serbia

Aleksandër Vuçiç ka hedhur poshtë zërat se ai do të garojë për president të Serbisë vitin që vjen. Në një intervistë për gazetën kroate, “Globus”, Vuçiç ka theksuar se ende nuk ka një emër për president nga partia e tij. Por qysh tani kryeministri serb ka deklaruar se nëse kanditati I partisë së tij SNS, humbet garën presidenciale, ai do të japë dorëheqjen si kryeministër.

Ministri i Energjetikës Damian Gjiknuri ka deklaruar sot se Serbia po bllokon, "për arsye politike" funksionimin e linjës së interkonjeksionit mes Shqipërisë dhe Kosovës.

"Fatkeqësisht, për arsye politike kjo linjë akoma nuk është vënë në funksionim me gjithë lobimin tonë dhe përpjekjet tona. Unë mund të përfitoj nga rasti dhe jam i sigurtë se kryeministri Rama do ta bëjë të njëjtën gjë në Berlin kur të takojë kancelaren Merkel, që na duhet që ky proces të përfundojë siç duhet dhe kjo linjë të jetë funksionale”, tha Gjiknuri.

Serbia mbetet e angazhuar për neutralitetin ushtarak të përhershëm. Kështu është shprehur ministri i Punës dhe Çështjeve të Veteranëve, Aleksandër Vulin gjatë një fjalimi mbajtur me rastin e Armëpushimit të Luftës së Parë Botërore.

“Nëse ne nuk mundet të vendosim për luftërat tona, Serbia dëshiron që, tani dhe në të ardhmen, të vendosë për mënyrën sesi do të zhvillohet dhe të jetojë dhe për këtë arsye politika e neutralitetit ushtarak është angazhimi ynë permanent”, tha Vulin.

Daniel Serwer dhe Siniša Vuković, profesorë të menaxhimit të konfliketeve në Shkollën e Studimeve të Avancuara “Johns Hopkins” i kushtojnë një analizë të shkurtër situatës në Ballkan dhe perspektivës së rajonit me presidencën Trump. Shkrimi mban datën 8 nëntor, pra ditën e zgjedhjeve amerikanë dhe si mesazh kryesor ka domosdoshmërinë që SHBA të qëndrojë në këtë rajon.

Disa media ruse dhe serbe po shkruajnë këto ditë për atë që agjencia “B92” e quan si skandalin më të madh në raportet mes Moskës dhe Beogradit që pas Luftës së Ftohtë. Skandali merr shkas nga një vizitë të raportuar të kreut të Këshillit të Sigurisë të Rusisë, Nikolai Patrushev në Beograd, që po lidhet me largimin e disa qytetarëve rusë nga Serbia. Lajmi është dhënë nga gazeta serbe “Danas” që publikoi një raport, sipas të cilit, disa qytetarë rusë u deportuan nga vendi për përfshirje në planet me natyrë terroriste në Malin e Zi.

Mufkat e Edi Ramës në Beograd po grimohen përditë nga grimierë vullnetarë, të cilët flasin për komb e për atdhe, por në mendje kanë llogari dhe interesa personale.

Duhet theksuar se kjo përplasje e të dy krahëve evidentoi se media dhe politika në Kosovë flasin përmes një doze më të lartë realizimi, përkundrejt “emocioneve” që emetohen në mënyrë të shtirur nga Tirana.
Absurdi arrin kulmin me një ish-kryeministër si Pandeli Majko që në një intevistë për “Kosova Press” ka lëshuar një nga ato bubullimat e veta për të cilat është i njohur dhe qeshet në mënyrë konstante.

Edi Ramën po e marrin në mbrojtje për deklaratat e tij në Beograd; dikush flet për komplekse nga Kosova, dikush tjetër për keqkuptim, një tjetër flet për nënën e për babën, ka ndonjë që kujton cicat e Cecës, ndonjë akademik flet me paradigma të feudalizmit, nuk mungon ndonjë sulm për budallallëkun e ministrit Hoxhaj. Radha i ka ardhur edhe ish – presidentit Alfred Moisiu. Në një intervistë për Kosova Press, Moisiu “arsyeton” sesa punë të mirë ka bërë kryeministri i Shqipërisë në Beograd:

Janë disa forma se si ne duhet të njihemi me mirë me njëri tjetrin. Njëra prej tyre padyshim qenka edhe kjo e ditëve të fundit. Kjo nuk është e vetmja mënyrë, e as më e mira, por është njëra prej tyre. Pak brutale, por efikase.

​Pra pak ditësh, në disa gazeta, u botua një letër e Gjergj Fishtës, e zbuluar prej Nasho Jorgaqit, të cilën Fishta ia dërgonte një miku të tij, një oficeri fashist, këtu e më se 75 vjet më parë. Mjaftoi kjo letër që Fishta menjëherë të quhej fashist dhe të anatemohej nga komunistët ashtu siç dinë ata, kur i vënë tjetrit epitetin fashist, ndonëse Fishta nuk ka qenë asnjëherë as fashist me bindje dhe as fashist i organizuar se, po të kishte qenë, do të kishte bërë, së paku, një poemë a një vjershë për Beniton a fashizmin, ashtu siç bënë poetët tanë komunistë për Enverin dhe Partinë. Por jo.

Vendimi i qeverisë dhe parlamentit të Kosovës për të kaluar një ligj për pronësinë mbi Trepçën, ka provokuar tensione në Beograd. Dy drejtuesit kryesorë politikë, presidenti Tomislav Nikoliç dhe kryeministri Aleksandër Vuçiç, kanë deklaruar se në këtë nismë shqiptarët nuk janë vetëm, por kanë mbështetje.

“Kushdo që mendon se unë jam shumë budalla e ka gabim. Unë kaq gjë e kuptoj. Shqiptarët, edhe nëse nuk kanë patur ndihmë për këtë, diskush i ka lejuar ta bëjnë këtë gjë”, tha Vuçiç.