga Brukseli ku kryeministri deklaroi se Shqipëria e meriton hapjen e negociatave mund të ishte një nga arsyet e mungesës, duke marrë parasysh faktin që zoti Rama nuk e ka praktikë bashkëbisedimin me gazetarët për të dhënë shpjegime mbi takimet në selinë e Bashkimit Europian.

Kanë krijuar jo pak pështjellim raportimet e mediave se presidenti serb Aleksandër Vuçiç,  ka "marrë një ofertë " nga diplomatët në Berlin, Paris, Londër dhe Uashington për të njohur Kosovën në shkëmbim të Asosacionit të Komunave Serbe. B92 thotë se kjo "iu konfirmua Vuçiç" edhe gjatë takimeve të fundit në New York.

Ministrja e Serbisë për integrimet në BE,  Jadranka Joksimoviç nuk e mohoi një gjë të tillë, por tha se më e  rëndësishme është se Presidenti serb Aleksandar Vuçiç në takimet me diplomatët perëndimorë ka demonstruar një politikë të përgjegjshme.

Ambasada ruse në Tiranë ka reaguar sot përmes një njoftimi rreth qëndrimeve të Ministrisë shqiptare për Evropën dhe Punët e Jashtme lidhur me rastin “Skripal”. Një njoftim ku nuk mungon ironia dhe tallja për qëndrimet e ministrisë që e konsideron të mirëqenë faktin se në Britani ka patur një sulm kimik nga Rusia.

Rudi Xhuliani, ish-kryebashkiaku i Nju Jorkut  i ardhur në Shqipëri për konferencën vjetore të muxhahedinëve, me deklaratat e tij duket se do t’i vërë kapak një prej debateve të hapura së fundmi në Tiranë për lidhjet e Partisë Demokratike me Rusinë. I pyetur në emisionin Opinion për politikën e jashtme të Shteteve të Bashkuara të Amerikës dhe vecanërisht raportet me Rusinë, Xhuliani që aktualisht është këshilltar i Presidentit Donald Trump deklaroi se Shqipëria nuk është nën ndikimin rus.

Këtë të mërkurë qarkulloi një letër që ministri i Brendshëm, Fatmir Xhafaj i ka dërguar Prokurorisë për të thirrur si dëshmitarë Sali Berishën dhe Lulzim Bashën nisur nga deklaratat e tyre për 613 kilogramët e kokainës të kapura në Durrës dhe garancitë e supozuara politike që u janë ofruar nga qeveria trafikantëve.

Tani që presidenti shqiptar, Ilir Meta lëshoi autorizimin për nisjen e negociatave për kufirin detar me Greqinë, nënshkrimi i marrveshjes duket të jetë një formalitet. Ka një vetëpërmbajtje si në Athinë ashtu edhe në Tiranë për finalizimin e një pakti, nga i cili duket se dalin të kënaqura të dyja palët.

Pas një bllokimi disa javor dhe dy refuzimeve te njepasnjeshme, Presidenti Meta i dha autorizimin Ministrit te Jashtem, Bushati qe të leshojë plotfuqinë për grupin negociator për ndarjen e kufirit detar me Greqinë duke kërkuar që të respektohet kushtetuta. Nuk është se rezistenca e Metës krijoi ndonjë iluzion se ai nuk do të hapte dritën jeshile për nisjen e negociatave, thjesht Presidenti u mundua t’i japë rëndësi vetes duke na u shpalosur si garant i Kushtetutës, përderisa ia lejonte procedura.

Ambasadori rus në Tiranë, Aleksander Karpushin, i ka dhënë një intervistë Televizionit Publik Shqiptar përmes së cilës ka komentuar zhvillimet më të fundit që prekin vendin e tij. Një pjesë inetresante e intervistës dhënë për emicionin “Java” është ajo për ekzistencën e një lobi apo ndikimi rus në Shqipëri e Ballkan. Sipas Karpushin, kjo prirje për të kërkuar armiq është e rrezikshme:

Është ndalur sot nga policia, kryetari i Bashkisë së Lezhës, Fran Frrokaj. Ai akuzohet për tjetërsim pronash dhe bashkë me të, janë ndaluar me urdhër të gjykatës edhe disa zyrtarë të tjerë. Mes tyre është arrestuar edhe nënkryetari i Bashkisë Enver Hafizaj, kreu i Hipotekës Gjelina Bacaj si dhe dy juristët Eduard Lekaj e Armando Dakaj.

Media të ndryshme kanë publikuar momentet e ndalimit, duke lënë të kuptohet se filmimi i arrestimit është bërë si pasojë e informacionit të lëshuar paraprakisht.