Arkiv-Lajme

Kryeministri Berisha sot ka folur para dite për ‘suksesin’ e tij në Azerbajxhan, dhe pas dite ka mbledhur Komitetin e Festimeve të 100 vjetorit të themelimit të shtetit shqiptar. Dje na tha se gjithë vendi është nën dëborë, ndërsa sot na kërkon ta harrojmë “gjendjen e fatkeqësisë natyrore” e të fokusohemi tek ky vit, i cili do jetë “vit i të vërtetave të mëdha, jashtë çdo manipulimi”!!!

Jemi që prej vitit 1992 anëtar të Konferencës Islamike por, përveç “qejfit” të fillimit, u desh të kalonin 20 vjet që t’i riktheheshim marrëdhënieve intensive me këto vende. Shtypi ishte mbushur sot me vizitën e kryebashkiakut Basha në Katar dhe binjakëzimin e Tiranës me kryeqytetin, Doha.

Dorëheqja e nënkryetarit të KLD-së ia dogji planet kryeministrit, i cili kish planifikuar ta shkarkonte. E për këtë arsye, Berisha ka porositur Halimin e vet që në mbledhjen e sotme të KLD-së të kërkojë shkarkimin e Spahiut, e të mos pranojë dorëheqjen (!!!). Mirëpo Topi, në krye të KLD-së, nuk është ndalur shumë tek kjo çështje; e ka hedhur në votim, dhe kaq.

Perfundon pas me shume se 5 ore debatesh mbledhja e Këshillit te Lartë te Drejtësisë.

Mbledhja e sotme, drejtuar nga kreu i shtetit, Bamir Topi ka pasur ne qender te saj situaten pas doreheqjes se nenkryetarit te KLD, Kreshnik Spahiu.

Mesohet se ministri i Drejtesise, Eduard Halimi nuk ka pranuar doreheqjen e Spahiut, duke theksuar se ai duhet te shkarkohet nga Parlamenti.

Por mesohet se nje gje e tille nuk eshte pranuar nga gjithe anetaret e KLD-se, te cilet me votim e kane rrezuar kete kerkese, duke pranuar se fundi doreheqjen e Spahiut.

Ndërkohë që Shqipëria kalon nga një situatë e vështirë në tjetrën (politike, natyrore, ekonomike), një krizë ka vite që po zhvillohet, por nuk shfaqet shumë në faqet e para të gazetave. Është fjala për krizën e sistemit të pensioneve. Vitin e kaluar, sipas të dhënave të Ministrisë së Financave, fatura e përgjithshme e pensioneve të pleqërisë dhe invaliditetit ishte rreth 750 milionë dollarë. Dhe sipas parashikimeve të saj, kjo faturë do të shkojë në 1 miliardë dollarë në vitin 2014.

Shqipi publikon sot një scoop të dytë lidhur me kontratat e Berishës me kompani lobuese, të cilat janë paguar me paratë publike me synimin për të trukuar fytyrën e qeverisë aktuale të Tiarëns. Ja ç’thotë Shqipi në raportimin e vet:

Arbën Xhaferi ka dhënë një intervistë për gazetën ‘Tribunë Shqiptare’, në të cilën nënvizon se “Serbia është duke e dëmtuar sovranitetin e Kosovës në veri, ashtu siç e dëmton Rusia sovranitetin e Moldavisë në krahinën Trans-Dniester”. Por momenti më interesant i intervistës është ai, ku Xhaferri lë të kuptohet se është me idenë e Qosjes mbi shkëmbimin e territoreve. Nuk vihet qartë në mbështetje të kësaj teze e nuk flet për shkëmbime territoresh, por hedh një tezë të vetën që të çon po atje.

Mbrëmë, natën vonë, është miratuar plani i shkurtimeve në parlamentin grek (gjatë ditës kish pasur protesta të fuqishme para parlamentit; pati me dhjetra të plagosur, dhe grupe të ndryshme tentuan të pushtonin parlamentin, por – ky është vëzhgim allasoj që vlen për ne shqiptarët – ‘Garda’ nuk vrau askënd). Debatet kanë qenë të ashpra. Ministrat mbajtën fjalime me tone apokaliptike. Në thelb, ata u përpoqën të përcillnin mesazhin se “nëse ky plan nuk miratohet, 130 miliardë eurot nuk do t’na livrohen nga BE-ja e FMN-ja, dhe ne marrim fund të gjithë”. 77 deputetë votuan kundër, megjithatë.

IFIMES (Instituti Ndërkombëtar për Studime të Lindjes së Afërt dhe Ballkanike) me seli në Lubjanë ka bërë, sipas Zërit të Prishtinës, një analizë me titull “Shqipëria e vetme kundër vetes”. Sipas kësaj analize, Shqipëria nuk mund ta marrë statusin e vendit kandidat, nëse nuk zbardh vrasjet e kryera më 21 janar e nëse nuk përcaktohen personat përgjegjës (gjë që në fakt është thënë së fundmi dhe nga deputetë të parlamentit europian. Re.Pu).

Është shpallur gjendja e fatkeqësisë natyrore. Reshjet e mëdha në të gjithë vendin, dhe izolimi prej borës së madhe i zonave të tëra në veri e kanë bërë të detyrueshëm këtë vendim të qeverisë. Janë regjistruar viktimat e para.