Arkiv-Lajme të përditësuara

Rrugët e kryeqytetit janë përgjakur mbrëmjen e të premtes nga një aksident i rëndë automobilistik, si pasojë e të cilit kanë gjetur vdekjen dy persona, ndërsa kanë mbetur të plagosur dy të tjerë.

Ngjarja e rëndë është regjistruar në orët e vona të 11 janarit në ‘Qafë Kashar’, ku dy automjete, njëra tip ‘Benz’ me targë AA 066 CN dhe një ‘Audi’ me targë AA 889 AY janë përfshirë në aksident.

Pas denoncimit në gazetën Shekulli të disa ushtarakëve, emrat e të cilëve u zëvendësuan një ditë para se grupi i misionit të nisej për Afganistan, Ministria e Mbrojtjes ka liruar 9 efektivë të forcave komando mes tyre edhe 4 ushtarët, të cilët u hoqën nga lista e misionit në Afganistan.

Ka qenë vetë gjenerali Zyber Dushku që ka lexuar urdhrat në prani të të gjithë efektivëve të forcave komando dhe shefit të personelit të kësaj force, B.Nuredini, dhe shefit të operacionit, Sh.Shllaku.

TORINO- Rekrutonin vajzat në Shqipëri me premtimin e një pune në Itali dhe më pas i detyronin ato që të prostituonin.

Me këtë akuzë policia e Torinos ka arrestuar 3 shqiptarë, 33, 31 dhe 23 vjeç, ndërsa një tjetër është shpallur në kërkim. Identiteti i tyre nuk bëhet i ditur.

Sipas mediave italiane, vajzat pjesë e këtij mashtrimi ishin shumë, katër prej të cilave janë martuar me shtetas italianë, për të marrë një leje qëndrimi.

Nga kontrollet e policisë është  sekuestruar një apartament, dy makina, disa armë dhe objekte të vjedhura në provincën e Trevisos.

Në një intervistë ekskluzive për DW-në, ambasadorja e Republikës Federale të Gjermanisë në Shqipëri, Carola Müller-Holtkemper thotë se qeveria dhe opozita duhet të mbajnë në vëmendje interesin kombëtar të Shqipërisë.

Zonja Müller-Holtkemper nga viti 2012 Shqipëria ka të bartur një mosrealizim: mosmarrjen e statusit të vendit kandidat për në BE. Ju keni mendimin se ky vlerësim erdhi për shkak të mosvotimit të tre ligjeve nga parlamenti, apo dhe për shkaqe të tjera? Çfarë pritshmërie keni për këtë vit që sapo ka nisur në realizmin e këtij objektivi?

Ngjarja shokuese e dëmtimit, me gjasa të vjedhjes së afreskeve të Onufrit të disa ditëve më parë në Kishën e Shen Premtes në Vlash të Elbasanit ka mbledhur në protestë përpara MTKRS-së përfaqësues të Forumit për Mbrojtjen e Trashëgimisë Kulturore dhe shoqërisë civile.

Ata akuzuan këtë ministri për mbajtjen në heshtje të ngjarjes së shëmtuar dhe mosmarrje të përgjegjësisë për mbrojtjen e objekteve të trashëgimisë kulturore.

Ministri i Financave, Ridvan Bode pranoi se rritja ekonomike në vitin 2012 zbriti në nivelin më të ulët që nga fillimi i krizës, përtej çdo vlerësimi të qeverisë.

“Ekonomia shqiptare për vitin 2012 mendohet të ketë një rritje 2% ose 1.5 për qind, duke shprehur atë që është dëshmuar në vitet e mëparshme, dinamizmin më të mirë krahasuar me ekonomitë e rajonit. Ajo është më e ulët se mesatarja historike, por edhe më e ulët se vitet e krizës”, deklaroi Bode.

Sarandës janë përballur me të shtëna armësh në drejtim të tyre nga trafikantë të drogës gjatë një operacioni të antidrogë në kufi me shtetin helen, raporton Ora News.

Mësohet se narkotikët po transportonin drogë të ngarkuar në disa mushka drejt Greqisë, ndërsa janë gjendur përballë postbllokut të ngritur nga policia në vendin e quajtur “Varrezat e Çifligut”.

Gjykata e Apelit në Tiranë ka vendosur të lërë në fuqi vendimin e Shkallës së Parë për dënimin e kryetarit të Partisë Socialiste të Tiranës, njëkohësisht deputet i kësaj partie, Sajmir Tahiri.

Deputeti socialist ishte paditur nga deputetja e PD-së, Albana Vokshi, pasi e kishte akuzuar për afera korruptive të koncesioneve të naftës.

Për këtë çështje ka reaguar Partia Socialiste, që deklaron se këto vendime nuk do ia mbyllin gojën opozitës.

Babi i vogëlushit 11-vjeçar që humbi jetën pas një ndërhyrjeje kirurgjikale në sy në QSUT i ka kërkuar sot Kryeprokurorit të Përgjithshëm, Adriatik Llalla, hetim ndërkombëtar që të mos kenë të njëjtin fat edhe pacientë të tjerë. 

Babai i Denisit, Fatmir Almadhi, pas vdekjes së djalit të tij, kërkon që të zbardhet vetëm e vërteta, një e vërtetë që sipas tij po vonon, ndërkohë që në një prononcim për mediat, pas takimit me Kryeprokurorin Llalla, i prekur kërkojnë që e vërteta të dalë në shesh, në mënyrë që fatin e vogëlushit të tij mos ta ketë asnjë fëmijë tjetër. 

Drejtuesi i njësisë task-force në prokurorinë e Tiranës, Dritan Rreshka, ka dhënë dorëheqjen nga detyra. Sipas një njoftimi zyrtar, shkak i largimit kanë qenë arsye familjare. Rreshka mbante këtë detyrë që prej 3 marsit të 2010 dhe më herët ka mbajtur detyrën e kreut të Prokurorisë së Durrësit.