Arkiv-Lajme të përditësuara

Në Shtetet e Bashkuara, anketat më të fundit tregojnë se të paktën për momentin, Presidenti Obama kryeson me pak diferencë në garën me rivalin e tij Mit Romney, ndërsa të dy kandidatët presidencialë hyjnë në 8-javëshin e fundit të fushatës presidenciale. 

Të dy kandidatët gëzonin mbështetje të barabartë pas përfundimit të Kuvendit të Republikanëve një javë më parë, por pasi zoti Obama pranoi emërimin e demokratëve për një mandat të dytë presidencial javën e kaluar, mbështetja për të u rrit. 

Dalja e mundshme e Greqisë nga euro veç pasojave të tjera, do të ketë një ndikim të madh negativ në çështjen e punësimit në eurozonë, vlerëson drejtori i Zyrës Ndërkombëtare të Punës (International Labour Office-ILO), Guy Ryder. 

“Në bazë të parashikimeve të Sekretariatit të Organizatës Ndërkombëtare të Punës, është e qartë se nëse Greqia do të largohet nga zona e euros, kjo do të kishte një ndikim të rëndësishëm negativ në punësim, jo vetëm në këtë vend, por në të gjithë eurozonën”, thotë drejtori i ILO-s, në një intervistë mbi çështjet evropiane. 

Përleshje të dhunshme shpërthyen mes policisë dhe qindra punonjësve të fabrikës së aluminit, "Alcoa" të Sardenjës, të cilët marshuan në qendër të Romës, duke i bërë thirrje qeverisë të ndërhyjë për të ndaluar mbylljen e uzinës. Rreth gjashtëqind punëtorë udhëtuan gjatë natës nga Sardenja në Romë. Grupi vrapoi nëpër rrugët e kryeqytetit duke hedhur parulla kundër kompanisë me bazë në SHBA. 

Shqetësimet ekonomike po mbizotërojnë garën presidenciale amerikane, pak ditë pasi raporti mujor mbi punësimin tregoi krijim të dobët të vendeve të punës. Sondazhet e opinionit publik e tregojnë vazhdimisht ekonominë si shqetësimin kryesor të votuesve. 

Shifrat zhgënjyese të raportit të së premtes mbi punësimin janë duke luajtur një rol kryesor në argumentet e fushatës të kandidatit presidencial republikan Mitt Romney. 

Një demonstratë paqësore në Kili në nder të viktimave të regjimit ushtarak të gjeneralit Augusto Pinochet ka degjeneruar në dhunë. 

Rreth 3500 persona morën pjesë në marshimin drejt varrezave të Santiagos dhe policia bën të ditur se një grup i vogël personash me maska sulmuan një godinë qeveritare me gura.

Tetë persona u arrestuan pas një beteje mes forcave të rendit dhe rreth 100 protestuesve që ngritën barrikada dhe ndezën zjarre.

Spanjollët i  thonë jo "Eurovegas", projektit që do të sillte në Evropë industrinë e njohur të argëtimit amerikan. Bëhet fjalë për një kopleks gjigand në  periferi të kryeqytetit spanjoll të pajisur me hotele, restorante dhe veçanërisht kazino. Ndonëse autoritetet lokale kanë luftuar gjatë me Barcelonën rivale për të fituar projektin e "Eurovegas" që sipas tyre do të sjellë të holla dhe shumë vende  pune, qytetarët e  Madridit nuk janë të bindur: