Shkenca

Kërcënimet nga goditjet katastrofike të Tokës nga asteroidët janë reale. Këshilltari kryesor për shkencën i Presidentit të SHBA-së, John Holdren, deklaroi gjatë një diskutimi në Qendrën e Fluturimeve Hapësinore Goddard të NASA-s, se “ne nuk jemi plotësisht të përgatitur, por jemi në drejtimin e duhur për të arritur aty ku duam”. Sipas Holdren dy shembuj goditjesh janë një provë për ekspozimin e planeti dhe për rrjedhojë njerëzimit ndaj këti rreziku: shpërthimi i Tunguskas në vitin 1908 dhe shpërthimi i vitit 2013 në Chelyabinsk. Të dyja në Rusi.

KIC 8462852, ky është emri i yllit që bëri lajm vitin e kaluar. Vëzhguesit shohin prej tij pulsime të çregullta dhe një reduktim në ndriçim prej 20% në një shekull, diçka që nuk gjen ende shpjegim për shkakun. Të gjitha teoritë e hedhura, si një planet që pengon dritën, një re gjigande pluhuri, një përqendrim kometash, apo edhe një megastrukturë aliene, nuk kënaqin të gjitha dilemat.

Elon Musk po bën thirrje për ndihmën e gjithkujt për të shpjeguar dhe hetuar shkakun e shpërthimit të raketës Falcon 9 që shpërtheu më 1 shtator gjatë një testi. Miliarderi që është një nga financuesit më të mëdhenj të projekteve për të ardhmen, shkruajti një status në Twiter përmes të cilit kërkoi ndihmë:

“Nëse keni audio, foto apo video të anomalisë sonë të javës së shkuar, ju lutem dërgojini te report@spacex.com. Materiali mund të jetë i dobishëm për hetimin”, shkruan Musk.

Planeti xhuxh, apo asteroidi që ndodhet në sistemin tonë diellor, Ceres, duket se ka qenë gjeologjikisht aktiv deri vonë. Para disa kohësh u vunë re disa forma të ngritura në reliev që nuk dihet se çfarë ishin. Sot shkencëtarët në NASA mendojnë se ato janë pasojë e krio-vullkaneve, apo vullknaeve akullnajorë. Këta krijohen nga shpërthimi i elementëve të tillë si uji, amoniaku apo metani, të cilë ngrijnë sapo bien në kontakt me temperatura të ulëta për të krijuar profile gjeologjike në sipërfaqe.

Përmasa e trurit lidhet me inteligjencën e species njerëzore. Ky është një konstatim që konsiderohet si tregues i evolucionit të species tonë.
Por një studim i bërë së fundmi nga kërkues të universitetit të Adelajdes ka hedhur dritë mbi këtë dinamikë duke kuptuar kompleksitetin e saj.

Një ekip astronomësh nga universiteti i Yale ka zbuluar një klasë të re galaktikash të përbëra thuajse plotësisht nga Materia e Errët. Dragonfly 44 ndodhet në konstelacionin Coma dhe ka përmasën e Rrugës së Qumështit.

“Shumë shpejt pas zbulimit ne kuptuam se kjo galaktikë duhet të ishte diçka më shumë sesa ajo që dukej.  Ka aq pak yje saqë do të duhej të shpërbëhej vetëm nëse diçka e mbante”, thotë astronomi Pieter Dokkum.

Astronomët europianë kanë zbuluar së fundmi një planet të ngjashëm me Tokën i cili orbiton ndaj Proksima Centaurit, yllit më të afërt me sistemin tonë diellor, diçka më shumë se 4 vjet dritë larg. Proksima Centauri është një xhuxh i kuq dhe emeton nxehtësi dhe ndriçim shumë herë më pak sesa Dielli ynë, por sipas astronomëve drita e tij ndoshta mjafton për të mbështetur jetën në planetin e sapozbuluar. Gjithsesi nëse ka apo jetë në këtë planet ende nuk e di kush.

Kina ka lëshuar në hapësirë të parin satelit kuantik(quantum satellite), apo që përdor komunikime përmes kompjuterëve kauntikë.
Sateliti u lëshua të martën nga baza e lëshimit në Jiuquan në shkretëtirën e Gobit dhe shpresohet që të realizojë komunikime të cilat nuk thyhen apo hakerohen me metoda klasike.
Është pra një hap më tej në sigurinë e komunikimeve, thyerja e të cilave krijon kosto gjithfarëshe në një sektor që sa vjen e zë më shumë vend në ekonomi dhe në ushtri.

1 500 vjet larg nga Toka, i vëzhguar nga sonda “Kepler”. KIC 8462852 është një yll i cili prej gati një viti po lë pa shpjegime shteruese shkencëtarët.

Gjeologët raportohet të kenë rënë në gjurmë të provave të përmbytjes së madhe në Lumin e Verdhë në Kinë, 4 000 vjet më parë. Kjo ngjarje kataklizmike solli lindjen e dinastisë Xia dhe të qytetërimit kinez, ndaj evidenca për të ka rëndësi për historinë e qytetërimit në tërësi. Sipas të dhënave të publikuara në revistën “Science”, përmbytja datohet në vitin 1920 p.e.s., disa shekuj më vonë sesa rrëfen tradita, çka e çon lindjen dhe sunimin e dinastisë në fjalë, në një kohë tjetër historike.