Politikë

Kuvendi nuk ka parashikuar në kalendarin trejavor të punimeve mbajtjen e seancës plenare këtë të enjte. Kjo u ka dhënë mundësi dy grupimeve kryesore politike në vend, që të tentojnë edhe për një javë tjetër gjetjen e një zgjidhjeje lidhur me pikën që ka bllokuar finalizimin e këtij procesi të gjatë dhe që ka të bëjë pikërisht me vendet e rezervuara në 4 nga institucionet e reja që krijohen në piramidën e sistemit të drejtësisë.

Në deklaratën e dy ditëve më parë teksa përshëndeti miratimin e draftit të reformës në drejtësi, ambasada amerikane nxiste dialogun mes pozitës dhe opozitës për gjetjen e dakordësisë edhe për pikën e mbetur pezull të vetingut. Por kjo thirrje duket të jetë përfshirë formalisht në tekstin e deklaratës, pasi SHBA ka ndërprerë komunikimin me selinë e Partisë Demokratike dhe e gjithë shpresa është në ndërgjegjësimin e deputetëve të veçantë brenda opozitës për votimin e reformës në drejtësi, duke qenë se mazhoranca e vetme nuk i bën 94 vota.

Elvis Rroshi i ndodhur në gjendje arresti pas akuzave për falsifikim të formularit të dekriminalizimit do të tentojë një rrugë të tërthortë për t’i shpëtuar dënimit nga gjykata dhe kapitullimit politik. Ai ka angazhuar  avokatin dhe politikianin e njohur italian Francesco Paolo Sisto në një betejë ligjore që do shkon përtej vlerësimit për ligjshmërinë e arrestimit të kryebashkiakut të Kavajës. Ekspertiza juridike e avokatit italian do të godasë pikërisht kushtetueshmërinë e ligjit të dekriminalizimit që u mohon personave me dëshmi të pastër penaliteti të ushtrojnë funsione publike.

Shqipëria po merr pjesë në Ministerialin e Brukselit, ku ministrat e Mbrojtjes të vendeve të NATO-s po diskutojnë “mbi projektimin e stabilitetit përtej kufijve të NATO-s”. Ministrja e Mbrojtjes së Shqipërisë, Mimi Kodheli ka premtuar se vendi ynë do të dyfishojë numrin e trupave shqiptare që marrin pjesë në misionin e NATO-s në Afganistan “Resolute Support”. Po kështu ministrja ka përsëritur gatishmërinë e Shqipërisë për të marrë pjesë në operacionet në Egje me mjetet detare të vendit tonë.  

Ardian Çipa, zv/drejtori i Përgjithshëm të Policisë së Shtetit për seksionin e Krimeve të Rënda, kërcënon prokurorët. Kështu pretendon ish-kryeministri Sali Berisha, i cili gjatë një bashkëbisedimi me gazetarët ka kërkuar nga Prokuroria që të nisë hetimet ndaj Çipës. “I bëj thirrje Prokurorisë të nisë menjëhërë hetimet kundër Ardian Çipës, një mercenar i ndyrë që kërcënon njëlloj si Shullazi, prokurorë të këtij vendi. Çështja tjetër e dënueshme ëshë ajo e një mercenari ndaj të cilit ligji duhet të veprojë me urgjencë: Ardian Çipa.

Kryetari i Partisë Demokratike, Lulzim Basha ka ripërsëritur sot kërkesat për draftin e reformës në drejtësi, pas takimit me ministrin e Jashtëm, Steinmeier. Duke iu përmbajtur opsionit të Venecias, Basha tha se qëndrimi i mazhorancës nuk është koherent. “Vende të rezervuara tha që nuk jap por përfaqësimin proporcional për dy organet është gati ta japë. Hajde tani ta intepretojmë këtë. A nuk tha të njëjtën gjë dje?! A nuk është ky një pranim i pjesshëm i rekomandimit 88-të?! Këtë thotë ky rekomandim që ky thotë që nuk e kam lexuar megjithëse ia kam lexuar ditën e hënë, javën e kaluar.

Ambasada Amerikane ka dalë me një deklaratë gjatë orëve të pasdites lidhur me draftin e votuar në Komisionin e Posaçëm të reformës në drejtësi. Selia diplomatike e SHBA-së bën një tjetër lëvizje pa doreza, duke kërkuar që drafti të shkojë për votim në parlament, ndonëse ka nxitur palët të avancojnë dialogun për pikën ku nuk bien dakord.

Deklarata e plotë

Mazhoranca ka hedhur një hap në miratimin e reformës në drejtëis. Komisioni i Posaçëm ka miratuar  nen për nen draftin, por vetëm me votat e shumicës. “Komisioni e ka miratuar draftin pa përfshirë pikat për të cilat nuk ka rënë dakord me opozitën, për vendet e rezervuara. Deputetët e djathtë janë larguar nga mbledhja pas debateve mbi pikën 88”, raporton Top-Channel. Pikat në fjalë nuk janë dakordësuar, ndërkohë që për pikat e tjera parimisht PD-ja ka dhënë miratimin. 

Mosarritja e dakordësisë për reformën në drejtësi ka alarmuar Berlinin që nisi me ngut në Tiranë, ministrin e Jashtëm, Frank Walter Steinmeier. Në konferencën për shtyp me ministrin Bushati shefi i diplomacisë gjermane konfirmoi interesin direkt të Gjermanisë për afrimin e Shqipërisë me Bashkimin Europian.

Kryeministri duket se po zihet edhe njëherë ngushtë lidhur me qëndrimin që do mbajë partia e tij për reformën në drejtësi. Kjo pasi Lulzim Basha ka theksuar edhe një herë tjetër kushtin e vetëm që ka opozita lidhur me reformën në drejtësi.
“Grupi i PD ka vendim unanim, mbështetje draftit me një kusht, rekomandimi 88 i Komisionit të Venecias. Zbatimin e rekomandimit 88 të Venecias. Adoptim të plotë jo të pjesshëm…”, që sipas Bashës është edhe zotimi i Ramës në Bruklsel dhe Uashington.