Arkiv-Lajme të përditësuara

Fëmijët e policëve të rënë në detyrë do të pranohen në Akademinë e Rendit pa kaluar në procedurat standarde për tu bërë pjesë e shkollës së Policisë.

Lajmi bëhet i ditur nga Ministri i Punëve të Brendshme, Saimir Tahiri gjatë një deklarate për mediat, ku bëri të ditur se Qeveria Shqiptare miratoi të mërkurën, me kërkesë të Ministrisë së Brendshme pranimin e fëmijëve të policëve të rënë në detyrë pa kaluar procedurat normale.

Kuvendi i Kosovës vazhdon seancën plenare ku prite të zgjedhet Avokati i Popullit, një anëtar joekzekutiv i Bordit të Bankës Qendrore të Republikës së Kosovës, si dhe një anëtarë i Komisionit të Pavarur për Media.Po ashtu, gjatë kësaj seance do të shqyrtohet propozimi për emërimin e kryetarit dhe të anëtarëve të Organit Shqyrtues të Prokurimit dhe propozimi për formimin e Komisionit Ad-hoc për përzgjedhjen e një anëtari të Komisionit të Pavarur për Mediave.

Një 25-vjeçar në Mat i ka dhënë fund jetës duke u hedhur në lumë. Policia bën me dije se i riu me inicialet SH. G vuante prej gjashtë muajsh nga depresioni.
Sipas njoftimeve, familjarët e tij bënë të ditur se viktima ka dalë nga shtëpia rreth orës 12:00 të mbrëmjes së djeshme, dhe është gjetur sot rreth orës 06:00 të mëngjesit i mbytur në lumë nga familjarët e tij.
Viktima SH.G është hedhur nga një shkëmb rreth 200 metra larg banesës.

Rreth orës  20.00, në fshatin Zemblek Korçë, automjeti opel me targa AA 643 BS ka aksidentuar me pasojë vdekjen shtetasin  E.B,rreth  74 vjec , banues në  Elbasan.Nga ana e shërbimeve  të policisë është shoqeruar drejtuesi i mjetit , shtetasi Klement Topçiu, rreth 54 vjec, banues ne Korce . Po punohet per te sqaruar shkaqet e aksidentit.

“Qeveria e Republikës së Kosovës do të jetë garantuese e zbatimit të Kontratës së Përgjithshme Kolektive dhe do të sigurojë përmbushjen e të drejtave që ju takojnë punëtorëve”, tha sot kryeministri Hashim Thaçi. Në ceremoninë e nënshkrimit të Kontratës së Përgjithshme Kolektive, ai u shpreh se, jemi mbledhur këtu për të ndërmarrë një hap shumë të rëndësishëm për konsolidimin dhe modernizimin e tregut të punës së Kosovës.

 Tre shtetas italianë janë arrestuar sot në qytetin e Lezhës për gjueti të paligjshme.

Burime nga Policia e këtij qyteti konfirmojnë se në kuadër të operacionit “Laguna” u krye arrestimi i Rodolfo Tardi, Andrea Skarpi dhe Paolo Traski.

Të njejtët burime konfirmojnë se italianën bashkëpunonin me shtetasit shqiptarë, identiteti të cilëve është: Meraldo dhe Pashk Ndoka, Gjek Deda, Ndue Kola dhe Arlind Kolecaj.

Rreth 125 persona do të përfshihen në programin e banesave sociale në qytetin e Durrësit.

Miratimi i kalimit të banesave sociale tek personat e pastrehë është bërë në mbledhjen e Këshillit Bashkia, ku ky program u votua me shumicë votash.

Burime nga bashkia e këtij qyteti konfirmojnë se procedura e shpërndarjes do të behët brenda 15 ditëve, ndërkohë që mësohet se shpërndarja e banesave për kategoritë në nevojë do të bëhet nga Ministria e Turizmit.

Po ashtu, konfirmohet se në programin e strehimit kategoritë që përfshihen janë ata me Aftësi të Kufizuar.

Gjykata Evropiane e Drejtësisë me seli në Strasburg, e ka dënuar Turqinë për trajtimin e saj “çnjerëzor” që ia ka bërë në burg udhëheqësit rebel të kurdve, Abdullah Ocalan.

Gjykata vendosi sot se izolimi i tij për më shumë se një dekadë në një burg të sigurisë së lartë në një ishull në Turqi, i ka shkelur tëdrejtat e tija njerëzore.

Ocalan është mbajtur në burg në ishullin Imrali.

Më 21 mars pritet që të organizohet një protestë kundër qeverisë së Hashim Thaçit.

Lajmi bëhet me dije nga kryetari i lëvizjes “Ik Hashim” Fehim Çela.

“Qeveria e Kosovës duhet të largohet pasi ka sjellë shumë dëme. Kosova është e pakënaqur për ecurinë e bisedimeve me Serbinë. Serbia ende nuk ka kërkuar ndjesë”,- u shpreh Çela.

Kancelarja gjermane Angela Merkel theksoi sot se bashkimi i Krimesë me Rusinë, i konfirmuar sot me një marrëveshje historike, ishte kundër të drejtës ndërkombëtare.

”Jemi absolutisht të bindur se integrimi i Krimesë në Federatën e Rusisë është kundër të drejtës ndërkombëtare”, deklaroi Merkel gjatë një konference shtypi me homologun portugez Pedro Passos Coelho, pikërisht pasi presidenti rus Vladimir Putin nënshkroi një traktat për bashkimin e këtij gadishulli në jug të Ukrainës me Rusinë.