Franca

Ashtu siç pritej, ekstremi i djathtë ka siguruar shumicën në raundin e parë të zgjedhjeve në Francë.

Sipas institutit Eleba, partia e Marine Le Pen mund të marrë mes 255 dhe 295 vendeve. Kuorumi është 289 vende. Kjo do të thotë se objektivi mund të tejkalohet ose nuk do të arrihet për një pjesë të vogël të zonave zgjedhore. 35-45 vendet që sondazhi parashikon për republikanët mund të jenë vendimtare.

Franca ndodhet në një udhëkryq të rrezikshëm. Humbja në zgjedhjet europiane solli një veprim radikal thuajse të Macron që shpalli zgjedhjet e reja, të cilat sipas sondazheve i japin sërish fitore të djathtëve të Marie Le Pen dhe Jordan Bardellas. Por nuk është vetëm ky problemi.

Komisioni Europian u tërhoqi vëmendjen sot Francës dhe gjashtë vendeve të tjera të BE-së (Belgjika, Italia, Hungaria, Malta, Polonia, Sllovakia) për shpenzimet, duke u sugjeruar që të ndërmarrin veprime korrigjuese pasi u zbulua se shkelin kufijtë e deficitit dhe borxhit të vendosur sipas rregullave fiskale të bllokut.

Franca ka qenë gjithmonë shumë e madhe, shumë e fuqishme dhe – më e rëndësishmja nga të gjitha –pjesë e strukturës komode të BE-së, për t'u gjobitur për mëkatet e saj financiare. Por kësaj epoke mund t’i ketë ardhur fundi.

Komisioni Evropian do të njoftojë të mërkurën cilat janë qeveritë që kanë shkelur rregullat e buxhetit dhe Franca mund të jetë mes tyre. Kreu i lartë i BE-së është nën presion nga i gjithë blloku për të penalizuar më në fund “nxënësin e keq” që ka dëmtuar buxhetin e BE-së.

Presidenti francez, Emmanuel Macron, nuk do të tërhiqet nga mandati, pavarësisht rezultatit të zgjedhjeve parlamentare që do të mbahen brenda këtij muaji.

Macron njoftoi shpërndarjen e parlamentit francez të dielën në mbrëmje, pas fitores së partisë së rivales Marine Le Pen, në zgjedhjet europiane.

Fitorja e thellë Bashkimit Kombëtar, partia e ekstremit të djathtë në Francë, e ka vënë nën presion administratën e Macron. Por Macron nuk ka ndërmend të largohet.

Franca nuk e ka ftuar Rusinë në eventin që përkujton zbarkimin e forcave aleate në Normandi, një operacion që do të shënonte kthesën finale të Luftës së Dytë Botërore.

6 qershori shënon 80-vjetorin e Operacionit Overlord, i njohur ndryshe si Dita D, por autoritetet franceze duket se këtë vit do të përjashtojnë nga ky aktivitet përfaqësuesit e Rusisë.

Lajmin e bën të ditur Reuters, duke iu referuar Presidencës Franceze. 

Ministria e Jashtme franceze njoftoi se e mbështet Gjykatën Ndërkombëtare Penale (ICC) në “luftën kundër pandëshkueshmërisë”. Reagimi erdhi menjëherë pasi prokurorët e kësaj gjykate kërkuan lëshimin e një mandati arresti për kryeministrin izraelit, Benjamin Netanjahu, dhe individë të tjerë, me dyshimin se kanë kryer krime lufte.

Prokurori i ICC, Karim Khan, ka kërkuar që në emër të Netanjahut, ministrit të tij të mbrojtjes, Yoav Gallant, dhe tre liderëve të Hamasit të lëshohet mandat arresti.

Ministri rus i Mbrojtjes paralajmëroi homologun e tij francez kundër vendosjes së trupave në Ukrainë. Siç raporton AP, në një telefonatë të rrallë, Sergei Shoigu i tha ministrit francez të mbrojtjes Sébastien Lecornu se nëse Parisi konkretizon deklaratat e tij për mundësinë e dërgimit të një kontigjenti ushtarak francez në Ukrainë, "kjo do të krijojë probleme për vetë Francën".

Presidenti francez, Emmanuel Macron, la të kuptohej dy muaj më parë se mundësia e dërgimit të trupave perëndimore në Ukrainë nuk mund të përjashtohej.

Rregullatorët francezë kanë gjobitur Google me 250 milionë euro për shkeljen e detyrimit për të paguar kompanitë mediatike për riprodhimin e përmbajtjes së tyre dhe për vënien e kësaj përmbajtjeje në funksion të inteligjencës artificiale pa i vënë ato në dijeni.

Në vitin 2022, Google mori angazhimin për të negociuar në mënyrë të drejtë me organizatat franceze të lajmeve, një vit pasi Autoriteti i Konkurrencës goditi gjigantin e teknologjisë amerikane me një gjobë prej 500 milionë eurosh për mosmarrëveshjen afatgjatë.

Presidenti rus, Vladimir Putin, paralajmëroi Perëndimin për rrezikun e luftës bërthamore në rast se trupa të tij dërgohen për të luftuar në Ukrainë.

Në një fjalim drejtuar Parlamentit dhe elitës ruse, Putin tha se liderët e Perëndimit nuk po e kuptojnë mirë se sa e rrezikshme mund të jetë ndërhyrja e tyre në ato që ai i cilësoi si punët e brendshme të Rusisë.