Lajme

Tashmë nuk është më risi. Linja katolike në arsim dhe histori, po përvijon një politikë rishkrimi dhe parashtrimi faktesh që nuk kanë sesi të nxirren jashtë kontesktit të axhendave politike.

Nafta ka cilësi të mirë në Shqipëri. Kështu shprehet kryeinspektorja e Inspektoriatit Shtetëror Teknik, Ejana Xhixha, e cila në një intervistë për “Vizion Plus” shton se kjo gjë provohet nga kontrollet e kryera. “Në vitin 2015-të janë bërë 5000 kontrolle, dhe vetëm në 3% të rasteve ka rezultuar se ka patur përzierje të naftës. Kontrollet që bën ISHT janë në bazë risku, dhe shkohet te subjektet të cilat janë konstatuar me shkelje.

Disa qarqe apo media në Perëndim, po zhvendosin vëmendjen drejt Turqisë. Pavarësisht lëmshit të përgjakur të Sirisë dhe kaosit që kërcënon që nga viti 2011 të gjithë Afrikën Veriore, vëmendja po shkon drejt një vendi “të veçantë” si Turqia islamike e Recep Erdgogan. Thujase në të njëjtën kohë, dy media me shumë ndikim, gjermania “Spiegel” dhe “Brookings”, i cilësuar si think tanku më me ndikim në botë, shkruajnë për mundësinë një lufte civile në Turqi.

Zërat sa vijnë e shtohen për një skenar amerikan pas skandalit me çipin mashtrues në autoveturat "Volkswagen". Ndonëse kishte dy vjet që përflitej për probleme në apartin djegës të makinave gjermane, zbulimi ndodhi pikërisht në kohën kur gjigandi gjerman i prodhimit të automobilëve dominoi shitjet në tregun amerikan dhe do të niste zëvendësimin e motorrëve që kishin shfaqur mangësi në normat e emetimit të gazrave ndotës. Aq më tepër kur po përforcohet ideja se e ardhmja e automobilizmit në Shtetet e Bashkuara nuk është as GM, as Chrysler dhe as Ford.

Partia Demokratike bëri publik sot një dokument që mban datën 4 shtator të hartuar nga sekretarja e burimeve njerëzore të strukturës rajonale të Partisë Socialiste për jugun, Silvana Islamaj, e cila u drejtohet të gjitha institucioneve ku u kërkohet me urgjencë të plotësohen formularët për cdo punonjës të administratës. Shkresa i referohet mbledhjes së deputetit Koço Kokëdhima me kryetarët e bashkive të jugut në kuadër të respektimit të marrëveshjes për ndarjen e posteve mes PS dhe LSI.

Ballkani mbetet Ballkan, pavarësisht se tenton të moderohet formalisht me këmbënguljen për të qenë me pahir europian, kur akoma frustrohet nga gjestet me natyrë nacional-folklorike. U duk në ndeshjen e Beogradit sa europianë janë serbët dhe po ashtu sa europianë jemi ne shqiptarët. Gjithsekush me mëkatet e veta dhe budallallëkun që udhëhiqet nga politika e raporteve dhe fqinjësisë së mirë. Këto shfaqje vazhdojnë të gjejnë terren në futboll, kur topi i këmbës fillon të ngatërrohet me ngërçet e mendjes si më fushë ashtu edhe në shkallët e stadiumeve.

Franca njoftoi sulmet e para ajrore ndaj pozicionëve të xhihadistëve në Siri. Pjesëmarrja e frcave francezë në luftën kundër Shtetit Islamik është konfirmuar edhe nga Presidenca franceze. Bombardimet nga ajri raportohet se janë kryer në orët e para të mëngjesit. Pavarësisht kësaj Parisi i qëndron idesë se Bashar Al Asad nuk mund të jetë në planet për të ardhmen e Sirisë.

Për debatin më të fundit lidhur me rivendosjen e pllakatës së Sulltan Sulejmanit, studiuesi i njohur Gjerak Karaiskaj ka një këndvështrim ndryshe. A thotë se kjo pllakë, është pjesë e monumentit dhe se do ishte mirë të mos ishte hequr nga aty. "Nuk është e vetmja kala me pllakë, ka pasur edhe në të tjera. Ka pasur në Kalanë e Kaninës, ku tregohej se ajo qe rindërtuar në shek.XVI. Nëse këto pllaka do ishin zhdukur ne nuk do e dinim se kur u rindërtuan. Studimi i kalasë pa to do ishte i vështirë", shprehet Karaiskaj në një intervistë për Gazetën Shqiptare.

Shakira është ambasadore e UNICEF dhe ia dedikoi këngën dy fëmijëve sirianë të mbytur, Aylan dhe Ghalib Kurdi.

Politika po shkon disi larg me përrallën e tolerancës fetare ndër shqiptarë. Një realitet i lindur nga shqisat e oportunizmit, kjo tezë po përdoret si instrument grimimi për Shqipërinë. Rast emblematik është kryeministri aktual që në dy fjalimet e fundit në ShBA, dje në “World Leadership Forum” dhe sot në fjalimin në OKB, ka sjellë shembullin e vetes si përfaqësues për Shqipërinë. Dhe më tej, Shqipërinë, si model që mund të ndiqet nga kjo botë e turbulluar nga konfliktet.