Arkiv-Lajme

“Sapo më erdhi një telefonatë nga Athina, dhe po më thonë se marrëveshja që BE-ja e Fondi Monetar Ndërkombëtar u kanë kërkuar është arritur. Partitë politike që mbështesin qeverinë kanë rënë dakord mbi këtë marrëveshje:, tha sot Presidenti i Bankës Qendrore Europiane, Mario Dragi, me të filluar konferencën për shtyp në Frankfurt. Pas kësaj, agjencitë e lajmeve nxorrën headline-et e tyre me tituj që vërtiteshin rreth kumtit: Greqia ra dakord me kushtet e kërkuara nga borxhdhënësit.

“E para, pse [Albini] është takuar me serbët në Klinë në vitin 2004? Të tregojë se kush janë ata serbë, me të cilët është takuar, a janë serbë të Kosovës apo të Serbisë dhe pse ka qenë i mbuluar me batanije kur është takuar me ata? E dyta ka të bëjë me gruan serbe, me të cilën është takuar vazhdimisht në Pogradec, si dhe është parë edhe në Prishtinë. E treta, duhet të tregojë se çka përmban letra, të cilën e ka marrë me 28 shtator të 2011-ës nga vajza e ministrit të Millosheviçit.”

Gazeta Express e Prishtinës ka publikuar disa të dhëna që kanë dalë nga procesi i regjistrimit të popullsisë. Këto të dhëna janë në përpunim e sipër, dhe nuk kuptohet mirë se si kanë rënë në dorë të kësaj gazete, por të dhënat, edhe pse nuk bartin surpriza, janë interesante. Sipas tyre, harta etnike e Kosovës është si më poshtë: jaanë deklaruar shqiptarë 1 milion e 614 mijë e 127 vetë, dhe serbë 25 mijë e 718 persona, por pa llogaritur veriun. Turqit janë 18 mijë e 711. Boshnjakë ka më shumë se turq: 27 mijë e 488.

Disa të përditshme janë përfshirë në fushatën e zgjedhjeve në rangjet universitare. Në fokus ëhstë në mënyrë të veçantë, nuk merret vesh pse (apo është e vetmja gjë që merret vesh?), fakulteti i mjekësisë. Portreti i kandidatit Pipero, që nga një pjesë e media-s është paraqitur si beniamini i LSI-së, është parë shpesh në faqe gazetash. Ka pasur shkrime për të e intervista me të.

Dje ambasadori amerikan në Tiranë, pas një takimi me Edi Ramën në selinë e PS-së, deklaroi në mënyrë të drejtëpërdrejtë se SHBA-të duan të shohin një konsultim të palëve për zgjedhjen e Presidentit të Republikës. Ai iu shmang termit “president konsensual”, por la të kuptohej qartë se SHBA-të nuk do të donin një president të zgjedhur në mënyrë të njëanshme nga PD-ja. Ndërkohë, ambasadori deklaroi se kishte diskutuar me Ramën në parim për një vizitë zyrtare të këtij të fundit në Uashington.

Në një shkrim me titull “Kujt t’ia besojmë shkrimin e historisë?”, të publikuar në Mapon e djeshme, Ndrek Gjini hedh idenë se qeveria shqiptare “do bënte punën më të mençur po t’i akordonte fondet, materialet dhe infrastrukturën e nevojshme një universiteti prestigjioz në Britaninë e Madhe, Gjermani apo ShBA, për të shkruar tekstet bazë të historisë së Shqipërisë.” Dhe më poshtë thekson se kjo punë nuk mund të bëhet “me fonde, materiale dhe infrastrukturë të bollshme [për] institucionet që drejtohen sot nga Beqir Meta, Aurel Plasari apo Ardian Marashi; [apo nesër] për po këto institucione,

Kryeministri Berisha hodhi para ca ditësh idenë e dhënies së shtetësisë për të gjithë ata që kanë investuar në Shqipëri 100 mijë euro e që, kuptohet, do duan ta marrin këtë shtetësi. Është një ide e thatë, e pazhvilluar dhe e pashpjeguar deri në fund (nëse kryeministri ka për të thënë më shumë se sa kaq), por ka mbjellë alarmin gjetkë. Në fillim u shfaq shqetësimi elektoral i opozitës, por merrej vesh se është një shqetësim i egzagjeruar (këtë të opozitës, të djegur nga qulli, i fryjnë dhe kosit), por sot është shfaqur shqetësim nga organet e sigurisë.

Berisha nxorri sot Boden të deklarojë se “KESH-i duhet ndihmuar”. Por si? Me çfarë? Është marrë vendimi për të prekur fondin e kontingjencës (fondin e parashikuar për situata të paparashikueshme e për rrethana të fatkeqësive natyrore). Dhe kriza energjitike, afërmendsh, nuk bën pjesë tek fatkeqësitë natyrore. Sikur nesër të ndodhë një përmbytje, a ndonjë gjë e  ngjashme me përmbytjen (është tamam rasti për të uruar: larg qoftë!), qeveria do të mbetet me gisht në gojë.

Fabio Capello nuk është më trainer i Kombëtares angleze. Ka dhënë dorëheqjen. Dhe Federata e futbollit anglez ia ka pranuar fët e fët, disa muaj para kampionatit europian që Capello mezi po e priste me shpresën për të arritur një rezultat të mirw edhe me një kombëtare; për më tepër, me një kombëtare të famshme, që nuk ka mundur të fitojë një kompeticion prej dekadash të tëra.

Në një shkrim të Gjergj Erebarës bëhej një listë e do ngjarjeve të ditëve të fundit, të cilat i lidh fakti që viktimat kanë qenë rastësore; dmth secili prej nesh mund të qëllonte në vend të tyre. Ja një fragment i shkrimit të Erebarës