Lajme

Ndodh edhe kështu. Lëvizja Socialiste për Integrim është hedhur në sulm për aferën CEZ. E vënë për disa javë me shpatulla për muri, pikërisht pse kryetari i saj, Ilir Meta, akuzohej si i përfshirë në aferat e mbledhjes së borxheve përmes kompanisë DIA, së fundmi, LSI ka dalë në vijën e parë të propozimit të disa zgjidhjeve për këtë çështje.

Britania po përballet me kërkesën “e çuditshme” për reparacione dhe dëmshpërblime nga Xhamaika, për periudhën e skllavërisë. Kërkesa vjen pak përpara se kryeministri David Cameron të vizitojë këtë vend dhe e tjetërson të gjithë jehonën e saj. Zyra e kryeministrit britanik ka deklaruar se reparacionet apo kërkesa e faljes nuk janë qasja e duhur.

“The Sun” shkruan për një temë shumë të ndjeshme: sipas saj, brenda 35 vjetëve seksi me robotët, do të jetë realitet. Të paktën për britanikët.  “Shumica prej nesh do të marrin kënaqësi me disa forma të lojërave seksuale virtuale diku nga 2030, kurse në 2050ën, do të kemi lodrat sekruale që përforin realitetin virtual”, shkruan britanikja “The Sun”. Madje në vitin kritik, 2050, seksi me robotët do të jetë më popullorë se ai mes njerëzve. Me siguri për brezin e ri të asaj kohe.

Për gati një shekull, gërmimet në Egjipt në Luginën e Mbretërve, kanë nxjerrë në dritë 64 varre dhe dhoma të tjera të lidhura me to. Thesari më i madh i gjetur është ai i Tutankhamun, njohur si KV62, por janë gjetur edhe mumje të dinastive mbretërore18-19. Duke nisur në vitin 2007, shkencëtarët egjiptianë kryyen teste genetike në 16 mumje mbretërore, mes të cilëve u zbuluan të afërmit e faraonit Tut, gjyshërit, prindërit, gruaja dhe dy vajzat. Mungon një mumje nga kjo periudhë, e bukura Nefertiti. Ajo ishte gruaja e parë e Akhenaten, babait të faraonit Tut.

Deputeti socialist Bashkim Fino ka folur sot për situatën politike. Fino është një politikan të cilin të gjithë përpiqen ta marrin seriozisht, edhe sepse fati politik i “pikoi” në vitin e vështirë 1997. Çfarë ka thënë Fino? Fino ka thënë se sheh një gjë që nuk e sheh asnjë. “Aleanca me LSI-në funksionon shumë mirë”, citohet ai nga disa media. Por nëse funksionon shumë mirë, ç’nevojë ka të pohohet një gjë e tillë? Ndoshta Fino ka gjetur një mënyrë për t’u dukur në media.

Eurobondit shqiptar i ka kushtuar një hapësirë edhe agjencia “Reuters” e cila i referohet kryeministrit Edi Rama. Agjencia vë në dukje se Shqipëria është një vend me nivel të ulët të mbledhjeve të taksave, por për kryeministrin shqiptar, “Ky duhet të jetë një shqetësim i qeverisë dhe i popullit shqiptar, jo i investitorëve, për shkak se për investitorët kjo nuk përbën asnjë ndryshim”. Eurobondini emetuar kësaj radhe është 500 milionë euro dhe qeveria ka angazhuar J.P Morgan dhe Deutsche Bank si agjentë të vetët.

“Miremengjes miq, fotografi dixhital denoncon plantacione masive kanabisi ne Smokthine, arat e Sajmir Shullazit!!”- shkruan Berisha në një postim bërë paraditen e sotme në rrjetin social Facebook.
Këtë postim Berisha e ka shoqëruar me një foto, në të cilën sipas tij janë plantacionet me kanabis të Tahirit
Tahiri prej kohësh tashmë është në qendër të akzuave të opozitës për lidhjet me trafikanët e drogës dhe po prej kohësh PD po kërkon me këmbëngulje dorëheqjen e tij.

Thirrja e Papa Françeskut nuk i ndaloi autoritetet e Georgias në Shtetet e Bashkauara të ekzekutojnë femrën e parë pas 70 vitesh qëkurse u krye ekzekutimi i fundit për dënimin me vdekje.
Kelly Renee Gissendaner gjeti vdekjen pas injeksionit që iu bë nga autoritetet e burgut të Georgias. Ajo ishte dënuar me vdekje oër vrasjen e bashkëshortit të saj në vitin 1997, krim që e kishte kryer në bashkëpunim me të dashurin e saj.

Objekt i veifikimit të pretendimeve që parashtrohen në letrën e Spartak Brahos janë edhe disa vizita që i janë kryer Kastriot Ismailajt në burgun e Fierit dhe kërcënimet që ai të dëshmojë kundër Ilir Metës. Për këtë arsye, pritet që Prokuroria të verifikojë librin e fletëhyrjeve në burgun e Fierit. Panorama raporton se grupi i hetimit pritet të marrë në pyetje edhe biznesmenin me të shoqen. Mësohet se dy javë më parë Kastriot Ismailaj është lëvizur nga burgu i Fierit dhe është sjellë në Tiranë, pasi në Gjykatën e Apelit u mbajt seanca për çështjen e sekuestros së pasurive të tij.

Greqia dhe Maqedonia janë përplasur edhe njëherë për shkak të diferencave për emrin. Mediat flasin për një incident diplomatik me protagonist kryeministrin grek Aleksis Tsipras, i cili refuzoi të jetë i pranishëm në samitin e thirrur nga presidenti Obama në kuadër të luftës kundër terrorizmit.
Pala greke kishte kërkuar që Maqedonia të prezantohej në këtë samit me emrin e njohur nga OKB, si FYROM, por kjo kërkesë nuk u mor parasysh nga organizatorët qe lejuan prezantimin e Shkupit me emrin Republika e Maqedonisë.