Lajme

“Putini ka të drejtë. Ai i ka lexuar ashtu siç duhet Iranin, Indinë dhe Sirinë”. Kështu shkruan në britaniken “The Guardian” Simon Jenkins, sipas të cilit koha ka ardhur që Perëndimi të adresojë krizat mbi premisa të realizmit dhe pragmatizmit, për të hequr dorë nga qasja dogmatike dhe kushtëzimi i tyre nga kërkesat e politikës së brendshme. Më e dukshme kjo është bërë në krizën siriane, ku presidenti Bashar al Assad është tani pjesë e zgjidhjes dhe jo aq e problemit.

Kompania japoneze “Hitachi” ka bërë të ditur zbulimin e një mënyre për të ruajtur informacionin dixhital, thuajse përgjithnjë dhe pa u degraduar. Materiali konservues është xham kuarci, i cili mund të durojë temperatura ekstreme. "Mundësia e humbjes së informacionit është rritur dhe jeta e cd-ve dhe hard drive mund të zgjasë disa dekada, e shumta një shekull”, shprehet Kazuyoshi Torii, kërkues në kompaninë “Hitachi”. Teknologjia e re konsiston në krijimin e njollave-nyjeve brenda një flete xhami kuarci që mund të lexohet me një mikroskop të zakonshëm.

Fondi Monetar Ndërkombëtar po monitoron nga shumë afër ecurinë e ekonomisë shqiptare dhe performacën e qeverisë në përputhje me angazhimet që ajo ka marrë sipas  marrëveshjes së nënshkruar me FMN.

Në prag të takimit të radhës mes dy palëve, përfaqësues i përhershëm i FMN-së në Shqipëri Jens Reinke në një intervistë të posaçme për Monitor ka zbuluar edhe kërkesat që do t’I parashtrohen palës shqiptare, ku më kryesorja është rikthimin në skemën e TVSH-së i kategorive të përjashtuara siç janë makineritë dhe paisjet.

Një denoncim në News24 dhe Avokati i Popullit ka hapur hetimet. Bëhet fjalë për mungesën e trinitrinës, që shërben për kurimin e të sëmurëve me zemër, që mungon edhe në QSUT. Tashmë është normale, janë praktikat tenderuese ato që e lënë spitalin si han duke detyruar njerëzit pastaj të blejnë vetë ilaçet.

Ministria e Bujqësisë nuk do të tolerojë më shitjen e prodhimeve bujqësore në tezgat e lagjeve apo që fermeret ta shesin vetë mallin e tyre në tregje. Çdo prodhim përpara se të dalë në treg do të kalojë nga pikat e shumicës për t’u pajisur me çertifikatën e mallit të origjinës dhe faturën përkatëse. Sipas udhësizmit fermerët do ta bëjnë këtë gjë vetëm pasi të  kenë vetëdeklaruar produktet  dhe  të  jenë pajisur me një kod që merret pranë Drejtorive Rajonale Tatimore, ose në Drejtoritë e Bujqësisë.

Takimi Rama - Tsipras në Nju Jork ishte një hap i parë për të shkrirë akujt mes dy qeverive që komunikimin mes tyre e kanë kthyer në shkëmbim deklaratash në distancë për çështje që kanë rritur jo pak temperaturat politike mes Tiranës dhe Athinës.  Marrëdhënia e ftohtë mes dy kryeministrave u duk edhe në bisedën informale që ata patën para takimit kokë më kokë në Nju Jork, ku e vunë theksin tek çështjet që duhen zgjidhur me mirëkuptim dhe në kuadër të së drejtës ndërkombëtare. Për të çarë akullin  shërbeu një pyetje e kryeministrit grek për të shkuarën sportive të kryeministrit Rama.

Studimet e fshehta kërkimore të armëve të zhvillimit, DARPA, shpreson në atë që instalimi i çipeve në trurin e ushtarëve do të bëjë të mundur zhbllokimin e të gjitha sekreteve të inteligjencës artificiale, sipas një libri të ri rreth historisë së agjencisë. Pentagoni e ka ndjekur inteligjencën artificiale që nga viti 1950. Sot, DARPA është duke e vazhduar këtë mision në ndjekjen përmes një programi të projektuar kinse për t’iu ardhur në ndihmë ushtarëvë të cilët kanë pësuar dëmtinë në tru, thotë Annie Jacobsen, autore e “Truri i Pentagonit”.

Martin Amis/ Shkrimtari i njohur anglez vjen në një intervistë për gazetën italiane “La Repubblica” ndërsa pritet që në Itali të dalë një nga librat e tij më të njohur “Zona e interesit” një roman mbi Shoah-në. Së shpejti, ky roman do të vijë në shqip nga shtëpia botuese “Saras”, e cila ka marrë të drejtën e botimit në gjuhën shqipe të këtij autori të rëndësishëm të kohës

Pse nuk lexoni letërsinë e re?

Ridley Scott u njoh me fotografitë e NASA-s që provonin se kishte ujë të rrjedhshëm në Mars dy muaj më parë. I përfshirë në realizimin e filmit “The Martian”, Scott thotë se pavarësisht kësaj, ishte shumë vonë që zbulimi të përfshihej në film. Gjithsesi ka patur një bashkëpunim mes agjencisë dhe regjisorit të njohur i cili ka realizuar një film që flet pikërisht për misionin e njeriut në planetin e kuq. Mbijetesën aty ku ndërthuret arti me të dhëna shkencore.

Partia Demokratike ka akuzuar sot kreun e Arkivës së Shtetit, Gjetë Ndoji, duke publikuar me këtë rast një shkresë të firmosur nga ish-ministri i Rendit, Spartak Poçi, për lirimin para kohe të tij.  “Bëhet fjalë për Arkivin Qendror të Shtetit, ku çdo shtet serioz mban memorien kombëtare. Bëhet fjalë për Arkivin Qendror të Shtetit Shqiptar ku janë dokumentet e para qeverisë së Ismail Qemalit por edhe ato pas saj. Aty janë dokumente të vyera ku palët me çështje pronësie dhe të tjera, zgjidhin ose jo problemet e tyre.