Arkiv-Lajme të përditësuara

ELBASAN- Një aksident automobilistik ka ndodhur rreth orëve të vona të së premtes në lagjen “Aqif Pasha”. Në aksident janë përfshirë dy automjete. Si pasojë e përplasjes, kanë mbetur të plagosur 4 persona, të cilët janë transportuar menjëherë për në spital për të marrë ndihmën mjekësore.

Sipas informacioneve paraprake, njëri prej të lënduarve ndodhet në gjendje më të rëndë. Nuk dihet ende identiteti i personave të lënduar apo shkaqet e këtij aksidenti.

Efektivët e policisë kanë mbërritur menjëherë në vendngjarje, fillojnë hetimet.

GRAMSH - Një 37-vjeçar në fshatin Tërvol të Gramshit është ekzekutuar mbrëmjen e djeshme në banesën e tij rreth orës 20:00, ndërsa kishte dalë në verandë. Mësohet se viktima është Përparim Duzha, 37 vjeç i cili para pak kohësh është riatdhesuar nga Belgjika ku jetonte prej disa vitesh si emigrant.

37-vjeçari dyshohet se është vrarë gjatë një darke familjare dhe është qëlluar në momenti kur ka dalë në verandë për të pirë në cigare.

TIRANE - Sot 70 familje rome dhe jo rome, kaë protestuar sot përpara kryeministrisë. Problemi i këtyre familjeve është ndërtimi i “Unazës së Madhe”, pasi do të ju shembë shtëpitë e banimit. Këta banorë kanë këto kërkesa që duhet të merren në konsideratë.

"Ofrimi i mundësisë përmes një VKM-je e cila mund të propozohet nga Ministria për çeljen e procedurës së shpronësimit. Pushteti qendror ose ai lokal, duke e parë, aktet që disponon, t’i vërë në dispozicion një trualli për aq sa ka nevojë secila nga familjet që mund të ndërtojnë vetë." shprehet një banor

TIRANE - Dy punonjës të Inspektoriatit Ndërtimor Urbanistik Kombëtar kanë mbetur të plagosur, pas një konflikti me një person, gjatë aksionit të ditës së sotme në Unazën e Re në Tiranë për prishjen e ndërtimeve pa leje.

Të plagosur mësohet se kanë mbetur një punonjës i INUK dhe një fadromist, ndërsa është shpallur në kërkim autori, identiteti i të cilit nuk dihet ende.

Një fadromist dhe një punonjës i INUK janë plagosur mbrëmjen e sotme gjatë një aksioni për prishjen e ndërtimeve pa leje. Mësohet se ngjarja ka ndodhur pasditen e sotme tek ‘Unaza e Re”, ndërsa punonjësit e INUK janë goditur me leva dhe sende të forta, nga banorë që kundërshtonin prishjen e objekteve të tyre. Burimet e policisë bëjnë me dije se fadromisti ka marrë disa plagë nga goditja. 

KURBIN - Policia e Kurbinit ka arrestuar 31 vjeçarin e shpallur në kërkim, me akuzën për përndjekje personi , pasi ka ngacmuar një minorene. Në prangat e policisë ka rënë Gjovalin Kokaj 31 vjeç.

Sipas policisë, Kokaj është arrestuar pasi akuzohet se ka ngacmuar 12 vjeçaren me inicialet E.V. Kjo e fundit ka bërë denoncimin e saj në polici, ndërsa menjëherë strukturat e policisë kanë shpallur në kërkim 31 vjeçarin.

Ai është arrestuar ditën e sotme, dhe ku duhet të përballet me akuzën e përndjekjes së personit.

Gjyqtari i Krimeve të Rënda, Bardhyl Dhama, 48 vjeç, është gjetur i pajetë në banesën e tij pasditen e sotme. Dhama dyshohet se ka ndërruar jetë për shkak të një infarkti kardiak.

Policia e Kryeqytetit bën me dije se rreth orës 16:00 salla operative është njoftuar se gjyqtari Dhama është gjetur i pajetë, në banesën e tij, të ndodhur ne rrugën "Ali Demi".

Aktualisht, grupi hetimor po kryen veprimet procedurale, por paraprakisht dyshohet se vdekja ka ndodhur në mënyre natyrale.

Seanca e fundit gjyqësore që 48-vjeçari Dhama ka drejtuar, ka qenë ditën e djeshme.

Gjykatësi i Krimeve të Rënda, Bardhyl Dhamo është gjetur i vdekur në banesën e tij pasditen e kësaj të premteje. Të dhënat e para të policisë, bëjnë me dije se gjyqtari 48-vjeçar dyshohet të ketë humbur jetën për shkaqe natyrale.

TIRANË - Mbrëmjen e djeshme efektivë të Komisariatit i Policisë Nr.2 në Kryeqytet , rreth orës 20:00 bënë të mundur arrestimi i Nertil Memës, 29 vjeç, banues në fshatin Progonat i Tepelenës.

Arrestimi i tij u bë sepse po dje rreth orës 12.00, është kapur duke tentuar të vjedhë banesën e shtetases S.Xh, të cilit me vete ju gjetën disa çelësa, pjastra metalike çelsa ekzagon për thyerjen e fishekut të bravës dhe i’u sekuestruan në banesë disa ora dore të markave të ndryshme si dhe një shumë e konsiderueshme parash.

Në qarkun e Kukësit, po bie interesimi i të rinjve për të vazhduar arsimin e mesëm profesional i cili është shtrirë vetëm në qytetin e Kukësit, pranë gjimnazit “Havzi Nela”.

Shkak për këtë është bërë mungesa e infrastrukturës për praktikën. Kështu nxënësit i duhet që dy vite t’i kryejnë në Kukës, ndërsa dy të tjerat t’i përfundojnë në Rubik apo Shkodër. Sipas nxënësve ky sistem i shkollimit është një kosto e madhe për buxhetin e familjeve të tyre.