Arkiv-Lajme të përditësuara

Përfaqësuesi Special i Bashkimit Evropian, Samuel Zhbogar thotë se platforma e Serbisë nuk do të ketë kurrfarë ndikimi në procesin e dialogut Kosovë-Serbisë. Në një intervistë për redaksinë serbe të Radio Televizionit të Kosovës, Zhbogra tha se platformë e vetme në bisedime mbetet ajo e Bashkimit Evropian që si bazë ka konkluzionet e ministrave të vendeve të BE-së të dhjetorit të vitit të kaluar. Platforma e Serbisë për Kosovën e miratuar dje nuk ka ndonjë vlerë për Bashkimin Evropian. Madje platforma nuk do të ketë kurrfarë ndikimi as në procesin e dialogut Kosovë-Serbisë.

Ministria e Financave sqaroi se sot kanë vijuar pagesat sipas grafikut normal te te gjitha institucioneve buxhetore, dhe se çdo vonesë e mëtejshme metejshme ka te bejë vetëm me procedurën që kryejnë vetë institucionet buxhetore për disbursimin e pagesave.

Përkundër zhurmës së ngritur nga opozita për pagesat e pagave të punonjësve të administrates shteterore, thuhet në njoftimin e Ministrisë së Financave, ministri ka nxjerre Udhëzimin nr.1, date 03.01.2013, ku ka bere çeljen e plotë të fondeve për të gjitha institucionet.

Ministri i Jashtëm, Edmond Panariti gjatë një intervistë për Deutsche Welle në shqip shprehet se “votimi sa më parë i tri ligjeve do t’i krijonte Shqipërisë, shansin për ta marrë statusin e vendit kandidat në pranverë, pra, para zgjedhjeve të përgjithshme parlamentare.”

Në këtë intervistë, ministri Panariti flet për regjimin e vizave, marrëdhëniet me Greqinë, Kosovën dhe një vizitë të ministrit të Jashtëm gjerman, Guido Westerëelle, e cila sipas Panaritit, do të zhvillohet brenda 3-mujorit të parë të vitit 2013-të.

Kryetari i Partisë Demokratike po zhvillon në ambiente te selisë së saj mbledhjen e kryesisë, në fokus të së cilës do të jetë fushata elektorale e zgjedhjeve të përgjithshme parlamentare të 23 qershorit.

Berisha: do të bëjmë zgjedhje të lira dhe të ndershme

Edhe pse na ndajnë gjashtë muaj nga zgjedhjet, kryeministri Sali Berisha shpalli nisjen e fushatës elektorale për një mandat të tretë.

Berisha tha se slogani i tyre do të jetë “Ne jemi ndryshimi”.

“Përpara do jetë slogani ynë, sepse ai shpreh realitetin që kemi krijuar dhe vizionin që paraqesim.

Ne jemi ndryshimi. Nën këtë moto, shqiptarët do të bashkohen njëlloj si në vitin 1992.

Hetuesit e EULX-it po gjurmojnë edhe përgjegjësinë e autoriteteve doganore në rastin e pasaportave biometrike në Ministrinë e Punëve të Brendshme. Zyrtarët doganorë po hetohen për lëshim në rastin e një kontingjenti të pasaportave të cilat thuhet se nga Ministria e Brendshme janë paraqitur rrejshëm si letër printimi. 

TIRANE-Pas diskutimesh mes anetareve Komisioni Qendror i Zgjedhjeve ka miratuar ne mbledhjen e sotme modelin e proçesverbaleve për administrimin e materialeve zgjedhore që do të përdoren për zgjedhjet e 23 qershorit.

Gjithashtu KQZ-ja ka miratuar edhe modelin e dhomës së fshehtë të votimit, modelin e zarfeve të sigurisë dhe shenjave dalluese që do të përdoren në zgjedhje.

GJIROKASTËR –Policia e Gjirokastrës ka sekuestruar sot një  sasi prej 321 kilogramë lëndë narkotike, e dyshuar si marijuanë, që transportohej nga Lazarati.

Sipas policisë makina tip “Rrange Rover” që kryente transportimin e drogës  ishte i shoqëruar nga dy autovetura të tjera, të cilat kanë shpërthyer postobllokun e policisë në zonën e "Ujit të ftohtë" duke rrezikuar jetën e policëve. 

Ministri i Jashtëm, Dimitris Avramopoulos, në një intervistë për të përdtishmen “Realnews”, ka folur për prioritetet e Greqisë për vitin 2013. Avramopoulos u shpreh se Greqia duhet të stabilizojë dhe të dalë nga kriza ekonomike dhe të marrë pozicionin e faktorit të stabilitetit në Evropën Juglindore, Linjen e Mesdheut dhe Lindjen e Mesme.

“Greqia do të jetë në zemrën e Evropës, në Eurozonë dhe në çdo iniciativë të bashkëpunimit mes vendeve. Mendoj se të gjithë fqinjët tanë duhet ta marrin këtë mesazh”, ka thënë ministri i Jashtëm grek.

Kryetari i Partisë Ligj dhe Drejtësi, Spartak Ngjela, duke folur në emisionin Fakt, tha se Bamir Topi nuk duhet të bashkohet me Edi Ramën. “Pse duhet të vijë majtas, fronti i përbashkët është ideologjik, jo pragmatist. Pse e bën Rama? Mund ta ketë politike, duhet pyetur ai… Topi nuk e ka atë qëllim dhe nuk është mirë që të vijë majtas. Ka programin e vet, ambicien e vet, shtresën e vet në elektorat të përcaktuar dhe do të masë forcat”, tha Ngjela.