Arkiv-Lajme të përditësuara

Tre personat që u kapen në Kukës nga Renea për pengmarrjen e shtetasit kosovar Flamur Curri, janë dërguar në gjyq për akuzën e “Mbajtjes peng të personit më shumë se një herë”, dhe “mbajtjes pa leje të armëve luftarake”.
 
Të akuzuar janë Ardjan Muja, Lumir Gashi dhe Shkëlzen Duraku.
 
Pengmarrja është bërë me qëllim dorëzimin e 6 mijë eurove. 

Deputeti i LSI-së Spartak Braho ka kërkuar sot nisjen e procedurave për shkarkimin e Presidentit Bujari Nishani. Kërkesa e beftë është bërë në Komisionin e Ligjeve që është mbledhur sot pasdite në Kryesinë e Kuvendit për shqyrtimin e dekretit të Nishanit që propozon gjykatësin Alaudin Malaj në Gjykatën e Lartë. 

Malaj nuk u votua nga mazhoranca, dekreti i Presidentit u hodh poshtë, pasi ky u fundit u gjykua se kishte bërë përzgjedhje selektive.

Ministria e Brendshme ka planifikuar një sërë masash që kanë në fokus luftën ndaj trafikut të drogës. Këtë e ka bërë të ditur sot ministri Saimir Tahiri, duke theksuar se do të ketë masa ndëshkuese për ata që mbjellin bimë narkotike. Sipas ministrit Tahiri një nga këto masa do të jetë edhe heqja e titullit të pronësisë mbi tokën që mbillet me kanabis.
 

Ndërprerja e lidhjeve të paligjshme në tubacionin e vjetër që kalon në zonën e Rrashbullit ka qenë në qendër të aksioneve të ujësjellësit të Durrësit.
 
Lidhjet e realizuara nga banorët e zonës në këtë tubacion kanë shkaktuar humbje të konsiderueshme në rrjet, ndërsa duke u nisur nga kjo, dega teknike dhe inspektorati i ujësjellësit kanë ndërmarrë aksionin për bllokimin e këtyre lidhjeve.
 

Ministri i Brendshëm Saimir Tahiri ka zhvilluar një takim me një grup gazetarësh nga vendet anëtare të BE. Mësohet se ky takim është realizuar për t’u njohur me ecurinë e reformave.
 
Pikë tjetër ku ky takim fokusuar janë edhe për masat e marra nga ana e policisë për sigurinë kryesisht në kufi.
 
I pranishëm në takim ka qenë edhe Drejtori i Përgjithshëm i Policisë së Shtetit  
 
 
Takimi mes ministrit Tahiri, Artan Didit me  gazetarët e huaj është duke u zhvilluar në Drejtorinë e Përgjithshme të Policisë
 

 Dosje të qytetarëve që nuk janë shqyrtuar dhe as nuk janë ruajtur në zyrat e arkivit të ALUIZNI-t, fatura të prapambetura të energjisë elektrike edhe një borxh që kap vlërën e 150 milionë lëkësh të vjetra.

Këto janë disa nga shkeljet që kontrolli i auditit të brëndshëm ka konstatuar në drejtorinë e ALUIZNI-t në Fier, ndërsa kreu aktual i këtij institucioni, Ervin Bushi, teksa thekson se këto abuzime janë kryer nga paraardhësit e tij, bën një rezyme më të të plotë të shkeljeve të konstatuara.

Një alarm fals për bombë ka ngjallur ankth për banorët në zonën e ish-ekspozitës në kryeqytet mëngjesin e sotëm.
 
Mësohet se një qytetar kishte konstatuar një send të dyshimtë pranë ish-ekspozitës duke lajmëruar policinë.
 
Menjëherë forcat e policisë kanë mbërritur në vendngjarje dhe kanë nisur kontrollin e sendit të dyshimtë.
 
Sipas policisë pas verifikimeve të bëra ka rezultuar se nuk kishte asnjë lëndë plasëse duke i dhënë fund edhe ankthit të banorëve. 

Gjithçka ndodhi brenda 5 orësh, deri në momentin kur ministri i Brendshëm, Sajmir Tahiri me anë të një konference për median, bëri të ditur se, avioni i ulur në Divjakë do të ngarkohej me drogë për t’u transportuar në Itali. Italiani 68-vjeçari, Giorgio Riformato pasi kishte marrë leje që në datën 5 maj 2014, lejen numër 193, kishte mbërritur në Tiranë nga Korfuzi i Greqisë në datën 8 maj. Pasi ishte ulur në Rinas, piloti i moshuar kishte zënë një dhomë hoteli as më pak e as më shumë, por në derën e Prokurorisë së Përgjithshme.

Mungesa e trajnimit financiar nga ana bashkisë kanë bërë që disa ekipe të disiplinave të ndryshme të 'Sport Klub Besëlidhjes' në qytetin e Lezhës të dalin protestë.

Policia e Korçës ka nisur procedim penal në gjendje të lirë për mjekun Sh.I, 46 vjeç, pasi dyshohet se ka marrë lekë për lindjen e foshnjës që ndërroi jetë 2 orë më pas në spital.
 
Procedimi ndaj tij u nis pas kallëzimit nga L.Demolli, 56 vjeçe, banuese në Ersekë, e cila deklaron se për lindjen e nipit të saj më datë 10 maj me veprimet e tij dyshohet se e ka detyruar për t’i dhënë 30.000 lekë atij dhe stafit që ka marrë pjesë në lindjen e fëmijës.