Arkiv-Lajme të përditësuara

Truproja i një lokali nate në Sarandë pas një konflikti verbal është qëlluar tre herë me thikë nga një klient.

24-vjecari, Mariklen Zika, gjatë punës ka debatuar me një klient, i cili pas një debati verbal e ka qëlluar me thikë truprojën dhe është larguar nga vendi i ngjarjes.

 I plagosuri është dërguar me urgjencë në spitalin e qytetit bregdetar, ndërsa autori i ngjarjes është identifikuar nga policia, e cila është vënë në ndjekje të tij.

Ministri i Punëve të Brendshme Saimir Tahiri ka deklaruar sot se Policia e Shtetit është në krye të detyrës si asnjëherë dhe rasti i drogës në Divjakë tregon se "Droga aty ka qenë, por nuk kapej nga policia".

“A1Report!” disponon foton e pilotit Italian Giorgio Riformato me veshjen e pilotit, por që pas arrestimit, uniforma rezuloi të ishte false. Edhe pse zotëron një kompani avionësh në Itali dhe vetëquhej “komandant”, ai nuk kishte leje fluturimi dhe ka qënë i akuzuar për mashtrim në vendin e tij. 

  Ministri Erion Veliaj, ka ftuar të gjitha bizneset që deri në datën 25 maj të aplikojnë për të përfituar nga Fondi i Nxitjes së Punësimit. Gjatë një vizite që Veliaj zhvilloi sot në një kompani tekstilesh në qytetin e Cërrikut, nënvizoi se fondi i punësimit është një mundësi e mirë për të gjitha bizneset e vogla që duan të rriten.

Presidenti Bujar Nishani i ka kërkuar kryeprokurorit Adriatik Llalla, të drejtojë hetimin dhe të angazhohet maksimalisht për të zbuluar “ngjarjen e rëndë të Divjakës”, siç thuhet në njoftimin e dërguar nga Presidenca.

Gjatë ditës së djeshme, Nishani e thirri me urgjëncë Llallën për ta vënë në dijeni rresth kapjes së avionit me drogë në Divjakë, por biseda e tyre nuk u bë publike.

Gjendet i vetëvarur në kasollen e bagëtive nga familjarët V. MALUSHI 62 vjeç, nga fshati Leskovec i rrethit të Përmetit. Ngjarja mendohet të ketë ndodhur rreth orës 20.30 të mbrëmjes.

Menjëherë janë lajmëruar nga të afërmit e viktimës uniformat blu të zonës. Grupi hetimor ka shkuar në vendngjarje dhe ka konstatuar së në trupin e të ndjerit nuk ka asnjë shenjë dhune.

Sipas ekspertëve shkaku paraprak dyshohet të jetë një depresion i çastit.

Ka nisur nga Jugu i vendit sezoni turistik i verës. Qyteti i Sarandës u gjallërua këtë fundjavë nga veprimtaritë argëtuese, ku qytetarë, drejtues të pushtetit lokal, miq e të ftuar, uruan në ditën e parë të çeljes së sezonit turistik në qytetin jugor për një sezon të mbarë. Ministrja Eglantina Gjermeni, e cila gjendet në Sarandë këtë fundjavë për çeljen e sezonit turistik, zhvilloi takime me Kryetarin e Bashkisë së Sarandës, Stefan Çipa dhe deputeten e zonës, Luiza Xhuvani, ku diskutoi për bashkërendimin e punës në ditët në vazhdim.

Një person është vrarë dhe një tjetër është plagosur në fshatin Zus të Shkodrës, rreth orës 2:00 në të gdhirë në lokalin "Enigma".

I vrari, 22 vjeç, quhet Indrit Hylli kurse i plagosuri, Jetmir Molla. Të dy viktimat kanë qënë në lokal kur mbi ta është qëlluar me pistoletë. Molla është jashtë rrezikut për jetën, pasi është plagosur vetëm në këmbë.

Shmangia e dhunës tek të rinjtë ka mbledhur në një tryezë të përbashkët në Lezhë, përfaqësuesit e policisë, arsimit, medias dhe nxënësit, tryezë ku është diskutuar mënyra e minimizimit të këtij fenomeni.
 
Në këtë takim, i cili është zhvilluar në një formë bashkëbisedimi janë prezantuar probleme dhe zgjidhje të cilat janë afruar më së shumti nga vetë nxënësit e shkollave të Lezhës.
 
Mendimi i tyre lidhet ngushtë me nevojën e ndërgjëgjsimit për të shmangur dhe eleminuar dhunën.
 

Deputeti i Partisë Socialiste Erion Braçe ka përgëzuar operacionin e kryer nga policia dhe gjithë forcat që morën pjesë në të, duke goditur kështu, sipas tij, trafikun e drogës. Në një konferencë për shtyp nga Selia e PS, Braçe tha se qeveria Rama mbetet e angazhuar në luftën ndaj trafikut të drogës, korrupsionit dhe krimit të organizuar, “ndryshe nga sa ndodhte në qeverisjen e Berishës në 8 vite”. Deputeti i PS, tha se në operacionin e realizuar sot, forcat e policisë kapën “lumin e drogës që vjen nga plantacioni i Berishës.