Lajme

Projektbuxheti 2016, që ka marrë edhe miratimin e qeverisë, i ka qëndruar një politike të shtrënguar shpenzimesh, duke ulur ndjeshëm fondet për infrastrukturën dhe arsimin, ndërsa aparati qeveritar nuk ka ndjekur të njëjtën trajektore, duke i rritur shpenzimet me 343%.

Për herë të parë aktivizohet Neni 42,7 i traktatit të BE-së ku thuhet se nëse një shtete anëtar është një viktimë e një agresioni në territorin e  tij, atëherë shtete e tjera anëtare kanë detyrimin që t’i vijnë në ndihmë me të gjitha mënyrat që zotërojnë.

Konfirmimi ka ardhur në konferencën për shtyp të shefes së diplomacisë europiane, Federica Mogherini dhe ministrit francez të mbrojtjes Jean-Yves Le Drian.

Autoritetet ruse thonë se rrëzimi i avionit me 224 persona në bord, mbi gadishullin e Sinait është një “akt terrori”.  Shefi i FSB-së ruse, Aleksander Bortnikov i raportoi Presidentit rus, se në bordin e avionit ishte vendosur një bombë, fuqia e të cilës ishte e barazvlefshme me 1 kg Tritol (TNT).

Të nesërmen e atentateve në Paris u bë publik një email që kërcënonte ministrin e Brendshëm, Sajmir Tahiri në emër të një organizate të quajtur Brigadat e Kuqe. Është e çuditshme sesi informacione të tilla konfidenciale që mbërrijnë në postën elektronike të ministrit të Brendshëm, dekonspirohen kaq shpejt dhe  mbërrijnë në email-et e gazetarëve me qëllimin që lajmi të marrë sa më shpejt dhenë.

Nga policia është e pamundur të marrësh informacione edhe për ngjarje ordionere, e jo më për informacione që kanë të bëjnë me kërcënime terroriste ndaj ministrit të Brendshëm.

Një nga shqetësimet e mbledhjes së grupit parlementar të Partisë Socialiste të zhvilluar pa praninë e kryeministrit Rama ishte mënyra si po kryhen rekrutimet në administratën publike dhe fakti se disa ministra dhe deputetë nuk po i përfill njeri sa i përket çështjes së punësimeve. Fjala është për drejtorët e rangjeve më të ulëta, për të cilët ka ankesa nga deputetët se po bëjnë ligjin me punësimet.

Pas hetimeve dhe shoqërimeve që  kreu policia dhe prokuroria u zbulua se autori i emailit që “kërcënoi” ministrin e Brendshëm Sajmir Tahirin nuk ka lidhje me “Brigadat e Kuqe”, madje ato nuk ekzistojnë në Shqipëri. Panorama shkruan se dërguesi i e-mailit ka pranuar se ka bërë një “shaka pa kripë”, pas së cilës nuk ka asnjë grup, asnjë formacion apo ideologji.

Flitet prej vitesh për investime të huaja direkte, për investime serioze që mungojnë. Italianë, gjermanë, austriakë, grekë, e së fundmi kinezë dhe turq, kanë kaluar nga Shqipëria për të parë mundësinë e investimeve, por ende asgjë e hajrit nuk duket. Çfarë i mban larg të gjithë? Përgjigja është: politika. Një episod sesi politika shqiptare ndikon që askush të mos e marrë seriozisht vendin tonë, e ka treguar sot në “Natë me Xhaxhiun”, Geri Selenica i Qendrës Shqiptare për Studime Strategjike.

Pyjet, mjedisi në tërësi, prej kohësh po kapitalizohen si burime ekonomike edhe në Shqipëri. Mjerisht pa një strategji dhe shpesh duke shkaktuar dëme. Jamarbër Malltezi, kreu i Departamentit për Ambientin, Pyjet dhe Turizmin i Partisë Demokratike, në një intervistë për “ResPublica.al”, akuzon zyrtarë të lartë të qeverisë, duke argumentuar sipas tij paaftësinë e tyre dhe mungesën e qartësisë në punët e ndërmarra. Duke folur për lejet ndërtimore, Malltezi akuzon kryeministrin për klientelizëm.

Rusia ka të dhëna se terroristët janë duke u financuar nga 40 vende gjithsej, përfshi edhe disa shtete anëtare të G20-s. Deklarata është bërë ng presidenti rus, Vladimir Putin gjatë samitit dyditor që po mbahet në Antalia të Turqisë.
"Kam ofruar shembuj bazuar mbi të dhënat tona mbi financimin e njësive të ndryshme të Shtetit Islamik nga individë të ndryshëm privatë. Këto parà, nga çfarë nga rezulton neve, vijnë nga 40 vende dhe, mes tyre ka edhe disa prej anëtarëve të G20-s”, ka thënë Putin për gazetarët, siç bën të ditur “RT”.

Sokol Mjacaj u dënua nga Gjykata e Shkodrës me burgim të përjetshëm për vrasjen e 2 turistëve çekë në 3 korrik të këtij viti. Burgim i përjetshëm për një vrasje absurde. Vendimi duket se bën drejtësi në raport me aktin e kryer. Por ka edhe një perspektivë tjetër. Konstandin Xhuvani, djali i ish-deputetes së PS-së, Luiza Xhuvani, u dënua me 35 vjet nga Gjykata e Apelit Tiranë, meqenëse kishte kërkuar gjykim të shkurtuar. Xhuvani vrau katër vetë në lokalin “Ante Grand” më 4 nëntor 2014.