Lajme

Shi Zhengli, virologia 56 vjeçare kineze me doktoraturë në universitetin e Montpellier në Francë, studiuese e njohur sidomos për kërkimet mbi lakuriqët e natës e që tashmë është bërë e famshme në mbarë botën, pretendon se virusi nuk ka dalë nga qyteti i Wuhanit, as nga laboratori, e as nga tregu.

Në mediat sociale koronavirusi i ri cilësohet rëndom si “ Virusi i Wuhanit”, “ Virusi kinez”, apo “ Kung Flu”, kjo e fundit një lojë fjalësh që përzien gripin me artet marciale.

Lulzim Basha po sillet si kryeministër. Lulzim Basha po sillet si lider. Këto komente janë nisur të dëgjohen dhe lexohen shpesh nga njerëz pranë Partisë Demokratike, në përpjekje mesa duket për të sugjestionuar opinionin me idenë se tashmë koha e rotacionit ka ardhur. 
Dhe meqenëse Basha është gënjeshtari perfekt, dështaku më i suksesshëm në këto 7 vjet, atëherë në lojë ka hyrë gjoja strategjia e korrigjimit të imazhit. Basha lider, Basha kryeministër, një tezë që duket se pranohet edhe nga LSI.  

Një studim i zyrës holandeze të statistikave, CBS, konstaton se emigrantët që mbërrijnë në mëtë vend largohen që aty në harkun kohor të 10 viteve. 

Ambasada turke në ShBA njofton se anija Oruc Reis ka nisur kërkimet sizmike në atë që e quan shelfi kontinental i Turqisë. Në një mesazh në tuiter, ambasada deklaron se Turqia po ushtron të drejtat e veta sovrane dhe rikujton se pretendiemt e Greqisë janë maksimaliste dhe të pambështetura në praktikën ndërkombëtare.

Gjashtë viktima në 24 orët e fundit janë shënuar në të dy spitalet COVID si dhe 67 raste të reja të të infektuarëve në Shqipëri. Në të dy spitalet covid janë shtruar 115 pacientë, nga ku 21 në terapi intensive dhe 19 të intubuar. 

Pandemia ka vënë në lëvizje një zinxhir teorish konspirative që herët apo vonë, nëse situata nuk menaxhohet si duhet, do të prodhojë pasoja politike së paku. Shqipëria nuk përjashtohet nga kjo valë globale teksa një kategori njerëzish adoptojnë interpretime të ndryshme në internet për të shpjeguar dyshimet e veta. Sëmundja është reale, atë e prekim dhe shohim te njerëz të afërt që nuk ka sesi të jenë të gjithë pjesë e një loje aktoriale masive. Kush i rekrutoi të gjithë këta xhanëm pa rënë në sy?

Pas testimit serologjik, është vendosur që edhe realizimi i tamponeve të bëhet në spitalet private. Në një intervistë për TvT, shefja e epidemiologjisë në Institutin e Shëndetit Publik, Eugena Tomini, tha se në laboratorët privatë do të kenë mundësinë të bëjnë tamponin vetëm ata që u nevojitet për efekt dokumentacioni, ndërsa qytetarët që kanë shenja klinike janë të detyruar të paraqiten domosdoshmërisht në spitalet shtetërore.

Mos ndiqni modeline  Suedisë!

Kjo është thirrja që 25 mjekë nga Suedia i kanë bërë opinionit publik përmes një letre të botuar në US Today. Sipas mjekëve në fjalë arritja e imunitetit të tufës si filozofi menaxheriale dështoi dhe si dëshmi e kësaj është numri i vdekjeve. 

Ish-këshilltari për sigurinë kombëtare i presidentit Trump, John Bolton, thotë se edhe nëse do të zhvillohej, samiti i parashikuar në Shtëpinë e Bardhë mes përfaqësuesve të lartë të Kosovës dhe Serbisë, nuk do të prodhonte asnjë marrëveshje. Takimi që ishte planifikuar të zhvillohej më 27 qershor në Uashington me ndërmjetësimin e ambasadorit Richard Grenell u anulua për shkak se presidenti i Kosovës u thirr në Hagë vetëm disa ditë para tij. Për Bolton, i intervistuar nga korrespondenti i TvT në Nju Jork, Robert Papa, ky takim nuk do të ishte gjë tjetër veçse një mundësi për fotografi.

Parlamenti ka miratuar sot të ashtuquajturën Marrëveshje të 5 qershorit përmes së cilës kthehen në ligj kërkesat e Partisë Demokratike për Kodin Zgjedhor. 97 vota pro kanë mjaftuar për të përcjellë dhe konfirmuar se negociata e Edi Ramës me opozitën parlamentare ka qenë e suksesshme në kalimin e një reforme të debatuar.